حياكم الله في مكتبتي ..

[م.بابونج]

السلام عليكم و رحمة الله و بركاته

بصراحة هذا أول موضوع لي بالمنتدى و يارب أتوفق فيه ..

فكرتي بكل بساطة انا انسانة أحب أقرا بشكل كبير جدا .. من يوم تعلمت القراءة و أنا كله الكتاب بيدي و أقرا , فحبيت بهالقسم أشارككم مكتبتي و الكتب اللي قرأتها بأني كل يوم أنزل نبذة عن كتاب أنا قريته من قبل .. و أكتب انطباعي عنه و جم عطيته من 5 نجوم .. و طبعا حياكم معاي اللي عنده تعليق على الكتاب أو راي ثاني بالكتاب بحيث نقدر نفيد و نستفيد ..
طبعا أنا راح أحط كل الكتب اللي قريته اللي عجبني و اللي عندي نقاط عليه بحيث نقدر نتشارك بالراي و ماكو مشكلة لو تنزلون نبذات عن كتب ثانية و نقدر نتكلم فيها

​

 

[م.بابونج]

رد : حياكم الله في مكتبتي ..

احم احم .. بسم الله الرحمن الرحيم ..

الكتاب الأول هو ..

للكاتبة cecelia ahern .. طبعا الكاتبة هاذي لها روايات كثيرة و إهي بدت تكتب من يوم عمرها 21 ماشاء الله عليها

1) القصة : القصة باختصار تحكي عن جويس امرأة متزوجة عمرها فوق الثلاثين سنة تعيش في ايرلندا, أجهضت طفلها نتيجة وقوعها من درجات بيتها مما حطم نفسيتها و جعلها تنظر للحياة نظرة سوداوية جدا بحيث أنها أنهت زواجها من زوجها الذي دائما مسافر و أغلب الوقت مو معاها .. بس الشي الغريب بالموضوع إنها خلال عملية الاجهاض ينقل لها دم من انسان ثاني و هذا الشي خلاها بحالة غير مستقرة , بحيث انها بدأت تكتسب خبرة الشخص المتبرع"جاستين" الذي كان بروفيسور أمريكي معماري مطلق و عنده بنت وحدة تسكن في لندن مع أمها تبرع بالدم خلال زيارته لإيرلندا , بدأت جويس تحلم بجاستين و تعيش ذكرياته حتى بدأت تتغير شخصيتها و بدأت تصبح نفسه بالضبط .. و بالتالي فهي عرفت وين يسكن و وين يشتغل ..
و تتوالى الأحداث بين جويس و جاستين منذ أن يتقابلا في المرة الأولى في حلاق حيث شعرت جويس بحاجة ماسة للذهاب لأن جاستين كان يفكر في هذا الشيء طوال الوقت ..

2) جو القصة: بصراحة أنا قريت القصة و أنا كنت مريضة فبالنسبة لي كانت القصة عالم أهرب إليه من عالم المرض اللي كنت عايشة فيه فجدا استمتعت بالقصة و بالذات شخصية جاستين .. فيه شخصية أخرى حلوة و ظريفة اللي إهي أبو جويس كان عنصر الكوميديا في القصة ككل

3) النهاية: نهاية القصة كانت حلوة و متوقعة .. بس طريقة الكاتبة في سردها كانت إلى حد ما بطيئة و باردة , أتوقع إنها تطورت ألحين في الكتابة لاني ناوية أقرا لها قصص ثانية بعد

4) تقييمي للقصة بشكل عام .. من خمس نجوم عطيت القصة 4 نجوم لأن اسلوب الكاتبة كان وايد حلو بس أنا حسيت أحداث القصة كانت بطيئة إلى حد ما و كان فيه وايد مقاطع مالها داعي و حوارات مالها معنى .. بس الفكرة جديدة و حلوة ..
على فكرة الكتاب موجود عندي باللغة الانجليزية .. اللي تبيه تبعث لي على الخاص أدز لها الرابط عشان تقدر تحمله عندها و تقراه

:eh_s(9)::eh_s(9):
​

 

[miss-fofo]

مشكورة حبيبتي واااااااااايد :*

متابعتج وانطر باجي الكتب اللي راح تكتبين عنها


حلوه فكرة موضوعج

 

[م.بابونج]

رد : حياكم الله في مكتبتي ..

أهلين حبيبتي ..
إي أنا ان شاء الله كل يوم بكتب عن كتاب عشان يكون فيه مجال للنقاش ان شاء الله
و إذا عندج كتاب ودج تكتبين عنه فيدينا ..
مشكورة يا قلبي على المرور

 

[miss_math]

رد : حياكم الله في مكتبتي ..

فكرة جميلة

نحن في انتظارك حبيبتي ..

 

[~ تريآق]

رد : حياكم الله في مكتبتي ..



م. بابونج والله سبقتيني

انا حاطه موضوع كذا بمنتدى ثاني وكنت ناويه ابدا هنا بس اخلص رام الله

بس خلاص سبقيتيني رآحت علينا ههههههههههههه .. عليج بالعافيه

وهالكتآب انا هم قريته روعــــــه حبيته .. بس من عيوبه مرآت "خآصة في البدايه " كانت تتكلم عن نظرية الديجو فيه <~ الظاهر كذا
مالت ارتباط القلوب والحب من بعيد وكذا .. وكنت تايهه مادري وش تقول بس بعدين اكتشفت انها تقصد النظريه
في هاللحظات ذي حسيتها تقول كلام فلسفي وتملل شوي .. بس هم حلو ^^

قوآج الله يا أبطلهم

وننتظر باي كتبج

 

[غيدآء]

شوقتيني على الروايه مع اني محتاره اي قصه اقرالهاا

حاليا خلصت رواية ذهب مع الريح ,, وبديت برواية الرابح يبقى وحيداً لـ باولو كويلو مؤلف رواية الخيميائي

thanks allot

 

[م.بابونج]

رد : حياكم الله في مكتبتي ..

أهلين يا قلبي ترياق ..
و أنا أقووول شفيه الموضوع منور أثاري انتي زايرتنا اليووممم
حياج حياج شنو تبين جاي ماي عصير قهوة ؟؟ << لزوم الضيافة بعد خخخخ

زييين لقيت وحدة قارية الرواية .. على قولتج أنا بهالجزء ضعت شوية بس حاولت أستوعبه و استوعبت إن فيه عده نظريات على هالموضوع فحاولت تشرح كل نظرية بطريقة مختصرة بحيث إن القارئ ما يضيع بس الظاهر إنها ما توفقت بالشرح لوووول

جم تعطين الرواية من 5 .. يا قلبي نورتي الموضوع بمرورج

 

[م.بابونج]

رد : حياكم الله في مكتبتي ..

بنت جابر ..
يا قلبي روايات الكاتبة كلهم حلوين .. بس أنا هاذي الوحيدة اللي قريتها من جذي كتبت عنها بس أنا خزنت كل كتبها و راح اقراهم بالمستقبل القريب لأن الكاتبة بصراحة مبدعة بأفكارها بالرغم من أن سنها صغير

نورتي الموضوع حبيبتي

 

[الصحفية]

فكرتج روعه

وان شاء الله بنتابعج باستمرار

:lolo:

 

[م.بابونج]

رد : حياكم الله في مكتبتي ..

حياكم الله حبيباتي و مشكورين على التشجيع .. و ان شا ءالله بكرة أنزل كتاب جديد عشان نعطي للكتاب فرصة إذا فيه أحد وده يتناقش فيه

 

[~ تريآق]

رد : حياكم الله في مكتبتي ..


قووواج على الضيافه مس بابونج :d

انا عطيتها 5 الصراحه وحطيتها من ضمن كتبي المفضلين ^^ ..

صح فيه اجزاء ماعجبتني شوي .. بس ما بخست بنجومها في عيني ..

يلا بانتظار باقي القراءات ورأيج وكلو :d

 

[وهج الحب]

السلام:
والله يا اختي اني ايضا كنت ناوية اسوي نقس الشئ وكل يوم اقول بكرة لاني كنت اضع تلاخيصي بالكتب التي اقراها بعدة اماكن هنا وكنت لا ارى اي ردة فعل الكل يقرأ ويضع ما يقرأ بدون مناقشة ما سبق او ما وضع وحتى لو وضعتي ردك على كتاب قرئه غيرك لمناقشته لا ترد علي فيما قلت وكأن الامر لا يعنيها ..فقررت ان انزل كل كتاب اقرائة بموضوع خاص فيني للافادة والمناقشة..
لكن كما كنت افكر والااخت التي سبقتني فكرت وانت فكرتي ولانك عزمتي اصبح السبق لك ..
وانا سأكون من متابعين صفحتك ..
رايي بقصتك شوقتيني لها وسجلت الاسم بتلفوني لشراء القصة ..سردك اكثر من رائع وكم اتمنى ان اكون قرأت القصة لمناقشتك ..وفي الانتظار جديدك ..

 

[م.بابونج]

رد : حياكم الله في مكتبتي ..

حبيبتي وهج الحب .. القصة موجودة عندي ألحين أبعث لج الرابط على الخاص بدون لا تشترينها يا قلبي و فعلا كلامج صحيح .. أنا ودي يكون فيه تفاعل بالموضوع مو بس الواحد يحط رده و يمشي .. بالمشاركة كل شي يحلى .. و حياج حبيبتي و لا تحرمينا من طلاتج الحلوة

يا قلبي انتي مشكووورة على المرور

 

[وهج الحب]

السلام:
تسلمين امي بس انا مالت رائحة الورق وتقلب الصفحات بين يدي ..حاولت مرة اقرا من النت انتهيت بأني جلست كم يوم اسوي كوبي وارتب الصفحات على الوورد واحط نقط وفواصل وسويت برنت للوراق ورحت المكتبة وغلفتهم ..وبعد كم بوم نزلوا الكتب بالمكتبات ..وانقهرت لاني تعبت وخسرت اكثر من اني اشتريت الكتاب ..مشكورة حبيبتي والله يجزيك خير ..جرير والمجرودي بانتظاري ..

 

[م.بابونج]

رد : حياكم الله في مكتبتي ..

لوووووووول لا هالنوعية من الكتب أعرفها بايخة و تضيع الوقت .. بس أنا اللي دزيت لج إياه رابط منظم نشخة طبق الأصل من الكتاب قبل لا ينطبع فما راح تتعبين فيه ان شاء الله أنا وايد أقرا كتب الكترونية .. أطبع جم صفحة إذا كنت خارج البيت و أقعد أقراهم , و حاليا قاعدة افكر أشتري القارئ الالكتروني لأني ما قمت أتحمل الأوراق المطبوعة لووول

 

[حياتي فراغ]

رد : حياكم الله في مكتبتي ..

طبعا الكل كان ناوي يسوي نفسج
بس أنا سويت نفسج بس بطويقة ثانية يعني أنزل اسم كتاب من مكتبتي و أكتب نبذة عنه
بس انتي طريقتج أحلى من طريقتي بألف مره
تشوق اكثر وبديتي بكتاب يهبل وأنا قاريته وشقته فيلم بس عاكسين حاطين المره تعطي الريال دم
و اشجعج
ومتابعة لموضوعج

و أشـــكرج

 

[ام عبدالوهاب555]

موضوع رائع
وناطرين التكملة

وجميع البنات ممكن يسون نفس الطريقة

نبي نستفيد كلنا

ما فيها شي يصر القسم تلاخيص لقراءات العضوات

اثراء للقسم وافادة

 

[م.بابونج]

رد : حياكم الله في مكتبتي ..

حياتي فراغ .. ان شاء الله تمتلئ بالتوفيق و ذكر الرحمن
إي حبيبتي حياج معانا .. ياريت لو تعطيني اسم الفلم عشان أشوفه شوقتيني بصراحة ..

أم عبدالوهاب حياج معانا يا قلبي المكان مكانج .. و أي تلخيص عندج حطيه عشان نتناقش فيه :hearting:

 

[أنثى اليمامة]

رد : حياكم الله في مكتبتي ..

فكرة رائعه ~

اهنيج عليها ، القصه موضوعها روعه وفكرته حلوه للاسف ما قريتها .. شجعتيني أقرأ للكاتبه ...

ألف شكر ولي عودة .. وٍأكون متابعه ..!