حوسه بكل مكان؟ماتدرين شلون تخزين؟تعالي عندي حل- موضوع متجدد

[mrmr mrmora]

خوش موضوع كوين
الله يعطيج العافيه ويشافي بناتج ويروح كل أثر حق البوشنيتر وتضعفين على صحه وعافيه وريلج يحبج ويموت فيج والله يسخركم حق بعض

أنا مستعمله السبيس باغ قبل 9 سنوات يوم أول مره رديت من أمريكا وحطيتهم بالجناط لأن وقتها كان المهم قطعتين ومو مهم الوزن فدجيت الجناط دج

ولقيت ملوت الإكسسوارات عندنا أشكال وألوان يهبلون

 

[lolo77]

وااااااااااااااااااااااااااو
الموضوووووووووووووووع اكثر من رايع
خوووووووووووووش افكاااااااااااااااااار

واهم شي ملوت الاكسسواراااااااااااااااات

مشكووووووووووووووره
وياربي تضعفين ويوفق بناتج ويهديلج زوجج
ويرزقج ياربي

 

[al_gardenia]

تسلمين ومشكوره على الافاده
انا هذول وايد استفدت منهم بالسفر

 

[رقي]

يسلمووووو كوين

عندي منه وايد
ترا ينفع بالسفر خصوصا سفر الشتا
لانه كله كوتات وجاكيتات

 

[b6o6a]

عجييب


مشكووره

 

[LaSt WoMeN]

كوين مشكووووورة يزاج الله خير و أسأل الله ان يهدي بناتج و يقر عينج فيهم و يخلي ريلج يمووت فيج زوود و تضعفين و تصيرين مانيكان من غير تعب

 

[Dancing^Queen]

سانكيو اوي اوي اوي علي الدعوات الجميله ياجميلات
وح\طو تجاربكم عزيزاتي
انتظرونا مع جزء اليوم كيف تعلقين الشيلات

 

[زيـنـه]

عاشت كوين مدبرة المنزل

 

[SabaQueen]

خووش شغل يا كوين ، عجبني اللي حق المسابيح لاني الصراحه وايد حايسه مع مسابيح زوجي من كثرهم ما اعرف وين البقهم !! بس الحين لقيت الحل و شكلي بشتري كذا واحد علشان حقهم

بالتوفيق

 

[Dancing^Queen]

احم احم

يالله يابنات نبدي بسم الله درس اليوم

نرتب الشيلات

كيف تقومين بترتيب شيلاتك بعد ماغلستيهم ونظفتيهم او طرشتيهم للمصبغه وانغسلو وتعدلو وانكوو؟؟؟

في خيارين

اولا انعلق

كيف؟

علاق وفوقه فوقه؟

او علاق بودوائر وينعفسون؟

الحل عندي وانا بوهندي

في ثلاث انواع

الاول



علاق ايكيا

حديد ثقيل ياي علي شكل يوتيرن يوترين يعني لاف وكل لفه تحطين فيها شيله

لكن به عيب شرعي كبير لا وهو مساحته مو بهالعرض اللي يسوا يعني

اوكي حق بنطورنات يمشي وايد بس شيله يبلها تنفرد شوي هذا مافي مساحه اوي اوي ولو انه يؤدي الغرش

وسعره نوت اكسبنزف

 

[Dancing^Queen]

نورماندي تو

العلاق رقم تو


ولد سنتربوينت والنعم

يشيل خمس شيلات

بلاستيك خفيف مساحته جدا ممتازه ومتوفر

وسعره معقول جدا جدا

اقل من دينار

 

[Dancing^Queen]

الثالث ثابت


ولد دايسو (الحين تقولون هالبنت كله تقز بدايسو <<<ماجذبتو اصراحه احبهم اوي )

ماكنت ادري انه عندهم

ذاك اليوم اتمشي بسوق السالميه ويا الهيلق بناتي كنت منخشه عنهم واهم

يعيثون بالارض فسادا سمعت صوتهم جان انخش بسرعه التفت جان القاه

يمي وكان اللقاء صدفه وحبينا بعض من اول نظره

ايي عباره عن ست ، اثنين مع بعض وسعرهم اثنينهم نص دينار طبعا طبعا

ونفس بتاع سنتربوينت والنعم بالضبط يعني بلاستك

ويشيل خمس شيلات بس هذا يتميز بانه المساحه بين اللاينات اكبر

 

[Dancing^Queen]

وهذي صوره الشباب مع بعض



ثبتو اللي بالوسط ولو انه موبين اوي ترا بتاع دايسو حبيب الشعب


واهي صورته والشيلات معلقه عليه





وطريقه التعليق سهله جدا جدا

تييبن الشيله عقب ماتنكوي صفطيها عدل وحطيها بالعلاق بحيث ان تنسفط

لي داخل يعني مو بس تعليق شي علي شي جذي كل شي يختلط علي بعضه

واللي فوق تغطيهم جميعا :eh_s(9):

 

[Dancing^Queen]

الطريقه الثانيه يامحفوظين السلامه

ياكيف؟

وحق ماذا؟

الشيلات الكشخه مالت الاستقبالات اللي ماتنلبس وايد

شلون تخزنونهم؟ بقواطيهم؟ ماتظل وتاخذ مكان كبير وايد بالدرج حرام

بجياسهم؟ مستحيل

راح ينشقون

اذا ما العمل؟ :eh_s(10):

افا عليكم لقيت الحل سهل جدا جدا

تعرفون الفايلات البلاستيك الشفافه ملوت الشهادات قبل؟

اللي تتسكر من فوق يا بسحاب او طباقي؟

في حجم كبير منهم




اكوي الشيله

وصفطيها

وحطيها بالفايل وحطيها بالدرج بالكبت محفوظه سالمه قريره العين :eh_s(15):

 

[mrmr mrmora]

الصراحه ولد دايسو خطير وطريقه الفايلات وايد حلوه ومبتكره وتحافظ على الشيله

مشكوره كوين

 

[رفرف]

واااااااااو كوين عليج افكار ماشالله عجيبة وايد وايد عجبني علاق دايسو حق الشيلات ...

عاد انا كنت اكثر وحدة اعسعس بدايسو لين طقني الفقر وصرت من ربع بو100

 

[أشواق]

واااااااااااااااو رووعه الموضوع مشكووره ع الافكاار

 

[*سكون*]

صراحة إبدااااااااااااااااااااااااااااع

يعطيج العافيه حبيبتي

 

[fatmasm]

رووووووووووووووووعه الفكرة

تسلمين

 

[زيـنـه]

عاااااشت كوين .. علاق الشيلات انا عندي اياه للبنطلونات ..و فكرته نايس للشيلات احسن من الدوائر مال ايكيا .