اهلا فيكم بنات سامحوني والله مخي واقف وايد رسايل على الخاص وقاعدة انزل موضوع ومادري ارد على منو ولا منو
انا الحين ما ابيعها
العضوة مريوما تبيعها لانها تشتريها مني وتتاجر فيها انا ماقدر ابيعها لكم
القرمز والكثيرا تلاقونه جاهز بالحواي مخلوط وجاهز ماله داعي تنقعون شي ولا تخلطون شي
كحلاء العين حبوبة لو ماتبينها تصبغ خمرية تقدرين تستغنين عن القرمز لكنه بتصير حمرا
لو تبينها بنية خلطي معاها قهوة تركية وشوية كتم يعني قفشة كتم بس لان الكتم غامج
الزيوت كلها من الحواي بنات ماشتري ولا شي من اي مكان ثاني كله من الحواي كله خاص بالشعر
المسمار فعلا حار لكنه مخفف لنه مع مكونات ثانية علشان جذي ما منه مضرة
انا لو ماشفت منه فايدة جان ماقلتلكم عنه ولا شنو بستفيد لو شعركم طاح
المسمار مفيد لانبات الشعر ومفعوله قوي لكن مثل ماقلتي انه يمكن يطيح الشعر
لو تم استخدامه بروحه
انا عندي كمية حنة يايبينها لي من اليمن
بس تخلص بشتريها من حواي بالمباركية شغله مضمون وقاعدين يتعننونله من مناطق بعيدة لانه يمني وحنته نظيفة
حبوبات القرمز تلقونه مخلوط مع الكثيرا بعلبة عند الحواي تاخذونها وتخلطونها مع الحنة
حياكم الله بنات
