حمل خارج الرحم!!!

[بنفسجيه_Q8]

مرحبا حبايبي
شنو اعراض حمل خارج الرحم
اليوم لي ست اسابيع من الحمل دكتور يقول الرحم فاضي سوا لي سونار داخلي وخارجي
طلب هرموني اليوم وبعد يومين


سويت سيرج بقوقل مكتوب انه من اعراضه نزيف او نزول دم وانا ماصار معاي كلش
ومكتوب انه مايبين بتحليل المنزلي وانا بين
انا اعراض حمل مافيني بعد
تكفون طمنوني واللي حملت خارج الرحم تحمل عادي ربي يرزقكم باللي تتمنونه
طمنوني

 

[لوولوو_88]

يمكن معاج تبويض متأخر انه بحسبه الدوره عمره 6 أسابيع بس اهوا أقل .. انا صار معاي انه جيس فاضي و طلع التبويض متأخر .. و الي تحمل خارج الرحم عادي ترد تحمل .. و إذا اكتشفو مبجر ما تخافين منه ..

ربي اطمن قلبج و اطمنينا عليج حبيبتي

 

[زهرة التولاي]

انا مريت بتجربة الحمل خارج الرحم ومابينت أعراضه ألا بـ٦ أسابيع رحت كان عندي موعد عند دكتوري عشان يشوف جيس الحمل وماكان موجود فقالي انتي موحامل سوي تحليل هرموني وتعالي بعد يومين ماقدرت انطر سويت هرموني ونطرت الا الحمل عند بـ ٦ أسابيع خفت وأستغربت من الوضع لاني ماكنت ادري شنو خارج الرحم اسمع فيه بس عبالي شي هين شوي جان ينزل علي دم بني وعوار بخاصرتي اليمين رحت الأمومه سويت سونار تفصيلي وهني المفاجئه قالي الدكتور روحي لحقي على عمرج الحمل فيه نبض وصار بمكان ضيق بالأنبوب بقناة فالوب ورحت المواساة لان قالي مال السونار روحي يعطونج ابره ينزلونه لم رحت طوارئ المواساة قالت لي الدكتوره بسرعه روحي مستشفى الفروانيه الي انا تابع لها لان انتي تحتاجين عمليه لأن البيبي كبير وفيه نبض والابره فيها خطوره على حياتج ورحت الفروانيه وعلى طول دكتورة الطوارئ سوتلي دخول ولبسوني لبس العمليات بالطوارئ وحطولي المغذيات ويتراكضون فيني ودكتور يدخل ودكتور يطلع وعلى طول سولي عمليه منظار والحمدلله شالو الانبوب اليمين والحمدلله ياربي قمت بالسلامه وبعد شهرين حملت طبيعي والله يطمنج يارب حبيت أقولج قصتي عشان ممكن تفيدج ومابي منج غير تدعيلي اذا قدرت افيدج

 

[بنفسجيه_Q8]

حبايبي الله يطمن قلوبكم مثل ماطمنتوني

 

[om attami]

​

حبيبتي انا عقب ما يبت بنتي الله يحفظها صار معاي حمل خارج الرحم .. وبين الحمل من التحليل المنزلي ورحت سويت هرموني وعقب يومين عدته .. ولا النسبه قلت عن المره الاولى .. وعقب يومين رديت عدته والنسبه ردت ارتفعت .. وكان معاي عوار فضيييييييع وكل ماله ويزيد .. وكل ما يسوولي سونار يلاقون الرحم فاضي .. وكان ينزل علي وانتي بكرامه مثل البودره بني .. عقب رحت الولاده سوولي سونار تفصيلي لان كنت صج بموت من العوار .. قالولي بالانبوب وقام ينفجر .. يلا بسرعه عمليات .. وانا رفضت ووقعت على مسئوليتي .. وبالطريج كلمت د.سمر تبع دار البراء .. ورحت رويال حياة جهزوني بسرعه .. ودكتوره ماجده اليتامى مع دكتور حسام القاضي سوولي منظار .. شالوه بس الحمدلله ما شالولي الانبوب .. وبالنسبه للحمل للحين ما حملت والله كريم ...

الحمل خارج الرحم مو شي هين .. من چذي الوحده لازم اتابع هرمون الحمل اذا شكت بشي .. والله يتمملچ على خير :yaaaaaarb:

 

[بنفسجيه_Q8]

الله يجزاج خير
انا في عوار بخاصرتي
سويت تحليل هرموني امس
وباجر بسوي

 

[وجودي كافي]

الله يطمن قلبج يارب

 

[@سيدة نفسي@]

دام في عوار بخاصرتج أكيد حمل خارج الرحم ضروووري تلاحقين عمرج قبل يكبر الجنين

بالانبوب فيضطرون يشيلونه والله يآجرج في مصيبتج ويخلفج خيرا منها يااارب

 

["*آآآنؤؤؤقهـ*"]

طمنينا خير

 

[بنفسجيه_Q8]

حبايبي سوا لي سونار داخلي في كيس صغير
والتحليل الهرموني ارتفع بنسبه بسيطه
وقالوا تعالي بعد اسبوعين
والله يكون بالعوون

 

[زهرة التولاي]

الله يطمن قلبج ان شاءالله خير يارب طمنينا

 

[3aly mstway]

حبيبتي لا تخافين كلش الحمل المتاخر يكون الجنين حيل صغير مايبين .. استغفري واجد و حطي ايدج على بطنج واقري الفاتحه سبع مرات

انا حملتين حمل متاخر يقولون لي ماكو جنين جيس بس اكل ادوية نفاس على كلام الحريم عشان ينزل الكيس تالي انصدم ينزل مني قطعه لا وديتها الطبيب قالو جنين

 

[بنفسجيه_Q8]

حبايبي تسلمون ماقصرتوا
المراجعه باقي لها كم يوم عشان يتأكدون

 

[لوولوو_88]

طمنينا عليج .. انشالله حمل سليم

 

[بنفسجيه_Q8]

رحت المراجعه امس
قالوا انتي المفروض بالاسبوع الثامن
والحين حجم الجنين بالاسبوع الخامس
والهرمون الحمل يرتفع بنسبه بسيطه
ونبض مافي للحين
والحمدالله دام مو خارج الرحم كل شي خيره
بس بعد انطر عشر ايام عشان يشوفون الوضع

 

[Pink_Roses]

الله يطمن قلبج ويتمم حملج

 

[om attami]

الحمدلله ان مو خارج الرحم ..

والله يتمم حملج على خير ويفرح قلبج يا عمري ..

داومي عالاذكار والاستغفار واستودعيه رب العالمين وماكو الا العافيه ان شاء الله :eh_s(17):​

 

[@سيدة نفسي@]

ياعمري لازم تشيكين عالأنابيب اذا للحين عندج ألم لأن اختي صار عندها كيس داخل الرحم

وجنين بالانبوب ومااكتشفوه الا متأخر فشالوا لها الانبوب .. انا مابي أخرعج بس الوقاية

خير من العلاج واذا الدكتور مشيك ومتأكد ان ماكو شي فنطري اسبوعين راح يبين اذا الجنين

طبيعي راح يكبر ويبين النبض والله ييسر أمورج يااارب

 

[زهرة التولاي]

الحمدلله ان موخارج الرحم الله يطمنج أكثر ويريح بالج ويرزقج العافيه ان شاءالله ويتمم عليج اذا خير لج ويبعد عنج كل شر حبيبتي