انا سيدة ابلغ من العمر 40 سنه الله ما شاء ان يرزقني عيال سويت كل شي اقدر عليه ما خليت شي الا وجربته على شان افرح بولد سويت 7 تجارب اطفال انابيب وفشلت وهالشي كان كفيل بأني ازهد الدنيا لان كل مرة اتأمل بأني اشوف بسمة طفل واربيه وهالامل يضيع مني بس الحمدلله عمري ما فقدت الامل بالله تعالى وقدرته انه يعوضني بعد هالتعب النفسي والجسمي ولاني انا بدون وزوجي بدون حاولنا كثر ما نقدر بجوازات لان كان عندنا استعداد ان لو الطفل بأخر بقعه على الارض نروح له وما نتردد لحظه وحده بس كل مرة وباخر لحظه يصير شي ويعطل لنا طلعة الجواز سبحان الله كل مرة ما يكون ناقصنا الا خطوة بسيطه وفجأة مادري شنو يصير ويتوقف كل شي شلون ومتى وليش ؟؟
علمي علمكم.
حالتي ما يعلم فيها الا الله وزوجي ما يشتغل ويحاول كثر ما يقدر ان يحقق هالحلم لكن ما بيد حيله .......
والحين محد فيكم يتخيل الوحده والفراغ والحزن الي انا وزوجي عايشين فيه متزوجين من 23 سنه وربي يعلم ان ما في طريق الا ومشينا فيه بس كل مرة نتعب ونتعب بدووووووون نتيجة , انا الحين مابي شي من هالدنيا الا هالطفل ابي اربيه وابي اسمع كلمه (( يمه )) حتى لو كان ورا هالكلمه موتي راضيه فيه بس اسمعها لانها امنيتي الوحيده وبعدها مابي اي شي املي فيكم بعد الله اذا تقدرون تساعدوني لا تقصرون مالي الا قلوبكم الرحيمه واذا اي احد فيكم يقدر يساعدني بأي شي يقدر عليه لا يقصر والله يجعله بميزان حسناتكم تكفووون لا تنسوني ولا تنسون معاناتي لاني فعلاً عايشه بظلام والنور الوحيد اهوا هالطفل.
وشكرا.........
الله يرزقج الذرية الصالحة يارب عاجلا غير اجل ويفرحج ويسعدج ان شاءالله ويوفقج
اللهم ارزق أختنا من فضلك العظيم
اللهم يارب يا كريم يا كريم يا كريم يارزاق ...
يا مقسم الارزاق ..اسالك يا الله يارب انك لا تحرم هذه الاخت من الذرية الطيبة ،،
وان رايت ان الخير لها في عدم الرزق فاسالك ربي ان تقضع لها الرضى والراحة في قلبها
اللهم أرزق كل محرم وأشف كل مبتلى
ومن يتوكل على الله فهو حسبه
اللهم ارزقها بالذريه الصالحه وفرح قلبها وفرج همها
اللهم استجب دعائنا وتقبلة من ومن المسلمين..
اللهم آآمين لا إله إلا انت،سبحان الله رب العرش العظيم،وصلى الله على محمد وعلى آله وصحبه أجمعين
