حنتي.. ابيعها .. وهدية لكم علشان تستفيدون :)

[** الحب كله **]

حبوبه بسـألج عن الحرمل شنو فايدته مع الحنه

 

[keeka]

حبوبه سؤال خلطتج تنفع حق اليهال ودي اجربها على بنتي حياتي شعرها وااايد ناشف ويبيله عنايه اهي عمرها سنتين يصير ولا لاء؟

 

[حيادر]

اهلين حبيبتي

حبوبة الحرمل قوي على فروة الراس وينبت الشعر بسرعة

هالشي وحدة سعودية قالتلي عنه وجربته وصج صج فادني حيل
حتى سويت منه زيت حرمل وقمت استعمله بعد مع حنتي بس مشكلته انه كميته قليلة وبسرعة يخلص ويبيله مدة طويلة على ما اقدر استخدمه لان في خطوات طويلة علشان اسويه



مشرفتنا اي حبوبة تقدرين بس طبعا ماتخلينها براس بنتج 4 ساعات
خليها ساعة ونص الى ساعتين بس كافي
لان الحنة مثل مانتي عارفة تبرد الراس
وحتى لو جونا حار
حرام راس اليهال خفيف وبسرعة يمرضون
وبعدين شعرهم يكون خفيف وسهل يصبغ ويستفيد من الخلطة
فهالوقت كافي بالنسبة لها

ساعتين كاقصى وقت كافي لها تحطينه مرتين بالاسبوع وتشوفين النتيجة الحلوة انشالله

 

[دنيا سعوديه]

اول مره اعرف ان الحرمل ينحط بالشعر

 

[بنت الاحلام]

حيادر بعد قلبي طيب شنو فوائدها حق الشعر هالخلطه .؟

 

[@ربانة العود@]

بيعيها
امي تحب هالسوالف
تقولج خلطيها انتي واهي شرايه

 

[حيادر]

اهلين حبايبي

انا والله وحدة قالتلي عن الحرمل وانا جربته واهلنا ورفيجات خالاتي كلهم ياخذون مني وفعلا استفادوا ان النتيجة مثل ما شرحتها لهم بالضبط


الحنة الله يسلمج جانج فيج قشرة بتروح

جان شعرج يطيح
بيقل التساقط بنسبة كبيرة والشعرة نفسها بصير اسمك من اول

جانج تبين لون فهذي تعطيج لون خمري من اول مرة بس لازم تخلينها مو اقل من 4 ساعات

وهم ترطب الشعر مو مثل الجنة العادية
الجنة معروفة تنشف الشعر لانها تمتص الزيوت الموجودة فيه
بس هذي تفيد الشعر وماتنشفه بالعكس ترطبه وتخليه صحي

انا الحين رجعت للحنة مرة ثانية من عقب ملجة اخوي ولا للاصباغ نهائيا

لون شعري صار اينن والكل مستانس عليه وتشجعوا انهم ياخذون منها

سووها ترى والله عجيبة

بعد عمري ريانه العود

يالله قريب قريب انشالله بصير تاجرة معاكم بالمنتدى

 

[حيادر]

بنات انا اشتركت بعضوية التاجرة بس ناطرة التفعيل من المديرة بنت الكويت

 

[Lolwa]

مبروك تفعيلج بعضوية التاجرة
وأنا أول الشراية

في توصيل؟
(أعتقد لأ)مو مشكلة نتعنالج في سبيل شعر المستقبل المكتكت
على ايدج يارب يرد هالشعر باقي شعرتينلا ويفكرون يطيحون والا لأ

 

[حيادر]

الله يبارك بحياتج بعد عمري

فيه توصيل افا عليج

خل اجهز انشالله كمية وابلغج ولا يهمج

حياج الله حبوبة

 

[jours]

بالتوفيق ان شاء الله ومبروك تفعيل العضوية

تستاهلين كل خير

 

[سحيله_الحلوه]

مشكووووووره
باجر بحط حنه مع الاشياء اللي عندي ومره ثانيه ان شالله اكون شاريه كل شي

 

[اغلى بشر]

جزيتي خيرا

 

[BeeBaQ8]

والله الله يعطيييج العافيه امبي حدج حبووبه

 

[حيادر]

الله يبارك فيكم ويخليكم فديتكم

منورين الموضوع والله

 

[malak_alroo7]

امبيه حيادر مو قادره استوعب شئ لانى حدي نعسانه ههههههه
بس بغيت اسالج اقدر استخدم الحنه مع الاعشاب بروحهم بدون الزيوت عادي؟؟
و اذا بدون الزيوت احط بس ماي صح؟ (( وحده حدها ماتعرف شئ عن الحنه لووول ))

وانتى لما قلتى نحطها بالثلاجه تقصدين الحنه مع الزيوت ينخلطون و نحطهم في الثلاجه علشان لا تعفن ؟؟

 

[malak_alroo7]

صج حبيبتى تنفع حق بنتى عمرها سنه و شهر؟؟
و اذا مابى لون الشعر يتغير كلش شسوي فديتج

 

[حيادر]

ملوكة لووووول عادي عادي تيينا اوقات جذي مانستوعب بسرعة

حبيبتي شوفي

الحنة انا سويتها علشان كل مكوناتها تختلط وتتفاعل مع بعض وتعطيج نتيجة حلوة الا وهي :
الترطيب + ايقاف التساقط الزائد عن الحد الطبيعي + اطالة الشعر+ ايقاف القشرة + اخيرا وليس اخرا اللووووووون الخمري من اول مرة


لو بتشيلين شغلة ولا بتضيفين شغلة الصراحة مادري شلون بتكون النتيجة لكن اكيد انها بتكون ناقصة


اذا تبينها بدون لون لاتضيفين القرمز لها لان لونه قوي مع الحنة

بعدين تعالي لوووول

شلون بتنقعين الحنة بدون ماي ؟!! لووووول

انتي تنقعينها بماي وتضيفين لها كل اللي حطيته انا يعني كل هالزيوت والاعشاب بالاضافة الى الماي طبعا
ويفضل ماي مغلي


يصير حبيبتي تنقعينها بدون الزيوت لكن ماراح تحصلين النعومة لان الحنة تنشف الشعر معروفة



ويصير تستعملينها لبنتج اسمالله عليها بس لمدة اقل من 4 ساعات عرفتي
لان بعدها بيبي وراسها خفيف وبسرعة يلقط الهوا خوفج تمرض لو خليتي الحنة براسها مدة طويلة
لان الحنة تبرد الراس وتسحب الحرورة من الجسم

يالله يالله سويها وجربيها وبلينا بالنتايج

 

[ســـاره]

يعطيج العاااافية

وان شاءالله اجربهاااا​

 

[malak_alroo7]

هههههههههههههه حبيبتى والله شفتى شلون مو اقولج وحده ماتعرف شئ و لا تبينى اسوي الخلطه ؟! الله يستر بس هههههههههه
فديتج ربي يوفقج حبيبتى و ان شاء الله متى ما بفيت احط حق بناتى بطلب منج احسن ما اثق في نفسي الصراحه لووووووووول