حياتي مع زوجي العزيز بكل مافيها.................

[D. Sara]

اللـــــهم آجرنـــي في مصيـــــبتي واخلفــــــني خيـــــرا مـنهـــــا اتوقع تدرين إن هذا الدعاء مهم بس بقوللج إن أم سلمة رضي الله عنها بعد ما توفى زوجها ظلت تقوله تقوله تقوله لمن خطبها الرسول صلى الله عليه وسلم.... مع كل شهيق قولي هذا الدعاء....

خلج قوية رددي انا قوية انا قوية انا قوية انا قوية انا قوية بينج وبين نفسج...انتي عندج شهادة واهيا اهم اهم اهم شي مهمة مثل الماي والهوا...انتي صغيرة والحياة جدامج.... خلي اللي مريتي فيه مجرد نقطة سودة بحياتج ان شاء الله بإذن واحد أحد بتكسبين حضانة ولدج حطي حيلج فيه ربيه تربية صالحة حفظيه القرآن وانتي هم حفظي وياه إلهي نفسج بكتاب الله وبولدج وبدوامج وبنفس الوقت بالدعـــــــاء... وما توعين إلا ويجيك من يستاهلج ويصونج ويعينج على تربية ولدج

 

[3aboora]

حبيبتي مابي أكرر الحجي اللي قالوه البنات بس كل اللي أقدر أسويه إني أدعيلج انتي و ولدج
و عسى الله يفرج همج مثل ما فرج همي يارب ويوفقج و يعوضج عن كل شي ..صبري فإن الله مع الصابرين

 

[رينااااد]

ياقلبي انتي مهما كتبتلج وواسيتج ونصحتج ادري ان مافي اقوى واحسن من الدعاء لاتنسين الاستغفار والدعاء وكلنا خواتج وندعيلج حبيبتي

 

[Dema^3sal]

لاحول ولا قوه إلا بالله العلي العظيم ... الله يصبرج ياقلبي وياخذلج بحقج انشالله انتي وولدج .. ويعوضكم خير يآآرب ...

لاتنسين قيام الليل والدعاء وعسى ربي يفرج همج ..

 

[om-HaSsoOon]

وي مبين هذا زوجج راعي سفرات وطلعات مو مال زواج ومسئوليه كلش

الله يعينج ويفرج همج

 

[اسرار الغلا]

عورتي قلبي والله

صج الزواج قسمة ونصيب

بس استمرارج فيه او عدمه بيدج انتي وبس

ما اعتقد في وحده عاقله بتنصحج تقعدين عنده لو يوم واحد

لو بيتسنع جان تسنع من زمان بس لا تحطين امل عليه

والله بيعوضج خير وبيرزقج بالزوج الصالح ان شاءالله
ما احد يموت من الجوع المهم النفس مرتااااااااحه

والله يساعدج قلبي

 

[في بحرهم عذبوني]

اصلا غلط الوحده تتزوج واحد ما تكلمه و لا تعرفه من جذي تصير مشاكل

مو شرط حبي

 

[في بحرهم عذبوني]

حياتي والله
الله يعينج و يصبر قلبج
و يهدي لج ريلج غصب عنــه

 

[سلطـ زمانها ــانة]

الله يعينج ويفرج علييج ياقلبي

 

[بناتي زينة حياتي]

ماعندي شيء ازيده الله يعينج ويفرج همج وان كان فيه خير لج ولولدج عسى الله يهديه لكم ويردكم لبعض وان كان فيه شر فالله يبعده عنكم

 

[ارنوبه]

ريلج راعي سفرات وخمر ما اضن انه يصلي .. واذا ريلج ما يصلي اصلاااااا حرام تكونين مرته شرعا .. حراااااااام

الريال اللي ما يصلي مرته عليه حرام .. قعدي ببيت اهلج وربي ولدج ودشي وظيفتج واصرفي على نفسج وولدج وانتي بنفسج بتحسين

الثقه شوي شوي رجعت لج والدنيا انفتحت جدامج .. بس اذا بتردين لبيت ريلج بياخذ قرض وبياخذ معاشج .. اهو يقولج انتي بخيله وانتي

مايمشيلج شي شلون لما يصير عندج معاااااااش ..

وما اخذتي منه غير الطق والحجي الوصخ والمذله .. الطلاق ما تشرع االا للي نفس حالتج .. تطلقي واطلبي كل حقوقج وهدي حيله

هذا مو كفووووو ..

 

[Babystyle]

بعد عمرررررررررري والله عسى الله يعينج ويفرج همج يارب واااي عورتي قلبي ابصراااحه

حسبي الله ونعمة الوكيل حسبي الله نعمة الوكيل

 

[-Bello-]

لاتلومين نفسج اب ولاشي اهو اللي الغلط رتكبه وانتي مافيج الا العافيه عسى ربي يعوضج خير حبيبتي

 

[بنت باباتي]

اسمعيني وافهمي اللي بقوله عدل

اللي مريتي فيه مو شويه والرجال اقصد اللي اسمه رجال اللي كنتي متزوجته حرام ينقال عنه رجال لان مافيه ذرة من الرجول ولا الاحساس ولا عليه حسوفه
اللي مفروض تسوينه الحين ماتردين لهرجال حتى لو صار عليج ضغط من اهلج هذا واحد وبما انج موظفه منتي حمل ثقيل على احد
زوجج صراحه تتطلقين منه احسن ما منه فايده ابد واذا هددج بولدج قولي ارفع عليك قضيه واطالب بحقوقي وهنيه بيخاف لانه مبين انه يقدس الدينار واهو مايملك
ولدج توه عمره سنتين يعني بأيدج تربينه من جد وجديد اتبعي معاه سياسه المكافئه والعاقاب اذا غلط قولي مافي اي شي يحبه سواء كان لعبه او كاكاو وبطاط وعصير وخلج حازمه وشديده وحنونه
انتي راح تتعبين مع نفسج اكثر من اي شخص لان لازم تغيرين بنفسج حيل توج صغيره عمرج 21 الوضيفه راح تخلي عندج زميلات حاولي ان اسلوبج يتغير تصير عندج ثقه بنفسج غصب عادي اغلطي مره ومرتين المهم انج بالاخير تتعلمين من غلطج لاتقولين ماعندي شخصيه وحطمني وهز ثقتي بنفسي اللي راح راح ولاتخلين لاحد القدره على التأثير على قراراتج
اذا ماتقدرين تروحين لمعالج نفسي عندج مركز الاستماع عندهم خبرات وكفائات جربي تحطين مشكلتج بين ايدينهم وهذا رقمهم1804447 السريه عندهم تامه ومحد يتطلع عليها وانتي تختارين اذا تبين تتكلمين مع رجل او مرأه وبيوجهونج لطريق الصحيح بأذن الله
اهم شي توجهي لربج بالدعاء والله يعوضج باللي احسن منه
وبدون زعل الغلط غلط اخوانج ما سألوا عنه عدل ادري اللي راح راح بس لو بتصير لج تجربت زواج ثاني لازم السؤال هذا زواج مو سلق بيض

انتي قويه بس استثمري قوتج عدل اللي تصبر على هالضيم تملك قوه جباره لاحد يحبط عزيمتج حولي قوتج من قوة صبر لقوه اراده وقولي لااا
لا ما اقدر اهين نفسي اكثر من جذيه
لا ما اقدر اخلي ولدي يعيش بجو مكهرب ويشوفني انطق وانهان جدامه
لا ما اقدر اعيش متزوجه بس بالاسم
لا ما اقدر اعيش حياه اسمي فيها متزوجه ولا قاعده اشوف ولا شي من مقومات الزواج لاعشره زينه ولا مصرف ولا قيام بالواجبات
لا ما اقدر ارجع له لو تأسف لان من شب على شي شاب عليه

 

[ترانيم الريم]

بنات صراحه مادري شقولكم انتو ا ساعدوتوني حيل بكلامكم الطيب ودعواتكم وعسى ربي يوفقكم وويفرجها عليكم انا بعد كلامكم قررت اني اجدد كل شي بنفسي وانساه وانسى كل اللي مضى نويت ابدا حياة جديده انا ولدي ان شالله انا معاناتي وتجربتي الفاشله هدتني بددت كل شي حلو فيني تصدقون اللي يشوفني يعطيني ضعف عمري تركت الحياه وغرقت بالهموم حيل بس ان شالله اتغير

 

[روعة الالوان]

اللة يعينج اختى ادعى اللة يوم يكون الناس نايم ربك ما ينسى احد بس اكثرى دعاء بنية خالصة ربى يفرج همك وفرح قلبك ويسعدك فى حياتك اللهم امييييييييييين فرج قلب كل مهموم اكثرى الاستغفار راح تغير حياتك بأذن اللة ​