اغراضها وايد بس والله والله ان نتيجتها ولا شي بالنسبة حق تعبها
بدلية لوووووول
قصدي ان تعبها ولا شي بالنسبة حق نتيجتها
يعني نتيجتها روعة وتعوض عن التعب
******************
الله يسلمكم بنات وحدة وحدة ويعطيكم العافية على تفاعلكم مع الموضوع
*********
ام اسد الله
حبوبة ماعرف اسم ثاني للقرمز اهوا اسمه جذي
احسن شي حق الحنة مرة الى مرتين بالاسبوع لو بتحطينها وقت طويل
بس لو يوميا بتتعبين الشعر جذي
لازم تخلينه يرتاح من اي خلطة او اي حنة لمدة يومين او 3 على الاقل
*********
عبير فلاور
حياج الله ياقلبي وتشرفيني بردودج ياعمري
جربيه بدون قرمز
القرمز انا حطيته حق اللون بس لو ماتبينه تقدرين تستغنين عنه ياعمري
**********
crying_blue_eyes
اهيا الخلطة كلها لانها حنة
فايدتها بالحنة
بس لو ماتحبينها مولازم تحطين حنه لكن النتيجة راح تكون بطيئة بالنسبة لتوقف التساقط والكثافة
بالنسبة لجدولي ماكو والله
انا عن نفسي يوم كنت استخدم الزيت مع الحنة
كنت احني شعري وعقب الحنة اغسل شعري وعقب ازيته لمدة ساعة وبس
بس في الايام اللي ماحط حنه ازيت شعري لمدة ساعتين الى ثلاث
***********
جانا نانا
انا اخلط
الحنة مع الاعشاب وعقب اعجنهم بماي مغلي وعقبها على طول اضيف الزيوت والقرمز واكمل عجن وبعدين اخليها تتخمر يوم كامل
بعدين افرغها بعلب
يعني لازم الحنة مع الاعشاب والزيوت كلهم يتخمرون مع بعض علشان تتركز الفايدة وتتنوع
جربيها وانشالله بتعجبج النتيجة حيل
***********
ام عيالها الغاليين
انا نفسج تلوع جبدي من الحنة بالبيت
بس اوديها الصالون يحطولي اياها والف شعري وارجع البيت اقعد فيها جم ساعة وعقب ارجع الصالون يغسلونها لي
عبالة بس شسوي مضطرة
والله الاصباغ لعبت بشعورنا لعب
صج اللون يطلع حلو وعلى الموضة
بس مايسوى عليج تنتف الشعر اللي يصير
حياكم الله بنات
جربوها والله جد ترى فضيعة
.
.
.
