حياتي مع زوجي العزيز بكل مافيها.................

[عيمية^والقلب^كندري]

انا عمري ماقلت حق وحدة تطلقي بس هذا مستحيل العيشة معاااه امبي الله يصبرج يارب ويعوضج عن هالانسان اللي مايخاف ربه ويوريج حوبتج انشالله

 

[ترانيم الريم]

رديت بعد شهر من هالسالفه وبعدها الثقه بينا صارت 0 معدومه والخيانه كله بالي وبعدها ياسبوعين طقني طق موطبيعي والله اطق على الخدامه الدار ابيها تفكني منه وطقها معاي قفل الباب وطقني بكل شي من ساعه وحده لساعه 4 الفجر تدرون شبقيت اسوي بيقت احذف نفسي من الدور الثالث وماخذ تلفوني الساعه 6 نام واخذت المفتاح وتلفوني وجا اخذني اخوي جثه جسمي مزلق وقعدت بيت اهلي 6 شهوربعد هالسالفه واهلي مركبيني الغلط وهونص الغلط ولده ماكان مهتم فيه بالمره ترك الدوام وقعد عاله بالبيت علي وباع سيارته وماعنده دخل ابد الخدامه امه اهي اللي جابتها لها وبعدها اتصلت عليه وترجيتها وعطتنيها لان تدري ان ولدها مغربلني وانا ادوام والجاهل يبيله رعايه وقعد على هالحال وكل يوم مخليني تدرون وين ياجر شقق مفروشه ويجيب مشروب وبنات وانا الفلوس محرمه علي وجذاب ديونه فوق 60 الف دينار وهو عمره 25 سنه بنات يمكن انا فيني سلبيات انا ماعندي ماديه اكشخ له والبس له واسويله فناتق نفس باقي الحريم وكان كله محطمني ويتطنز علي ثقتي بنفسي صفر تخرجت ولله الحمد وافتكيت من هم كبير كنت خايفه لاخسر الشهاده ويضيع مستقبلي بالمره بس الله ماضيع تعبي وزوجي سنتين عاطل عن العمل ويلعب على كيفه اهلي صاروا يكرهونه واهو يكره اهلي اختي كانت مطلقه تزوجت كانت قبل تحكم فيني لاتعطين ولا تسوين له وزفيه وهالكلام مدة 3سنين كنت اكلمه بتفكير اهلي مو بتفكيري وهذا عيب زواج بسن الصغير بنات صارله 9 شهور كل خميس وجمعه يحطني بيت اهلي غصب مو برضاي ويروح يخربط طلع قبولي بوظيفه قالي اخذي لي قرض اول ما تتعينين بسنع اموري قلت لا انت ماسويت لاشي عشان اسويلك طقني طق الموت وعقبها طفشت وهذا انا قاعده بيت اهلي اتحسر على سنين اللي ضاعت من عمري وخايفه من بكره بنات انا عايشه وحيده ماعندي احد اشكيله غير ربي والوحده ذبحتني الكل لاهي وانا مخدتي من ثلاث سنين هي الوحيده اللي تمسح دموعي وحالي الحين معلق لاشفت ولدي وهو شلون خلا اسلوبي زفت وشلون ولدي يطقني وهو بسم الله عليه عمره 2 سنتين وهذا تدريب ابوه بجيت ودريت ان الدنيا ماراح تصفالي ادوعو لي تكفون وتذكروا انه من دعا للمسلم رديت عليه الملائكه ولك مثله ونصيحه لكل لاتزوجون بناتكم ولا خواتكم الا وهم متاهلين لزواج ومستعدين له بكل شي عشان يبدون بدايه صحيحه والله يوفق الجميع وادعي ان محد يجرب الهم اللي انا فيه وسمحو لي طولت عليكم

 

[*باجر أحلى*]

الله يعينج الله يعينج
الحياة مستحيييلة معاه
انت الحين باذن الله بتوظفين وربي بيغنيج عنه وعن غيره
اطلبي الطلاق ترى والله باجر بخليج تاخذين له غرض غصب
وانت صغيرة روحي شوفي حياتج
الله يفرج كربتج ويبرد على قلبج

 

[ترانيم الريم]

بنات هالكلام والله نقطه بحر من كل اللي قاعد يصير لي ادعوا لي

 

[ناتشوو]

الله يفرج همج
ويعوضج
الله اعلم شنو الاخطاء منج
لكن هو انسان حقير بصراحة
ولا يستاهل القعدة او التحسف عليه
وان كنت بلومج بلومج على تحملج اياه مع ان اخلاقه السيئة اتضحت من البداية
عالعموم قدر الله وماشاء فعله
وان شاء الله المستقبل قدامج

ليش ماترفعين قضية للطلاق وطلب حضانة الولد؟
لأنه مو كفو عيال

او وسطي احد صاحي من اهله بالموضوع؟
وشغلة ثانية لا تنسين عمرج
انت الحين موظفة وماعليج قاصر
استمتعي بالدوم والطلعات والتسوق
وخليج متيقنة ان الله بيعوضج
وقوي علاقتج بربج
بالتوفيق

 

[همس الهمس]

الله يعينج و يهديه لج و يهديلج أهلج و يسخرهم كلهم لج و يعوضج خير إن شاء الله كثري من الإستغفار و الله مفعوله سحري و أعرفي إن كل هذا فيه خير لج لأن الله ما يخلق عبد و ينساه و قلبي عندج و حاسه فيج ,,,,,

 

[قلبك وحشني :(]

ترانيم انتي الحين 21 يعني الحياه جدامج وان شاءالله الله بعوضج عن إلي شفتيه صدقيني الحياه حلوه وابأذن الله بتفرج بعد هالضيقه

وبدال الزوج وأحد واثنين .. الطلاق مو نهايه الحياه مع انوه للحين ماصار طلاق باذن الله يهديه او يرزقج بغيره


قلبي معاج

 

[بنت الاجواد]

يا حياتي الله يعينج و يفرجها عليج و يهديلج رجلج ابو ولدج يا رب

تصبري يا قلبي و اهتمي بولدج و ما عليج وظيفتج عندج و معاشج عندج و انشالله ما تحتاجين احد

و اهتمي بولدج و ربيه التربيه الصالحه


والله يكتب اللي فيه الخير يا رب

 

[مهرة الخليج]

أشوف مصاخته وقلة ادبه زايده عن حدها
انتي راضيه انك تبقين على ذمته وهو جذي براحتك
بس ولدك ومعاشك ومستقبلك ومستقبل ولدك لا تفرطين فيهم ابدا
ترى الحين المره سهل انها تعيش بدون رياال هذا اذا اسمه رجل
الله يعينك وينصرك عليه اللهم آمين

 

[Om !L3$l]

وااااااااي كسرتي خاطري والله
الله يعينج ويصبرج و يعوضج بولدج ويصير احسن من ابوه مليون مره
في رياييل مافي بقلوبهم رحمه
الله يهديه و ادعي له يمكن يتعدل و يرد لج احسن من اول و يعيشج عيشة اوادم
و اسمحيلي اهلج لازم يكونون حازمين معاه و حتى انتي
اهو خذاج معززه مكرمه مو عشان يكوفن فيج و يسفل و يقطج بيت اهلج
بس ماادري شقول بعد ضيقتي خلقي ... الله يعوضج ويرزقج بلي احسن منه اذا ماتبينه

 

[q6aiwa]

نصيحتي

عمرج 21 وندمتي على سنين عمرج اللي راحت معاه

لاتظلين معاه وتندمين اكثر باجر عقب ماتييبين بدل الواحد 2 و 3 يكون همج وثقلج كبير واهلج ماراح يرضون بالطلاق

انا ما اشيشج بس كل شي واضح ولو اهلج موشايفين ان العيب منه مو من بنتهم جان ماخلوج تقعدين عندهم بالشهر والشهرين

سالفة انج تكونين صداقات بالدوام انا ما اايدها لان احل تكون علاقات الدوام رسميه ولها حدود

بس اهتمي بشغلج وثبتي وجودج وتسوقي واياني واياج تدفنين نفسج بقرض له او لغيره

ترى بهالزمن كل من يقول يالله نفسي لاتصيرين الطيبه اللي كل من يستغفلها ويستفيد منها مع احترامي لج طبعا

واذا فيج هم او ضيقه فضفضي هني كلنا بهالمنتدى خواتج لاتعدينا غرب

واذا بننصحج راح ننصحج بشي في مصلحتج

وتقبلي مروري

 

[دمعه حزينه]

امبيييييييييييييييييييييييييه


شنو هذا من انسان ؟!


حسبي الله عليه ونعم الوكيل الله يسامحه والله لاتنسين ان ربج يمهل ولا يهمل ..


والصبر مفتاح الفرج بعد قلبي ..


عورتي قلبي والله وعسى الله يعينج ويفتح عليج يارب ..

 

[اثمان]

الله يفرج همج ويعينج وينصرج عليه

 

[Bamya]

للأسف ضعف شخصيتج وسكوت أهلج اهو اللي وصلج لهالحال الله يعييييييينج ويصبر قلبج

يا حياتي توج بعمر ال21 عمر الزهوووور

للأسف للأسف بحالتج الطــــلاق اهو الحل الوحيد لراحتج لأن زوجج إنسان عاصي وفاسق وماعنده رجولة ولا ضمير

وانتي مبين عليج سنعة وبنت ناااس وما تأذين أحد ... لو كملتي حياتج معاه بتأذين نفسج وولدج .. طلبي الطلاق والنفقة ولا تتنازلين عن حقوقج واذا تعرض لج خل يكتبونه تعهد ان ما يقرب صوبج .. الدنيا مو فوضة حبيبتي والقانون يحميييييج استغلي هالشغلة لصالحج

لازم تقوّين قلبج وتنوين انج تبدين حياة يديدة وتنسين هالعذاب اللي عشتيه تحت عنوان ((زواج))

الله يفك عوقج

 

[كلي فرح]

الله يعينك ويكتب لك الخير
وذا فيه خيرلك الله يرده ردا جميلا
وانتي موقع قوة ربي ولدك والله يعوضك خير

 

[ice_cream]

عيشي حياتج كوني مستقبلج بنفسج اشتغلي ووقفي على ريلج

الفراق من زوج مثل هذا مو حسافه

على شنو محمله نفسج كل هل ضيم عشان اسم زوج عساه ماكان الصراحه لا تزعلين مني

باجر لي سمع انج توضفتي وعندج راتبج شوفي شبيسوي فيج من اولها يقولج اخذيلي قرض لا

والله ليش انتي تشتغلين واتعبين وتاخذين له قرض عشان يصرفه على بنات الشوارع

ديري بالج على نفسج وولدج وربيه تربيه سليمه والله يعوضج خير

 

[جوري 2007]

محد يتوكل على ربه وربه مايعوضه ، اخذي نصيحتي وحياتج بتصير 100% غير
تطلقي منه اي تطلقي اصلا حتى لوتسنع ماراح يتسنع 100% واصلا انتي اشلون ماراح تنسين الخيانات والطق ولاهانات خلي كرامتج فوق اي اعتبار، وبعدين توجهي لربج بكل جوارحج وافضل واعجب علاج هو قيام الليل نصيحة استمري عليه وبتشوفين العجب العجاب ولاتنسين الصدقة ، لاتياسن ولاتفكرين فيه اصلا، وبوظيفتج الجديدة حاولي تتعرفين على موظفات زينين وعيشي حياتج ولوشنو لاتعطينه فلوس ولافلس هذي فلوسج لج ولولدج

 

[امواج الكويت]

حسبي الله ونعم الوكيل فيه مصيره يجيله يوم يتندم على النعمه اللي رفسها بريوله الله ياخذ حقج منه

 

[بيوتي]

انـا تووقعت هالشئ .. من قلتـي ان =ه جررررررئي يوم العررس ..


الله يفررج همج .. وهم كـل مسلمـه ومسلم .


افرشي سجاادتج وادعـــــي عسـى ربي يفكججججج منه

 

[الفراشة_البيضاء]

الله يعينج