حموووووولتي الجميله منو نفس حالتي

[AnA_NeYa]

مدام زيزو



لا يستانسون مو اله انا بس ابي ليه الناس سالوني شلون خالتج واهل ريلج اقولهم والله تمام ويسلمون عليكم صج

مو كله جذب بجذب وتاليف

ابي عيالي يعرفون يدتهم مو لما اروح مايبونها ويبجون

وهالشي مو مني لحد اييني ويقولي كسبيها وروحيلها ولا والله ماروح بروحي متى ماراح ريلي اروح معاه وبس هذي حالتنا وتبونها تدق تسال عن اليهال ولا توله عليهم ولا تقول ييبيهم عندي

 

[AnA_NeYa]

اشتياق


اي والله عاد انشالله جناينا يصيرون سنعين :eh_s(10):

صرنا وحيدين من بعد لمتنا ابيت اهلنا

بس دام عيالي وريلي عندي والله هالشي اشتريه بفلوس بالدنيا كلها

شكرا حبيبتي ردج يبرد القلب :*

 

[محبوبه25]

رد : حموووووولتي الجميله منو نفس حالتي

السلاااااااااااام

دايما اسال نفسي ويضيق خلقي على نفسي:bbbiu:

ودايما اتحاشى اي احد احس انه راح يسالني شلون خالتج وشلون حمولتج :yaaaaaarb:

ووايد صار وسالوني شلون خالتج وشلون حمواتج وانا ارد واقول والله حمدلله بخير ويسلمون عليكم مع ان طل والله ما دروا عن هوا داري ولا داركم :lkmnkl:

لان وبكل اسف انا مو نفس الناس

ولا حمولتي نفس حمولة البنات سواء البنات اهلي ولا رفيجاتي

يعني عند اهل ريلي ماعندهم زواره اسبوعيه نتيمع ونسولف ونضحك :gathering:

وخالتي انا مو ميانه معاها لاني ماقعدت معاها نفس الاوادم وطول سنين زواجي والله المرات اللي قعدت معاها يمكن ما تيي 20 مره

وانا اصلا مارتاح لها لان احس لا مو احس الا انا واثقه من هالشي انها ماتحبني :denya:

يعني انا اتمنى ان خالتي تصير مره سنعه ونفس خالات رفيجاتي وبنات عمتي وخوالي يعني ليه ييه العيد تدق على امي ويداتي تعايد عليهم وبكل مناسبه تدق تبارك

اهيا عمرها ما يت عزا من عزا اهلي تصدقوووووووون :nocommint:

وانا مابي احد يقولي انتي صيري زينه معاها واهيا راح تصير زينه معاج لان الله الشاهد علي اني اوجبها وعمري ماغلطت بحقها حتى امي بالمقابل بكل مناسبه تدق وتسال بس اهيا كلششششششششش باختصاااار اهيا مو سنعه ولاتعرف الواجب وبس تبي الناس اهما اللي يوجبونها وتتشره اذا محد سال عنها

والله يابنات لدرجة قمت اقول حق ريلي عيالي باجر ليه كبروا ماراح يمشون مع عيال اخوانك وخواتك لان احنا الحين مو قاعدين نشوفهم ولا قاعدين نتيمع شلون بعد جم سنه :080402ask_prv:

وانا ادري فيه منكم بتقول شلج بالحموله وعوار الراس انا ماقلت ابي اسكن عندهم بس كل اللي ابيه علاقه طبيعيه نفس الناس ونتيمع لو مره وحده بالاسبوع

بنات فيه احد نفس حالتي :gr4uu:

قولولي عفيا لان هالشي وايد راح يهون علي

انزين انا بسالج انتي من متى متزوجه
معقوله بس هالسبب يخليج تكرهينها انها بس مايت عزاا من اهلج
عالاقل ما ضرتج بشي

 

[بنت الواوان]

رد : حموووووولتي الجميله منو نفس حالتي

يمكن صح كلامج

 

[كويتksa]

رد : حموووووولتي الجميله منو نفس حالتي

شي مو طبيعي
انت تتحجين عن حياتي
مومعقولة انت انا وخالتج خالتي

بصراحة خالتي مقاطعه الكل
خواتي يولدون لاتبارك ولاتسألوامي بكل مناسبة تشاركنا لدرجة منعتها قلت خالتي ماردت لج الواجب
اروح للولدات والعرايس والمرضى وماتروح معاي الكل يسأل عنها وانا اجذب واتعذر لها

وبرمضان لاول مرة من 3سنين فترة زواجي سوينا عزيمة
وللللللللاااااااااسف ولاحرمة جت
لانها ماتروح لاحد اعزمت حريم واجد وماجوا
ولاواجب سوته والله اتفشل

 

[AnA_NeYa]

Tom & Jerry



الله يهديها

بس مسالة ان تدخل علي الدار وانا مع ريلي هذي حماتي النسره مو خالتي

والله عاهاااااااات حمدلله والشكر

 

[AnA_NeYa]

محبوبه25


بكمل 4 سنين

وبعدين انا ما نزلت موضوع شطوله بس عشان انها ما تيي عزا اهلي

لا انا بس ابي اوضح صورتها حق البنات عشان يحكمون عالموضوع عدل ؛)

 

[AnA_NeYa]

كويتksa


الله يعينا على هالخالات ياعمري

والله والله اني متضايقه عشانج وعشان نفسي

بس لما شفت ان فيه وايد بنات نفس حالتي صراحه ضحكت على حالتنا لووول

شر البلية مايضحك :050103nbh_prv:

 

[أحـلام * ورديـة]

رد : حموووووولتي الجميله منو نفس حالتي

انا عن نفسي حمولتي حاطه عليهم اكس

لانهم ما يحبون احد ولا يحبون يختلطون بالناس

وعند نفسهم اهم الزينين المساكين والناس كلهم مو زينين وظلام

 

[روحي تحبه غصب]

بصراحه بعد كلام فوفو مافي كلام ينقال

 

[روح عاشقها]

الله يهديكم

 

[AnA_NeYa]

أحـلام * ورديـة



الله يعينهم على نفسهم ويعينكم انتو اكثر

لان المشكله يصدقون ان اهما اهم ناس بالدنيا وماينزلون نفسهم حق احد

 

[AnA_NeYa]

روحي تحبه غصب


والله لا انتي ولا فوفو عشتو معاي وشفتو نظرات خالتي او سمعتو قطاتها

فلا تصيرون مثاليين لهدرجه مو عشان يا فوفو حضرتج تتعاطفين مع الخالات تطلعين ان كل الجنات ظالمين وموزينين

وماغتقد ان اي انسانه بالدنيا ترضى تنزل نفسها وتدوس على كرامتها عشان اي احد كاااان

فبليز بلا مثاليه زايده واقروا الموضوع عدل

انا مو منزله الموضوع عشان نصايح لني حمدلله مو محتاجه نصايح من احد واذا كنت ابي نصيحة احد فاكيد اني بروح حق امي

وانا لو مو زينه جان اهل ريلي بعد ماحبوني ولا وجبوني شمعنه خالتي بس اللي كارهتني لان العله فيها مو فيني

انا كل اللي كنت ابيه بشوف منو منكم مشتركه معاي بنفس هالمشكله

 

[dodo88]

والله باحبيبتي انا خايفه من شي انا حامل وبكر
وخايفه انها ماتجي ل بيت اهلي لما اولد
وصراحه بتفشل قدام الناس
اصلا انا دايم اتفشل منهم لي صارت عندنا مناسبه ولا عزا عمرهم ما جو وكل الناس يسالوني وين حمولتج وانحرج
والله حاله
لاحول ولاقوة الا بالله
والله اني قاعده افكر اذا صار عندي اطفال وماعندنا زواره بس من عيد لي عيد شلون عيالي يعرفون اهلهم شلون راح يحبونهم
وهم اصلا مايحبوني ولايحبون اهلي ولا يسالون عني اذا غبت او مرضت ولاحتى برساله وللامانه خالاته وبنات خالاته يحبوني ويقدروني ويعزموني اكثر منهم دايم احس انهم معقدين
حتى الضحك
انها ماتحب مسلسل زوارة خميس واذا طلعت تضايق وتطنقر وتقول هذا كله تمثيل ومبالغه هههههههه
ما اقول الا حمد الله والشكر الله

والله ياحبيباتي ابي مشورتكم واقتراحاتكم والله احترت معاهم وما ادري شسوي

 

[LaBella]

رد : حموووووولتي الجميله منو نفس حالتي

حبيبتي عادي ترى بسالفه اليمعه انا بعد حمولتي كانو ما يتيمعون يعني ماكو لهم وقت معين متى ما تبين تمرينهم تمرين

وانا كلش ما كنت متعوده على هالنظام لاني اصلا يا التزم بوقت معين ولاماراح اطل بويهم اعرف نفسي

فقررت اول ماشفتهم جذي انا حددت لي يوم امر فيه خالتي وادق على حمواتي اقولهم ابي اشوفكم بهاليوم

مره مرتين صار خلاص الحين هاليوم الكل يزور فيه لدرجه حتى اذا احد غريب بيزورهم يقولون له تعالو لنا بهاليوم !!

ترى ماصار بيوم وليله ظليت فتره على ماتعودو اهم على نظامي!

يعني تقدرين انتي تعودينم على طبعج وانا نفسج والله احب الرسميه وماحب الميانه الزايده بس مهما كان لازم يكون فيه زواره وصله رحم بين عيالج واهلهم لازم يتعودون عليهم

 

[dodo88]

الله يجزاج خير يا AnA_NeYa
خليتينا نفضفض ونطلع الهم شوي والله انا كنت استحي اتكلم حسبالي بس انا جذيه حمولتي معقدين
وابي نصيحتج ونصيحت البنات من خبراتكم ساعدونا
بس لا تقوليلي خذي غداج و روحي كل اسبوع مستحييييييل
اصلا هم يعاملوني غريبه واذا بغيت ازورهم لازم بموعد لا ويكنسلونه ساعات كاني غريبه
الشكوى لله ما ادري شسوي معاهم والله العظيم حيروووووووني

 

[AnA_NeYa]

dodo88


اي اخذيها مني ماراح تييج :dddds:

انا بولاداتي الثنتين ما يتني المستشفى وبس بولدي الثاني يتني مرتين بالبيت بسسسسسس

واذا تبين نصيحتي اذا عندهم زواره اسبوعيه روحيلهم بالكثير ساعه وطلعي ولا تاكلين ولا تشربين اي شي

واذا ماعندهم خلي ريلج اللي ياخذ موعد مو انتي ولا تروحين بروحج روحي معاه ولا تطولون

 

[So MuCh PaIn]

رد : حموووووولتي الجميله منو نفس حالتي

عاد سوالف الحموله ما تخلص متى نرتاح

الله يعينج

 

[الأميرة الحزينة]

انا نفس حالتج .. بس مرتاحة جذي لأن اليمعات صراحه ما وراها الا المشاكل .. احسن شي البعيد يظل عزييز اخذيها مني

 

[f@rsaq8]

الله يكون بعونج