حواجبي خفيفه..... شنو اسوي ؟؟

[مارغريتا]

بنات من صجكم !
انا من زمان استعمل الخروع والحمدلله مافيني الا العافيه
الخروع مالي زجاج متوسط الحجم عليه ستيكر ازرق بابيض مثل ما قلتو

 

[مس روبنز]

آنا شاريه الخروع من الصيدلية بغرشه مثل مالت الدوا

 

[رشيديه كووول]

خلي عنج الخروع والخلطات تمر وثوم وارف ياما ضيعت وقتي وانا استخدمهم بدون فايدة

ليما استخدمت كريم للحواجب والرموش من الصيدليه كلمة فضيع شويه عليه يهبل يهبل

ولله العظيم انه ماصارلي الحين 5 ايام استخدمة وماشالله نبت شعر بحواجبي ورموشي ثقلو

حتي لما احط مسكرة رموشي صارو يهبلون صج فرق المهم :

اهو كريم اسمه (vit vit ) من الصيدليه , انا اخذته من صيدليه بالجابريه والعضوة الي مدحته

الله يجزاها خير تقول انه خذته من صيدليه الشاميه واعتقد انه موجود بكل الصيدليات

 

[عفت طآريك]

شوفي للآمانه آنا مآجربت آخاف يصير شي مني منآك مو نآقصه
بس جربي آلتآتو صبغ آلحوآجب مآيبين آذآ حوآجبج خفيفه آو لآ ..

وآلله يحقق لج مآتتمنينه ان شاء الله ..

 

[انا لحبيبي .]

حبيبتي ماعمرك تحطي زيت خروع او اي زيت على حواجبك عند منطقه العين

لانه بنزل على العيون ، وبصيب العين حـول ، اللهم عافينا

انتبهي حبيبتي هالشغلات مافيها مزح​

 

[صمت المرافئ]

تلاقين خروع عند الحواج
على شكل اصبع وطرفه رول
وحاطين عليه رسمة عين
ومكتوب عليه للرموش والحواجب
انت أهم شي تستعملينه للحواجب
تمررين الرول عليه
حلو وما يسيح على العين
بس أهم شي لا تستعملينه للرموش ...
انتبهي ترى أي نوع من الزيوت مو زين للعين
يسبب ارتخاء لعضلات العين
إذا استخدمتيه بنفس طريقتي راح يفيدج
أهم شي حطيه قبل لا تنامين
​

 

[Killer^Girl]

حطي عليهم مافالا دبل لاش كل يوم

 

[توفـــا]

حطي اشوي خروع مو بس بروحه لا مع زيت السمسم ترا اثنينهم مفيدين للشعر يقولون الشعره يعني اخذي زيت السمسم من الحواي وزيت الخروع وسوي مكس بينهم وحطي بعود اذون علي حواجبج وشوفي بعد اسبوعين الفرق​

 

[مر الايام]

ماأدري يمدحووووووون الخروع حيل بس لأمانه ماجربته ...لأن حواجبنا عن جد مع التشقير والصبغ صارت بح وطاحت ...

مره كنت بالصالون ووحده تشتغل بالصالون قالت لي ادهني حواجبج بزيت وحركيهم باتجاه واحد علشان يتعدلون ...

 

[حضن امى]

للرفع

 

[إيمي1987]

الخروع حبوبة احسن حل :>

 

[شبيهه القمر]

حبيبتي اذا تبين حل سريع واكيد لا خروع ولا شي روحي عياده قطينه وهو يسويلج زراعه حواجب اعرف وحده حواجبها ميح صوب نابت وصوب مصلع ابصراحه تفاجات فيها يوم شفت حواجبها مرسومه وثقال شكيت اتكون مرسومه بس يوم سالتها قالت لي جربت كل شي ومافاد حتي الثوم حطته بحواجبها والخروع وكل ما تتصورين واخر شي الجأت للزراعه بس شنو طلعت شي لا تاتو ولا شي واختارت الرسمه الي تبيها وقالها الدكتور ان ما تحفهم غير الرسمه بس اتقصهم لمده سنه لو حاسه انج محتاجه اخذي فكره واما لو حواجبج بس خفاف بشكل عادي صدقيني لا تحفين فتره شهرين وبيطلعون الجذور وبيطولون ..