بخصوص الاقتراحات
بنات أكيد تعرفون شكثر البطاقات والتواقيع الدعوية تأثر في الناس
فشرايكم نتعلم نسوي بالفوتوشوب حق اللي تحب هالسوالف
منها نكون اكتسبنا مهارة يديدة ومنها تكون طريقة حلوة للدعوة وإن شاء الله نحصل الأجر من وراها
ونقدر نسوي بعد جداول للعبادة والطاعات
ممكن تكون بالعربي والانجليزي
وأي وحدة تسوي بطاقة أو توقيع تحطه هني في الموضوع عشان نشجعها ونشوف إذا ناقصه شي
طبعاً هذا حق اللي تحب سوالف الفوتوشوب ومو شرط كل يوم نجابله ممكن نكتفي بالويك اند
أو في مناسبات معينة مثل رمضان، عرفة، عاشوراء، العيد ...
:::
وبعد اقتراح ثاني
احنا أمة اقرأ فليش ما نشجع بعض إن كل شهر نقرا كتاب ديني
ما راح نحدد كتاب معين كل وحدة وراحتها وميولها
في بعضهم يحبون يقرون عن تاريخ الأمة الإسلامية مثلاً عن الدولة الأموية والعباسية >> أكره شي عندي التاريخ
وفي بعضهم يفضلون يقرون عن سير الصحابة والتابعين وقصص الرسل والأنبياء للاقتداء والاتعاظ
وفي اللي تحب تقرا عن قضايا معاصرة تخص المسلمين أو كتب عن العبادات مثل الصلاة والزكاة وهكذا..
المهم إن كل وحدة تختار كتاب وفي نهاية الشهر تكتب عنه وشنو استفادت منه وتقييمها له وإذا في انتقادات أو شي
مو شرط يكون كتاب دسم .. اللي ما تحب تقرا ممكن تختار كتاب خفيف وموضوعه حلو عشان تتشجع
وشوي شوي بتصير عندنا مكتبة إسلامية نورثها حق عيالنا لووول
وفي شي ثاني بعد ناخذ دفتر عشان إذا عجبتنا مقولة أو صادفنا آية أو حديث تأثرنا فيه نسجله في الدفتر..شرايكم :eh_s(7):
:::