حوسه بكل مكان؟ماتدرين شلون تخزين؟تعالي عندي حل- موضوع متجدد

[Dancing^Queen]

العفو حبايبي وايامكم سعيده
انا ناويه عوده قويه
وودي اصبغ الممر
اعيد ترتيب اشياء
بس مافيش حد يشقع ياقدعان
شحنوني
طقوني سلف
وجهوني وانا انطلق

 

[زيـنـه]

انا اول من يدقج سلف .. .. يلا سيري و نحنو من ورائج ..

 

[Dancing^Queen]

زينه
تراني ناطره الصور

 

[Shaik]

الله يعطيج
ااااااااااااااااااااااااااااااااالف عافيه
شنو الف مليووووووووووووووووووووووووووووووووووون عاقيه

صج ابدعتي

ما شا الله عليج

اذا ما عليج امر
ابي طريقه لتخزين حقائب اليد
عنج فكره

تحياتي

 

[Swan]

طريقتج وايد حلوة
كنت شايفتها ببرنامج مارثا وعجبتني وايد
بس عبالي ماعندنا منهم
عسى بس نحصلهم قبل لا يخلصون

 

[Nonita-q8]

يعطيج العافيه على الافكار الحلوه للتخزين

بس بعد اذنج بغيت اعطي فكره حق اختي Shaik
عن طريقتي السهله لتخزين الحقائب

هذا تلقينه بايكيا يكون من الخام وشكله حلو ويتثبت بالكبت او حتى لو عندج مكان بره مثل علاق الملابس اللي يكون من الحديد ,,, في منه حجم الصغير اللي يكون لتكرمون الجواتي والحجم الاكبر اللي اهوا المعروض بالصور ,, ويتقدرين تاخذين معاه مثل رف صغير حق اكسسوارات

-1-


-2-


-3-


يعطيكم الف عافيه

 

[Shaik]

مشكوره ياقلبي
كل مره امر عليه بس ما فكرت بهالفكره
يعطيج العافيه و عساج ع القوه

 

[almost a whisper]

ونااااااااااااااسه
انا ماعندي عفسه ولا شي .. بس اتشجعت اشتري الشسمه اللي يظعف الكنابل ... خخخخخخخخخ يالله عقبال ما تكتشفين شي يظعفنا بسهوله جذي

تسلمييييييييييييييييييييييين اختي كوين على المجهود الروعه
والله يوفقج ويعطيج مرادج

 

[SAMSAMA]

الصور ما تطلع عندي

 

[Dancing^Queen]

يعافيكم والعفو حبايبي
شيكيتا اسعتدني جدامشارررررررررتكتج
وعجبتني الصور كثري كثري منها

ونفس الطريقه اللي انا استخدمها بس اللي عندي شاريته من سنتربوينت ولونه ازرق
حاطته بالكبت لبعض الجناط
وفي شي بكرتون ايكيا وحاطتهم بارضيه الكبت هذول اللي ماستخدمهم وايد


اما البقيه
معلقتهم ويا ملابسي خصوصا اللي استخدمهم وايد
كل وحدهتنحط بجيستها ومعلقه بالستاند
وفي افكاروايد الحين احطلكم

 

[زيـنـه]

حيا الله كوين .. و احنا ناطرين ناطرين

 

[Dancing^Queen]

هذا اول مثال
نفس اللي حطته اختي شيكيتا
بس برفوف

عاد هذا موموجود بالكويت اللي تلقاه تقول لنا

 

[Dancing^Queen]

صور لصناديق

فوق الكبت
في صناديق تصير واجهتهم شفافه

موجودين بايكيا ودايسو ورامز باسعار واحجام متفاوتهه
تقدرين تحطين الجنطه فيهم وتصفينها فوق كبت التعليق بالرف
انشاءالله اول مارد البيت اصورلكم بس انا ماخذه مو شفافه لا ساديه
وميمعه فيهم جناط ماراح استخدمهم قريبا بس مابي اقطهم

 

[Dancing^Queen]

هم هذي فكره بس ماعجبتني الصراجحه هم احسها دثره

 

[زيـنـه]

يعطيج الصحه و العافيه

 

[Shaik]

اي والله يعطيج العافيه

 

[Dancing^Queen]

thank u

 

[لوكريسيا]

كوين اذا حطيتي هالأرفف الأوف وايت اللي بإيكيا بالكبت .. ما ييصير الكبت وارم و مافيه مكان؟

 

[أحلى عيون]

جعلج الجنه يارب والله ريحتيني الله يريحج دنيا واخره

استفدت من موضعج وااااااااااايد واهما الكفرات وطريقت ترتيبهم وغتر زوجي وشماغاته هذي بعد مصيبه عندي وترتيب الملابس الداخليه روووووووعه وكل موضوعج لصراحه روعه


تدرين عاد فاتح دايسو بسوق المغاتير والله دخلت من الباب وطلعت من الباب الثاني ولا اعرف شي ولا شريت شي واختي تمدحه وانا اقول لها فاشل ما دريت انه السوالف هذي الحلوه منه


الله يخليلج عيالج ويضعفج بالصحه والعافيه ويخلي لج زوجج ربي يسخره لج

اللهم امين

 

[Dancing^Queen]

لوكريسيا
اهني التكنولوجيا
وين تحطينهم
انا عندي كبت التلعيق ماعليه استخدام وايد
يعني حق ملابس المناسبات او الغالي او اللي بينلبس لي ضعفت
اوكيك؟
ارضيته فاضيه
حطيت فيها جم صندوق
واحد جناط قديمه موديل الكلنش العنونين اللي راح موديلهم وحرام انقلهم تذكرون فندي الخرز اللي هبو فيهم والله حرام بعضهم ماخذتهم باغلا اثمانهم شحقه اقلهم يمكن يردون عليهم بيوم
وفي جناط بعطيهم الخدم هدايا تالي اللي يطلولج بالبروموشن لي شريتي مكياج ولي شريتي ب 30 يعطونج جنطه او عطر فكتوريا وياه جنطه تدرين منتي شايلتها ليش اقلها اخذها احطها باصندوق لي حين ميسره تييها مناسبه هديه خدامه مثلا او سويت بدله ابي اللبس جنطه مثلهاه وهلم جر
احط بالصندوق وارمي ياوليه حوش لاتحوش

وفي صندوق الذكريات ، كروت اعياد الميلاد صور هايته بدون االبوم صور مابي اشوفهم قالتهم بظرفهم ماعجبوني كروت اماكن رحتلها واستانست فيها كلينكسات بقتها من مطاعم رحت لها بره الكويت وكنت سعيده بالمناسبه فخذيت كري
بوست كاردز مممن بره <<<متاثره في ايام المتوسط البين فرند فكل ماسافر مكان اخذلي ذكرا بوست كاردز
خرايط
شغلات جذي متفرقه هم تصندقو وقعدو
وفي صندوق بعد العاب اليهال وتلوين والوان كل مارحت سوق بو اميه شريت اغريضات مثل تلوين الوان شي لليهال احطه بالصندوق ولي سوو شي زين رحت بطلت صنودقي وعديتهم منه
هذول الطبقه السفلي

الطبقه العليا فيها صناديق فضيه للذهب ملوت اللي يبعيونهم يم التراث الهندي احط فيهم الذهب ملوت بنات بصناديقهم
مو لي عطوج خاتم او ترجيه او شي يكون يصندوقه العنونو المخمل احطهم بصناديق فضيه المشغوله ملوت التراث الهندي
اما الغالي والجايد يترحل بيت امي