حملي . . هل سيتم ياترى ام لا ؟

[فكرة]

أشكركم ايها الطيبات على مواساتكم الحنونة وان شاء الله في ميزان أعمالكم

وان شاء الله بطبق نصائحكم القيمة


أختي العزيزة ام نواف اشكرك من كل قلبي على نصائحك وابغي اسئلك انتي متأكدة. ان ابر الكليكسان اذا وقفناها فجأة تسبب إجهاض لان هو مات بدون نزف تزامناً مع توقفي عن الكليكسان وبعد أسبوعين نزل الدم بس الان هو توقف من كثر ماابلع الديفستون !
والدكتورة ما نصحتني بشي ينزل الحمل بس قالت أخذي حمض الفوليك وبس !
شتنصحوني فيه أخواتي لينزل الحمل بسلام .

 

[مشتطـه]

ههههههههههههههههههههههههه ضحكتني سالفت البطريق وبطحتج
هههههههههههههههههههههههههههه

يا الله يا رحيم
ياقادر
طلبتك وادعيك بأنك تقر صاحبة الموضوع بشوفة ظناها بين ايديها كامل العقل والصحه والهيئه يا رب يا كريم

 

[مشتطـه]

اخخخ عورتي قلبي

توني ادري انه مات

اللهم يارب يا رحيم عوضها بالجنين السليم اللي يتم لي التاسع

بالنسبة للاخت الي تقول سورة البقرة ماتاخذ 20 دقيقة
شدعوه
؟

انا اقرأها بساعتين ؟؟؟؟كامله

 

[ام نواااف]

^

^

انا لمن اقرها قليل وبفترات متابعده ابشرج اصير 3 ساعات :rerrerek:
اما اذا قريتها يوميا الحمدالله تصير 20 دقيقة جربي تقرينها يوميا لمدة 9 شهور بحمالج وشوفي جم راح تاخذ من وقتج


....

فكرة

انتي مريتي بمراحل اجهاض
بس استغربت قلتي 5 مرات ؟؟؟
طبيا يصرفون لج الكليكسان بعد 3 اجهاضات
لان انا اجهضت مرتين والحكومه قالي بثالث اجهاض نصرف لج الابر
قلت تنطروني لمن اجهض المره الثالثه ؟؟

انا كانوا يقولون لي لاتقطعين اي شي فجأه من غير استشاره
لأن الابر تسيل الدم ممكن من بعد قطعتيهم ماقام يوصل الدم ؟؟؟
واكيد مو متأكده ان سبب الاجهاض الابر بس يمكن الدم مايوصل عندك للجنين
ترى في حالات لازم تاخذ الابر خاصة اذا كان اجهاضات متكررة ومن غير سبب

 

[••غـلآًهْـم••]

الله يعووضج ياارب ياكريم

نصيحه سوورة البقره دايم دايم شغليها عندج يوميا واقريها والله انا تاخذ ساعه مني ومرات اقل لاني تعودت الف الحمدلله ياربي علي قرآتها

واستخدمي خلطه الرويس اعتقد اسمه جذي السدر مع الشبه

ونصيحه ارقي نفسج وزوجج وبيتج دايم ترا العين حق

وحطي بزوايا بيتج وعند الباب ملح خشن عشان بعد الله يطرد الشر عنج

 

[أم الشفيع]

أختي الغالية أسأل الله العظيم رب العرش العظيم أن يأجرك في مصيبتك ويخلفلك خير منها

حاولي بالحمل القادم بإذن الله تستخدمين الأبر وبالنسبة للدوفستون يعتبر خفيف جدا وغريبه ان الدكتورة صرفته لك المفروض تعطيك شئ أقوى

واخيرا انصحك بالرقية الشرعية والاغتسال بالسدر وقراءة سورة البقرة يوميا والادهان قبل النوم بزيت زيتون مخلوط بمسك اسود مقري فيهم ، وأوصيك بصلاة الليل والقران خليه شغال ببيتك طوال اليوم وتأكدي ان كل اللي صار لك مأجوره عليه باذن الله ..

 

[الحلا و الزين كله]

الله يعوضج يارب بالحمل السليم المعافي...انصحج تتاكدين من سالفه الاجسام المضاده...واذا سويتي تنظيفات اطلبي منهم يسوون تحاليل عشان تعرفين سبب توقف النبض