حمله لإسقاط الديون عن المواطنين

[كويتية أصيلة]

انا ماراح اقول شي

بس اللي باقوله شوفو قبل خمسين سنه شنو كنا

وشوفو الحين شنو صرنا

 

[صرخة ألم]

آنا أستغرب من الي يقولون مانبي القروض طيح أصلا البلد تلفانه من الرشاوي والسرقات والواسطات وأكثر المستفيدين أهم أعضاء مجلس الأمه
يدخل المجلس فقير يطلع غني فخل يطيحون القروض أو الحكومه تخصص
مبلغ حق كل موظف كويتي وكيفه بس يكون المبلغ موأقل من 50 ألف دينار
والي تقول أحنا بس نفكر بالمنحه أقولها لازم نفكر لان غيرنا بدون لايفكر قاعد ياخذ


نعم لأسقاط القروض

 

[رمانه كويتيه]

آنا أستغرب من الي يقولون مانبي القروض طيح أصلا البلد تلفانه من الرشاوي والسرقات والواسطات وأكثر المستفيدين أهم أعضاء مجلس الأمه
يدخل المجلس فقير يطلع غني فخل يطيحون القروض أو الحكومه تخصص
مبلغ حق كل موظف كويتي وكيفه بس يكون المبلغ موأقل من 50 ألف دينار
والي تقول أحنا بس نفكر بالمنحه أقولها لازم نفكر لان غيرنا بدون لايفكر قاعد ياخذ


نعم لأسقاط القروض

ماقول الارحمه الله امج اللى يابتج كل كلمه قلتيها صح الناس الكبيره باقت خلصت يت على الفقير المسكين

 

[فراولة^فوشيا]

بنات اباسألكم دامكم تعرفون عن القروض

في وحدة تسأل اهيا ماخذ قرض صغير مدة سنتين ،، والسنة اليايه شهر 4 تكون خلصت سنة وباقي لها سنة والمبلغ يكون وصل النص بالضبط

تقول ان الي ذاك الوقت تكون مجمعه هالمبلغ الباقي ،، تقدر تدفعه مره وحده؟؟ والا لازم تنطر لما تخلص المدة ؟؟

صراحة انا ماعرف حبيت اسألكم :eh_s(7):

 

[الاسطورة]

انا مع اسقاط القرووووووووووووووووووووض

 

[أم جوري]

السلام عليكم ورحمة الله وبركاته

شوفوا بنات اللي تقول القروض علشان المظاهر خلونا نكون واقعيين وكل وحدة عندها حاسبة او ورقة وقلم وخل تحسب

مو كلنا معاشاتنا عالية يعني مو كل الكويتين ضباط وجامعيين وغيره
يعني في ناس معاشاتهم قليلة وعندهم عيال ستة وسبعة ما شاء الله

طيب خلينا نتكلم عن واحد معاشه 500 دينار ونقول انه ممكن زوجته تشتغل ومعاشها نفس معاشه ... يعني 1000 دينار

انا هني احط لكم الحد الادنى من الميلغ يعني مصاريف الفقارى اللي يشترون اكثر اغراضهم من سوق بو مية وبو دينار ونصف
الزوج عنده سيارة
اقل قسط ب 100 دينار
والزوجة كذلك عندها سيارة 100
ايجار الشقة اللي قاعدين فيها يحطون من جيبهم على ايجار الحكومة حوالي ال 100 دينار

عندهم 3 يهال ...
واحد منهم ابتدائي والثانية روضة والثالث قاعدج بالبيت
اللي في الابتدائي:

ملابس المدرسة + ملابس الرياضة + ملابس البيت + ملابس الطلعة =
18 دينار

حذاء مدرسي + حذاء رياضة + حذاء للطلعة = 4,500

دلاغات عدد 6 = 1,800

ملابس داخلية 6 فنايل + 6 سليبات = 5,400

شنطة مدرسية + مقلمة + 6 اقلام رصاص + 2 محاية + 2 براية + 2 مسطرة + مقص + الوان خشبية + صمغ + قص ولصق + لزاق + ورق شفاف + عدد 6 دفاتر + كراسة رسم + الوان شمعية او شينية = 8,450

مصروف يومي لمدة شهر بمعدل ربع دينار يوميا = 7,500

االلي في الروضة =

ملابس المدرسة + ملابس الرياضة + 3ملابس البيت + 3ملابس الطلعة + 6شباصات للمدرسة + 6 شباصات للطلعة = 13,200

حذاء مدرسي + حذاء رياضة + حذاء للطلعة = 4,500

دلاغات عدد 6 = 18,00

ملابس داخلية 6 فنايل + 6 سليبات = 5,400

شنطة أكل + مقلمة + 6 اقلام رصاص + 2 محاية + 2 براية + 2 مسطرة + مقص + الوان خشبية + صمغ + قص ولصق + لزاق + ورق شفاف + عدد 6 دفاتر + كراسة رسم + الوان شمعية او شينية + صدرية للاكل = 10 دنانير

مصروف يومي لمدة شهر بمعدل ربع دينار يوميا = 7500

اللي في البيت العنونو بو سنة

حفاظات اردى وارخص نوع بمعدل 2 كيس اسبوعيا من بو 2,300 = 4,600

ملابس داخية 4 + ملابس نوم 4 + 4 بدلات + 2صدرية = 12500

رضاعات 3 + 2 مصاصة = 3,400

حليب الاطفال عدد 8 من التموين = 4720

لعبة مني مناك مشاية = 7500

مصاريف البيت :

ماجلة البيت من كله = 150 دينار
من عيش وسكر وزيت ومعجون وبيض ودجاج ولحم وخضروات وكلينكس وحفاظات المرة و الشامبو والصابون وصابون الملابس والمواعين والحمامات واكياس الزبالة والسفرة والخل وزيت الزيتون والخ

مجاملات وشراء هدية لاخت او بنت او اب او ام
لعدة مناسبات = 20 دينار ( عيال فقارى يشترون اي شي )

اصلاح عطل في اي شي في البيت او السيارة = 30

ممكن الزوج يكون ماخذ قرض = 200 دينار على الاقل طبعا

مصاريف الزوج والزوجة
بنزين للسيارتين مرتين بالاسبوع على الاقل 12دينار
تعبئة كروت بالشهر كل واحد 20 ( هذا من النوع اللي ما يسولف وايد ) = 40 دينار
قطية الدوام 20 دينار
ملابس والذي منه للاثنين = 100


نحسبها ...

احسبوها لأني دايخة من الارقام ...

 

[ArEEj]

أن شاء الله تطيح القروض
اذا في ناس مو محتاجين للقرض وما خذوووه
في ناس واجد حدتهم الظروف يأخذون قروض
لشراء بيت - للعلاج - ديون - والله العالم بالباجى
ليش نحسدهم
صج ليقالوا الرازق بالسماء والحاسد بالارض
ويقول الرسول صلى الله عليه وسلم
حب لأخيك ما تحبه لنفسك
يعنى اذا الله موسع عليكم أدعوا ان الله يوسع على غيركم
ويرزقهم مثل ما رزقكم
ترى مو كل الكويت طبقه وحده ​

 

[غلطة حياتي]

الحب كذبه -seule12 -kokotaa - قرة عيوني شاكره مشاركاتكم حبابيبي وندعوا الله بهذه الأيام المباركه ان يفرج عنا همومنا ويسدد ديوننا انه القادر على كل شيء بس قولوا أمين

 

[غلطة حياتي]

أميرة الورد - حلم السنين -كويتيه أصيله - صرخة الم -توتا تو -فراوله فوشيا- الأسطوره - ام جوري-أريج شكرا للمسانده وعساكم على القوه:eh_s(8):

 

[طال السكوت]

والي تقول أحنا بس نفكر بالمنحه أقولها لازم نفكر لان غيرنا بدون لايفكر قاعد ياخذ


نعم لأسقاط القروض


صح لسااااااااااااااااااااااااااااااااااااانج اى والله .......صاجه

 

[كندية]

والله مشكلتنا انا كل ماطيحوا الديون رحنا حطينا ديون يديده...انا اقول لازم يعدلون القوانين ومايعطون قروض حق اي احد...يعني بدال مااخذ لي شيء مااقدر عليه اخذ شيء على قد معاشيء

بس لما اتشوفين في الجريده الكويت عطت فلان وعلان يحترق دمج
يعني الفلوس احنا اولي فيها ..خل نرجع مثل قبل الكويت كان لؤلؤ الخليج والحين العالم سابقينا ..والله رحت دبي يزوق قلبج يعني ليش مانصير مثلهم مشاءالله عندا خير ...بس ياريت مستفيدين منه كل يروح حق بره ...

 

[نملة^فاصلة]

الصراحه انا مع اسقاط القروض واللي مو ماخذ الله فاتحها عليه

يعني اللي يبي يشتغل يبي سياره توديه وتييبه وما عنده اشلون غصب عنه بياخذ قرض

واللي بيتزوج محتاج يفرش شقته وما عنده يا اهو ياخذ قرض يا اهله ياخذون له قرض .

مو كل الناس ماخذه قروض للرفاهيه علشان تعارضونهم باسقاط القروض وبعدين مسالة مستشفياتنا ومدارسنا مشكله ازليه ما لها شغل بسالفة القروض يا خواتي , يعني حكومتنا تصير طيبه وزينه مع اعدائنا وتطيح قروض العدو صدام اللي ذبح اعيالنا واغتصب بناتنا حلو .......... ونفتح صفحه يديده مع العرقرق هذي تسمونه نظره مستقبليه .

ومساعدة الكويتيين المتضررين من القروض تسمونها قروض رفاهيه لا والله احنا اولى ولازم الحكومه تعدل مستوى دخل الكويتي مو تخسبقه مثل سالفة الخمسين دينار عطونا اياها وغلو الجمعيات وغيره وغيره .

 

[ii DareeN ii]

مساله اسقاط القروض ترا مساله صعبه حيل لان في ناس ماخذه وفي ناس مو ماخذه ماكو عداله بالموضوع اكيد الحكومه قاعده تدرس الموضوع عشان الكل يطلع راضي الي ماخذ ولي مو ماخذ المساواه بالظلم عدل يا بنات

ولو اني ماتمني يطيحون القروض عن العراق
واتمني تنميه الوعي الاستهلاكي عند المواطن
وزياده الرواتب وتحسين اوضاع البلد وترميم البنيه التحتيه ابرك بصراحه خصوصا ان مستشفياتنا صارت دايخه ويبيلنا زياده ومحطات الكهربا والماي
غير جامعه شداديه الي نسمع عنها من اول التسعينات ويمكن من قبل ولا سوو شي

 

[FOZQ8]

بنات فعلا السالفه صعبه
يعني اذا طيحوا قروضنا اللي مو ماخذ ترى بينظلم
يعني جنه احنا ماخذين القرض هديه
على فكره انا علي قرض
يعني اتمنى مثلكم انهم يطيحونها بس ادري فيها ظلم لغيرنا
في ناس مو سالفت مو ماخذين قرض لانهم قادرين لأأ في ناس يضغطون على روحهم ويستحرمون ياخذون قروض ربويه

كل اللي اتمناه انه يراعون الله بالفايده اللي القرض مو راضي ينزل قيمته من كثر ما يرفعون الفايده كل شوي
واذا بيطيحونها يسوون شركه استثماريه فيها اسمهم ملك الناس اللي ماخذوا قروض

لكن للاسف تبقى هذي احلام

 

[brownness]

والله محد طق المواطن على ايدة وقال اخذ قرض ؟؟
يعني الي ماخذ قرض بيشتري سيارة كشخة وغيرة وغيرة من كماليات وهالاشكال تخرب على الي ماخذ قرض عشان مضطر ظروف صعبة عملية او غيرة

بس احنا اولة انة يطيحون ديونة ولا يطيحون ديون الي يمنا

 

[Om_RayooMa]

وين الكويتي اللي ماعنده قرض؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الا اذا ولد هوامير
كلنا علينا قروض كلنا منتفين كل شي غالي كل شي نار
طيحو القرووووض

 

[غلطة حياتي]

مشكورين حبايبي على الردود السنعه وبالنسبه للي ما خذ قرض للكماليات أقوووووووله: عليك بألف عافيه يبا احنا شفنا العز من كنا صغار احنا كويتيين أهل العز والخير ليش ما نكش نكشخ ونص ما تعودنا على الفقر وهم أقوووووووول اذا طيحو القروض يستاهلون الكويتين وما في ظلم انشاء الله ولا شي واتحدي اللي ما عنده قرض اذا غني هذا شي ثاني0:eh_s(8):

 

[طيري الأخضر]

الله يسمع منج عذورة والله كلامج كله عسل

 

[sadan]

اليوم راسى يعورنى ودشيت النت والا موضوعكم وزاد راسى

ياحبايبى منو ما يبى القروض تطيح سواء اخذنا قرض والا ما اخذنا

ياربى ديرتنا بخير واول الواحد ساكت نقول يمكن يطورون ويعدلون فى

ديرتنا الحبيبة بس للاسف محنا شايفين شى فالاولى يكون دهنا فى مكبتنا

يعنى ما نسد قروض الاعداء واحنا قاعدين انتطمش

على كل ادعوا الحين بهالايام الفضيلة وعسى الله يكتب اللى فيه الخير

:eh_s(9): :eh_s(9): :eh_s(9):

 

[hada]

لااااااااااااااااااااااااااااازم يطيحون القروض مو بكيفهم الحكومة شربكونا مع البنوك بقرارات البنك المركزي الفاشلة الله لا يوفقهم شلون ؟
قبل تاخذ قرض ويحسبون عليك فائدة نسبة معينه وخلاص يعني مثلا
اللي ياخذ عشر الاف يحطون عليه نسبه متفق عليها بين كل بنوك الكويت مثلا 3% ويصير القرض اللي عليك تسديدة بالكامل 13 الف مثلا وخلاص مايزيد
الحين لاااااااااااا بعد قرار البنك المركزي(التابع للحكومة) الفاااااااااااشل بربط صرف الدينار مع الدولار وغيرة من القرارات الفاشله
تاخذ قرض 10 الاف دينار تصير حسيتك 13 الف اوكي بس لا ارتفع سعر الفائدة يزيدون عليك قيمة القرض يعني يصير 15 او 18 الف دينار
حيله يديدة من البنك المركزي لتنفيع اصحاب البنوك الجشعين في الكويت وكله على ظهورنا وبمباركة الحكومة
الحكومة اخطأت (في قرارات البنك المركزي التابع لها ) ولااااااااااااااازم تصحح خطأها واقل شي اذا مايطيحون القروض يلغون سعر الفائدة نهائيا على كل القروض ويردونها للمقترض
واللي ماخذ قرض تعطيه الحكومة بدل نقدي
على الاقل دهنا بمكبتنا ولاتروح فلوسنا لبنان اللي معطينهم ربع مليار ؟؟ شكوو
يعني مساعدات عينية مثل بطانيات مولدات ادوية ممكن نفهمها ونبلعها بس 250 مليون دولار ؟؟ليش ؟؟ مو احنا اولي؟؟ ليش مايبنون بيوت حق 60 الف اسرة ناطرة الفرج الله يعلم بظروفهم ؟؟ وحق منو معطين الفلوس ؟؟ حق اللي خطفوا الجابريه وقتلوا 2 كويتيين