حياة المراهقات..متجدد

[سوسو حبيبتى]

السلام عليكم ورحمه الله وبركاته

بسم الله الرحمن الرحيم

فى بدايه الموضوع حابه اوضح لكم

ان كل كلمه هااكتبها هنا هي من تجارب مراهقات وقصصهم وحياتهم وحبيت انزله ف القسم دة عشان نتناقش فيها

واكبر نسبه تستفيد من قراءه حياتهم

بنات مش عايزة تجريح واهانه الله يرضي عليكم

لان دة هو الواقع الى احنا عايشينه ..مش حابه واحدة تدخل تقول لى انى بألف فيلم من راسي

لاني اقسم بالله مالى اى فايدة

ولا انا غاويه وجع راس ومشاكل

الموضوع عن اكتر من بنت

هاابداء معاكم باول واحدة هااسميها (مني)

مني عمرها 16 سنه

اتربت فى اسره مفككه جدا اب وام دايما ف مشاكل وحياتهم الماديه غير مستقره ..

لما الموضوع يتوافق عليه وينزل هااكمل ان شاء الله :eh_s(17):

 

[نهى الأحمد]

يعطيج العافيه حبيبتي سوسو


وان شاءالله هذا الموضوع يغير امور سلبية كثيرة في حياة المراهقات


والموضوع رح يكون تحت اشرافنا

 

[سوسو حبيبتى]

مشكورة حبيبتي ع تنزل الموضوع بسرعه والله يجعلني عند حسن ظنكم

اكرر بنات الموضوع مش بغرض نشر افكار سيئه اكتر ماهوو توعيه وتوضيح لافكار المراهقات

وهااحاول اصحي الامهات شوي

 

[سوسو حبيبتى]

انا مش عارفه هاابدا القصه معاكم منين ...

اول كلامي مع مني كان بسبب صورة هي حطاها لشاب هانسميه ( علي )

دخلت كلمتها وانا خايفه طبعا ترفض مني النصيحه ..قلت ابداء معاها باسلوب هي تحبه

قلت لها (ماشاء الله بقيتي جميله )

ملحوظه للامهات: البنت المراهقه محتاجة صاحبه بجد ..اى ام عندها بنت مراهقه حاولي تدوري على حد غيرك

تكوني واثقه فيه ينصحها .. وياريت الامهات يقولوا لنا تجاربهم ونصايحهم

المهم اتكلمت معاها فى مواضيع عاديه جداا كل دة بغرض اني عايزة ف الاخر اوصل لمرحله انها تثق فيه

وتتقبل مني النصيحه ..

بعدها سالتها مين الشاب الى معاكي ف الصورة دة؟؟؟ قالت : دة صاحبي اسمه علي

قلت لها طيب ليه حاطه صورته عيب والمنظر كدا مش حلو : قالت لى عشان اغيز صاحبي التاني؟؟

يانهار ابيييييييييض انا اتصدمت

قلت ف عقلي(( يعني انتي بتلعبي مع اتنين كمان ؟؟ ... ))

حطيت ف قلبي وسكت لاني عارفه لو هاجمتها مش هاتتكلم معايا تاني ابداا ولو خسرتها مش هااعرف اوصل لها تاني ..

قلت لها وليه بتغيزي صاحبك التاني ؟؟ ... قالت عشان دايما بيخووني وبيحط صور لبنات ...

الله اكبر ... احنا فين ياعالم ..بنت عمرها 16 سنه قاعدة تتكلم عن الخيانه ؟؟

قلت لها : طيب ليه ما تسيبهوش؟؟ قالت : مااقدرش اسيبه ولا اقدر اتخيل حياتي من غيره

انا اعرف غيره كتير اووي !! بس دة اكتر واحد اثر فيه ومخليني متعلقه بيه..

(( انا سالت نفسي طيب فين امها ؟؟؟ ))) السوال الى كلكم هاتسالووه لنفسكم دلوقتي

قلت لها انتي بتكلميه فين واازاى .. قالت لى الموبيل والنت .

تنبيه يا امهااات الموبيل والنت هو الى خرب الدنيا والله ... والام طبعا ولا واخدة بالها ولا بتراقبها والاب منفصل عنهم

قلت لها طيب مش خايفه ماما تشوف؟

قالت : موبيلي عليه رقم سري ..(باص ورد) وعندي خطين ورقمين ... والايميل بتاعي عامله ايميل الكل يعرفه وايميل تاني محدش يعرفه ..

يعني كل حاجة ليها حل عند المراهقات ..

طيب بتقابليه ازاى .. قالت : بقول لماما رايحه المدرسه ولو مسكت عليه اووي ووصلتني هي تمشي من هنا وانا اطلع من هنا .. حيل المراهقات لا تنتهي

خلصت معاها واسودت الدنيا فى عيني ومابقيتش عارفه حل ...

كلمت بنات اصحابي هنا من المنتدي اكبر مني وفاهمين اكتر .. اقترحوا عليه حلول

منها كلمي امها .. طبعا الحل دة لا يصلح

كلمي ابوها .... كمان حل لا يصلح

هددي الشاب الى بيكلمها عشان يبعد عنها ... كمان لا يصلح لان باختصار هي الى ماسكه فيه مش هو الى ماسك فيها

فكرت وفكرت وفكرت ولغايه دلوقتي مش لقيه حل ... ومازلت مستمره معاها بالكلام

بحاول اغير من شخصيتها وبحاول اكرهها فيه وفي الحياه دي ... بس المشوار طويل ...الله المستعان

تاني محادثه ليه معاها .... حبيت اشوف هي بتعمل ايه فى يومها..

سالتها انتي بتعملي ايه بئا فى حياتك ويومك ؟؟
السبب واضح طبعا
انتبهوا ياامهات

رد مني :: ولا حاجة بصحي من النوم اشغل الكمبيوتر واروح الحمام وافضل قاعدة قدام الكمبيوتر اكلم اصحابي

او العب ..وبعدين انزل اقابل اصحابي وارجع انام ..الفراغ

انتبهوا يا امهات ... البنت ولا عندها هوايات ولا عندها اهتمامات ولا عندها حب للدراسه ولا اي شي

حاولت اشد انتباها واديها مواقع تقراها فى كل امور الحياه بدات معاها بالاكسسوارات واللبس والمكياج

تقول لى بس اكون فاضيه هااشوفهم ...

ااحترت معاها ... اتمني تقترحوا عليه كل الى عندها حل تقترحه

لعل وعسي انجح معاها .. ولعل وعسي اقتراحاتكم تساعد ام تانيه او بنت تانيه ..

وهااكمل ان شاء الله

وفى كمان قصه تانيه لبنت اسمها نور ... تختلف تماما عن شخصيه مني

نور بنت ملتزمه من عائله محترمه وللاسف كمان مراهقه وليها مشاكل من نوع اخر



اسفه لو كلامي مش مترتب وهااكمل بكرة ان شاء الله

 

[Mini Bounty]

الله يجزاك خير ياام سوسو ويجعله ربي في ميزان حسناتك
فعلا مشاكل هالفتره كثيره ويبيلهم مراقبه شديده
وللآسف حتى الكبار صارت البنت اللي ماتكلم شباب متخلفه عندهم ويضحكون عليها
الله المستعان

بعد ابي انبهه على اليوتيوب انتبهوا انا بشوف اولاد اخواني
وكيف هما متعلقين باليوتيوب وفيه مقاطع مخزيه الصراحه

حسبنا الله ونعم الوكيل
ناطرين التكمله

 

[سوسو حبيبتى]

^^ اسعدني ردك حبيبتي

اليوتيوب دة لسه مصيبته مصيبه

لانه حتي الاطفال لازم مراقبه ..احيانا بيفتح فيديوهات ملهاش اى علاقه بالكارتون

والبنات الكبار مصيبتهم مصيببه

للاسف اعرف بنت كبيره يمكن 45 سنه

ظروفها ماسمحتلهاش بالزواج ..وارتبطت مرة بشاب استغلها واخد منها فلوس وف الاخر سابها

يعني باختصار كبيره والا صغيره فى كل الاحوال خسرااانه

 

[سوسو حبيبتى]

ملخص لحياه مني

اول شي صحبه سيئه

اب وام فى مشاكل متواصله حتي بعد الانفصال

وقت الفراغ

مفيش هوايات ولا اهتمامات

الدين ضعيف جدااا

توافر الوسائل الى تخليها تتصل بالشباب وعدم الرقابه

كل دة الله اعلم هااايووصلها لايه

بس ربنا يستر

وغالبا دي نهايه المراهقات

حسره وندم

مش حابين اى بنت تخرج من الموضوع وهي دي حالتهاا

حسره وندم

حابه البنات يستفيدوا ويتعلموووا بّأذن الله

 

[WAAAW]

هذا من اصحاب السووووووووووء والانترنت واهمال مراقبه الاهل الله المستعان

 

[سوسو حبيبتى]

^^ لسه فى قصص الاهل شداد جدااا فيها وماسكين على البنات جدااا

فى قصه ام هااسميها المحقق كونان

بس هااحتفظ بيها للاخر

ولو تشوفي مصايب البنت هاتشدي فى شعرك

الله يعين الاهل

انا اكتشفت ان الرقابه مش هي الحل الوحيد فى عده حلوول المفروض الاهل يعملوها

تابعوني وشاركوني بحلولكم وقصصكم وافكاركم

 

[سوسو حبيبتى]

الفراغ

ويمكن القضاء على هذه المشكلة عن طريق عده طرق كثيره منها:…
- حفظ كتاب الله تعالى وتعلُّمه
- طلب العلم: فقد كان السلف الصالح أكثر حرصاً على استثمار أوقاتهم في طلب العلم وتحصيله.
- زيارة الأقارب وصلة الأرحام.
- تعلُّم الأشياء النافعة: مثل الحاسوب واللغات وغيرها
- تعلم المهارات التي يحتاجها الشاب في حياته العملية مثل: مهارات القراءة السريعة، ومهارات البحث والكتابة،وغيرها
- ممارسة النشاط الرياضي ا، والاشتراك في مشروعات الخدمة العامة ، والتطوع في أعمال الخير والبر والإحسان و الاشتراك في مشاريع محو الامية أو في نظافة الحي
-المشاركه في المسابقات العلمية والادبية
-الاشتراك في الرحلات العلمية والاستكشافية للتعرف على معالم المجتمع القديمة والحديثة



دة كلام انا اقتبسته من موقع

وبدات اطبقه مع مني من اول ما كلمتها وهااكتب لكم التطبيقات بالتفصيل

 

[سوسو حبيبتى]

استغفر الله العظيم

طبعا زي ماقلت لكم مني بعيدة عن الدين كل البعد

يعني لو بدات معاها باول نقطه الى هيه

((حفظ كتاب الله تعالى وتعلُّمه))

استحااااااااااله هاتسمع كلامي

فأنا بدات معاها من النقطه دي

(((- تعلُّم الأشياء النافعة: مثل الحاسوب واللغات وغيرها)))

لان البنت كل اهتمامها فى الحياه اصحابها والصبيان والمزرعه السعيدة وتنام وتاكل ...

دخلت لها من النقطه بتاعت التعلم ... بعت لها مقطع ع اليوتيوب لبنت بتحط ميكب انجليزيه

طبعا مني قالت : انا مش فاهمه منها حاجة

قلت لها اتعلمي واسمعي الانجليزي بتاعها وشوفي بتتكلمه ازاى وقلبت الحوار بينا هزار وتريقه عشان اخليها تركز

لان المراهقات لو حست الى قدامها بيديها امر او بيكلمها بلغه الامر هاترفض

انما لما كلمتها بالهزار والضحك وافقت واتفرجت ع الفيديو

وبعدها النهار طلع علينا واحنا بنتكلم .. طبعا انا بكلمها ع الايميل وهي فى بلد وانا فى بلد

سالتها قلت لها النهار طلع عندك ؟؟

قالت لى ايووة

قلت لها وانا كمان

وكتبت لها اذكار الصباح فى سطرين وقلت لها اقريه

والله المستعان شوي بشووي هاااكمل معاها باقي الخطوات

وهااكتب لكم بالتفصيل

 

[سوسو حبيبتى]

سامحني يارب قاعدة اعقد البت هههههههههههه

بصراحه دخلت لها كمان من النقطه دي

ممارسة النشاط الرياضي ))


كانت حاطه صورة ليها وباين ان جسمها مش متناسق رغم انها جميله

بس عندها كرش صغير جداا .. بحكم طبعا الكسل والنوم بالنهار والصحيان بالليل وكل الحاجات دي

فأنا قلت لها جسمك محتاج يتشد شويه

قالت لى انها ناويه تتدخل جيم gym )) ((نادي رياضي)

شجعتها وقلت لها اني انا كمان هاااروح معاها ان شاء الله

على امل انى اقرب منها اكتر

 

[سوسو حبيبتى]

لحد كداا وهااوقف واستني نقاشكم واراءكم بكره

وبعدين اكمل

 

[شادن33]

سوسو يعني نراقب من بعيد لبعيد
والله تعب مع هالمراهقات
اذا غفلتي عنهم دقيقه راحوا في ستين داهيه ياختي

 

[شادن33]

سوسو ليش ماتكتبين القصه كامله وبعدين نعلق تعب جذي

 

[سوسو حبيبتى]

شادن حبيبتي ياريت باييدي اكتب القصه كلها

اولا انا كل يوم بكلم البنت وكل يوم بيحصل احداث جديدة وربنا يستر من النهايه

ثانيا ايدي بتوجعني والله بحاول اكتب لكم على اد مااقدر

 

[سوسو حبيبتى]

سوسو يعني نراقب من بعيد لبعيد
والله تعب مع هالمراهقات
اذا غفلتي عنهم دقيقه راحوا في ستين داهيه ياختي

بصي حبيبتي دام انك سالتي يبقا لازم اشرح لك والله يقدرني

وان شاء الله البنات يشرحوا اكتر مني واى بنت عندها اقتراح حياها

فى حاله ان يكون عندك بنت مراهقه فى عدة خطوات لازم تعمليها

اول شي تعليم الدين وتحاولي تتدخليه فى حياتها بكل الطرق .. وكل ام اعتقد عارفه بنتها بتحب ايه

وادعي لها بصوت فى وجهها وحسسيها بحبك .. مثال ((الله يرضي عليكي يابنتي .الله يهديكي ياحبيبتي )) اللخخخخ

ساعات الدعاء بيحسس البنت بتأنيب الضمير

تفتحي لها قلبك ودايما تتكلموا مع بعض وتاخدي رايها فى كل حاجة

تحاولي تنزلي لعمرها وتكوني مراهقه زيها ..بجد انا بعمل كدا حاليا مع مني

حتي اسلوبي ف الكلام بكلمها كأني من سنها

نيجي لخطوة مهمه جدااا

شوفي البنت ايه هواياتها وبتتضيع يومها ازاى؟؟

لو حاسه ان يومها مليان تفاهات وفراغ يبقا واجبك بئا تعبي لها يومها باي طريقه


نيجي للمراقبه .. لازم الام تعامل بنتها انها زكيه مش غبيه ومش طفله

لان حيل المراهقات لا تنتهي

راقبيها بس بدون ماهي تحس وفى نفس الوقت تعرفيها انك انتي امها الى بتخاف عليها

والمراقبه كمان حسب السن تختلف من بنت ف جامعه لبنت ف مدرسه ثانوي

الله يعينا :eh_s(11)::eh_s(11):

ولازم تزرعي فى قلبها اعتزازها بنفسها .. وتعرفيها ان مجتمعنا فى حاجات استحاله يقبلها

وتزرعي داخلها مراقبه النفس ... يعني تخليها هي تراقب تصرفاتها بنفسها

وتأنيب الضمير ..

وانا شايفه ان معظم المراهقات بينحرفوا بسبب خلل

اما دلع زيادة وترك الحبل على الغارب

او غياب الاب او الام والمشاكل الاسريه

الشدة من الاهل زيادة بطريقه مبالغ فيها

التعرض للتحرش والاغتصاب ودي نقطه مهمه جدا جدا جدااااااااا

لان الشخصيه الى بتتعرض للتحرش او الاغتصاب للاسف كل البلاوي بتتطلع منها


وربنا يقدرني واحاول اضيف اى شي للموضوع ده لانه بجد معاناه كل ام

 

[شادن33]

سوسو حبيبتي سؤال بعيد عن هالاشياء
كيف اعودها علي ترتيب غرفتها بالذااات. تعبت وياها
اتسوي يوم وعشر لاء

 

[شادن33]

اهي بعدها مو بالثانوي
بس انا وايد اسولف وياها جنه صديقتي
بس مو كلشي اتقولي عن صديقاتها
ولما اتقولي انتقدها وارجع اندم الصراحه لانها تحرني

 

[سوسو حبيبتى]

^^ اكبر غلط الانتقاد

تري انا موخبيره كلي على بعضي عمري 24 سنه

بس قاعدة احاول افيدك
ان شاء الله البنات يتفاعلووا معانا اكتر

على سالفه غرفتها يمكن مو حابه الديكور؟؟

ناقشيها وشوفي الاول

وابعدي عن صيغه الامر

في مقاطع ع اليوتيوب لبنات مراهقات ازاى مرتبين غرفهم هاابقا احط لك وخليها تتفرج معاكي

وقولى لها بصي البت غرفتها تهببببببببل

خليها تتدش من ناحيه الغيره

والغيره نار هههههههههه ماانتي عارفه اكيد