حمولتـــج والســــــفر ..................حياج

[ريمو]

بنااااات اذا سافرتي تقولين لحمولتج ؟؟ _03BA:
اقول لخالتي بس ومو أنا ولدها اللي يقول
متى تقولينلهم ؟ قبل بيومين

نفس اليوووم ؟؟ أحيانا
زعلون اذا ماقلتيلهم ؟؟ يزعلون اذا قلتيلهم بنفس اليوم او قبلة بجم يوم ؟؟ :krkrkr: لا مايزعلون عودناهم
يستانسون اذا رحتي ولايحترووون ؟؟ :eh_s(14): فيهم ناس تحتر وناس عادي
يناشبونج بيروحون معاااج ولايبووون فرقاج:tomato2: لو نعرض عليهم بيناشبونا

والهدااايا تجيبين لهم ولا لا ؟؟ :klhfl: مرة وحدة بس جبت لهم كلهم والباقية لخالتي هدية رمزية فقط والله طفشت وانا اشتري لهذا وهذا

 

[ام الحوراء زينب]

متى تقولينلهم ؟
هههههههه والله الصراحه اهلي يدرون من قبل ما احجز لاني بسفر اخوي ويانا
بس اهله ماقتلهم الا عمي قتله قبل اسبوع اهو وحماي الصغير بس والباجي مو لازم اخاف اتطيح فيني الطيارة من عيونهم



والهدااايا تجيبين لهم ولا لا ؟؟

لا بس اللي احبهم راح اييبلهم لان الحين بينا هوشه عظيمه وقلت حق ريلي ان فكرت اتييبلهم شي اهد جنطتك اهناك وارد

 

[أحب كويت2]

متى تقولينلهم ؟
هههههههه والله الصراحه اهلي يدرون من قبل ما احجز لاني بسفر اخوي ويانا
بس اهله ماقتلهم الا عمي قتله قبل اسبوع اهو وحماي الصغير بس والباجي مو لازم اخاف اتطيح فيني الطيارة من عيونهم

ههههههههههههههههههه
ضحكني ردك اي والله هذا اللي مخوفنا

 

[(رينا)]

خخخخخخخخخخخخخخخخخ
شسالفه الكويت كلها تسافر ليش الخش والدس انا عن نسي اخر سفره قلتلهم قبل لاااسافر بليله لانه زووجي ماخلص الاجراءات الابنفس اليوم وردلي الاوكي بنفس اليوم الللي قلتهلم فيه
انا نوعية زوجي كل يوم ديره وحجزت لا ماحجزت يعني يخليج على اعصابج وماتسوى اقول بسافر واتفشل واقعد مااقولهم الا اذا شفت التذااااااااكر بعيوني خخخخخخخخخخ عن الاحراج

 

[3e6er alwrd]

والله احنا اذا بغينا نطلع مو نسافر الكل درى ماشاء الله عادي ,, اقول حق الي يسالني ما اخش لان اشدعوه الناس كلها تسافر وبعدين مو حلوه لان لما تصير فيني اسولف مع احد ويقول ان مالهم نيه وبعدين فجاه بالديره الفلانيه يحز بخاطري,,
واول من يدري امي وخواتي و خالتي وحمواتي اما حمواني الي يسال صراحة نقول في نيه بس ما حددنا وين
والله احس انهم يستانسون بس الله يعلم بالقلوب بس اذا بنسافر كل من طق طبله قال انا قبله الكل بسافر معانا بس ولا مره صارت وسافروا بس حجي
وانا عن نفسي ايييييييب حق امي وابوي وخالتي وعمي وخواتي وحمواتي صراحه لان اذا سافروا اييبون وما يقصرون حقي وحق عيالي

 

[ام الحوراء زينب]

متى تقولينلهم ؟
هههههههه والله الصراحه اهلي يدرون من قبل ما احجز لاني بسفر اخوي ويانا
بس اهله ماقتلهم الا عمي قتله قبل اسبوع اهو وحماي الصغير بس والباجي مو لازم اخاف اتطيح فيني الطيارة من عيونهم

ههههههههههههههههههه
ضحكني ردك اي والله هذا اللي مخوفنا

اي والله الصراحه انا ابي عمري لوووووووووووووووووووووووول

 

[دلع الشرقية]

انا مستغربه من السؤال بصراحه ؟؟

اذا بتسافرين تقولين لحمولتج ؟
طيب الزوج وينه ماراح يسافر يعني ؟
اكييييييييييد حتى اذا ماقلتي لهم زوجج بيقول لهم
انا عن نفسي ماعندي مجال اخش لان زوجي يقول لاهله وحتى لو ماقال لهم
اتصور لازم اقوللهم لانهم من النوع اللي ينتقدون كل تصرف
حتى لو رحت للسوق من غير محد يعرف تجيني وحده منهم تسوي نفسها تمزح و تقوللي يمممممه شهالغزاره ولاتقول لاحد عشان محد يروح معاها

حتى اذكر مرة وحده من حمياتي قالتلي اذا جيتوا بتروحون انتي واخوي لمزرعه عطينا خبر قبل بكم يوم عشان نستعد ونتجهز مومثل ذيك المرة رحتوا وانتوا ساكتين ولاتكلمتوا
قسم بالله بغيت اكفخها تتكلم بكل ثقه .... اففف ذكرتيني


طبعا موكلهم فيهم كم وحده بس
لكن
فيهم وحده اللي هي اصغر وحده والله اذا عرفت اني بسافر والله لازم يصير شي خناق او تتاجل السفره او اكتئاب ماله سبب
او زوجي يعصب علي على اتفه الاسباب موبس بالسفرات .. والله حتى بالطلعات العاديه ما اسلم منها
واذا تدق علي يوم وما ارد عليها تمووووت من القهر وماتنام لين تعرف انا وين كنت وساعات تتصل بزوجي تتحجج بأي شي بس عشان تعرف منه انا وين كنت لان تعرف اني صرت اجذب عليها وما اقوللها الصج
الهدايا اجيب لامي وخالتي بسسسسسسس

 

[نـعـومـه]

خوش موضوع

 

[Patcholli]

مايهمني اقولهم او اخش عليهم
اذا صار ويت فرصه عادي بقولهم
واذا ما صار هم مو ظروري اقولهم لان اكيد اخوهم قايل وخالص
لان اهما مرات يقولون ومرات لا

بس اذا في ناس اخاف من عينهم الصراحه ما اقول
في ناس مو شايفين خير حتى لو مسافرين مايبون احد غيرهم يسافر
وفي ناس مو حاصلهم يسافرون فهم يعطونج وحده تعفسج بالسفر

 

[ام علاوي وعزوز]

انا بصراحه اذا بسافر اقول حق امي بس حتى خواتي ما اقولهم إلا بيوم السفرة
اما خالتي زوجي يقولها بنفس اليوم بس عادي ما تزعل لأنها متعوده عيالها فجأة يسافرون بدون سايق إنذار

 

[ام علاوي وعزوز]

بعدين انا ماشيه على كلام الرسول عليه الصلاة والسلام ( إستعينوا على قصاء حوائجكم بالكتمان )
لأن مرات اذا نشرتي خبر الناس ما تعطي خير حتى لو مستانسين تحسين ان من كثر فرحتهم فيج تتكنسل الشغله او تتأجل

 

[noo7a]

انا ماعندي مشكله اقول
بالعكس وناسه لوووول

بس المشكله لمن انتي تتكلمين و غيرج ما يتكلم
فصرت ماحب اقول بس عاد مو بكيفي
انا ما اتكلم بس ريلي يروح يسولف حق عمامه و عيال عمامه على بو بيسال
و لي قلت له ليش تكلمت يقولي خو قايل حق رياييل مو حق الحريم
مادرى ان كل واحد راح حط الكلمه بحلج مرته

والمشكله مو مقتنع لمن اقوله لا تقول

ياما قررنا نسافر و العالم كلها درت و احنا ما سوينا شي واخرتها تتكنسل السفره بكبرها يمااااااااااااااا يقصت الويه لووول

 

[نـعـومـه]

انا عن نفسي اذا الله كتبلي سفره بنقولهم قبلها بأسبوع تقريبا لاني زهقت اناقش واسولف عن السفر ومايصير شي هالمره ان شاءالله بنسكت احسن نحجز ونخلص عقبها نتكلم

والهدايا ان شاءالله لازم اييب لو شي بسيط

 

[.:lady bug :.]

انا عادي اعلم الي حوالي
بس انصدمت وانقرصت من حماتي
كنت سهرانه معاها وتتحلطم من زوجها كانت طالبه
المهم سافرت ثاني يوم تخيلو وانا وياها ميانه حييل

ولمن قلت لريلي قال خلج جذي احسن

ف قررت اصير جذي لاني اعلم بكل شي واخرتها يعامبوني جذي
طبعا لاقررت ادق ع الوالده

ولاقصينا تذاكر بلغنا خالتي
لان مره شاورها ريلي وحلفت عن السفر لان خافت من سالفه انفلونزا الخنازير ههههه
فقلت مانعلم لين انقص


حريم حمواني مادري عنهم الا من ريلي
نوعيه خش ودس مع انه عاديي الكل يسافر

بس حتن ريلي يحذرني من اني اعلم يقول دام يخشون عينهم والقبر ديري بالج

الهدايا الحمدلله اييب للكل

مانسى احد

ولازم امي وخالتي اسبشل

خالتي حبوبه مو من النوعيه الي تنكد او تتحلطم

حمواتي عادي رده فعلهم
حريم حمواني ولايفتحون معاج باب السفر
حتن لمن اسالهم عن سفراتهم
طبعا كلها اتلوع الجبد هههههههههه
وتحلطم حمدالله والشكر
وماراحو مكان

ولمن اقول المكان الفلاني حلو او اجيب طاري شي
نطو وقالو اي شرينا وسوينا ورحنا له واصلن سخيف

تخلف اللهم ياكافي

 

[.:lady bug :.]

نوحا
تدرين انقرصت قرصه جايده
لمن بطيتها ومابقى احد ماقلت له بسافر

وريلي يقول ليش اتعلمين

قلت بالطقاق عادي كل الي حوالي ايسافرون

دخلت ليله سفرتي العنايه المركزة بدوووون سبب

وشخلني ريلي وخالتي وامي

وقالو لاتعلمين فكينا يبا


ورحت بعد فتره جددت التذاكر وماعلمت احد

ولمن ييت الكل درا
بعد جم يوم طحت نفس الطيحه

بغت تستخف امي

واهيا وخالتي كانو عندي بالطبيب وقالو بتسافرين صكي حلجج
ههههههههه

 

[استعجلت الرحيل]

الله يكون بعونج ليدي
انا عن نفسي احجز وبعدها اعلم واذا قالو اقول تونا حاجزين بس الوهقه اذا قالت خالتي بروح معاكم وصارت معاي خخخخخخ رقع يامرقع ويالله اقعدت

 

[ملامح بريئة]

انا عن نفسي اكره السفرة اللي مضبطة احب الفجأة مادري ليش اذا حجزت مبدئي تتكنسل يعني مالحجز الاقبل السفرة بكم يوم وبالنسبة للحمولة او الاهل يعتمد عليهم نفسهم اذا اهما من النوع اللي يعلم عادي اعلمهم اما لما اشوفهم مايعلمون كلش اصير نفسهم انا اشوف حتى مجتمع الدوام مايعلم