لووووووووووووووووووووووول و الله إهي مسألة أذواق , يمكن أنا حزتها كنت بالمود إن البطل يكون واحد تايب لوووووول , البطلة أنا شفتها مقنعة لان أي أحد يحس إنه فيه عيب بيصير منطوي على نفسه و يحس إنه كاره نفسه بس أنا ليلحين مو مستوعبة ليش البطل ما عجباج ؟؟ بالعكس أنا شفته عوار قلب و الله خاصة المقطع مال اللي سوالها الgazebo و حط فيه ليتات و حط لها مائدة حلوة وشغل عدل .. أخييييييييه على الرومانسية يا قلبي
و بعدين أنا وايد حبيت الفكرة إن إهما كرهوا بعض و شلون شوي شوي حبوا بعض و بعدين شلون إهي تكتشف الحقيقة .. أنا أقولج الجزء الثاني ما عجبني كثر الجزء الأول فيمكن انتي ما راح يعجبج بالمرة لووول , بس بالعكس النهاية حلوة ما فيها شي و منطقية .. أنا حسيتها مناسبة جدا للجزء الأول لأن إهو اسم الجزء leaving paradise ..
بس بالنهاية الاختلاف بالأذواق لا يفسد بالود قضية و مشكووورة على متابعتج و ان شاء الله الكتب الياية اللي أسويلها recommendation تكون أحلى من جذي
لااا حبيبتي بابو شدعوى, و الله شحلات ذوقج و الكتب اللي توصين فيها كلها أوريجنال و حلوه.
بس آنا ذوقي مو صاحي حده, إذا ماكو قاامت بالقصه ما أرتاح هههه
تدرين شنو قصتي الرومانسيه المفضله؟
جين إير هههه
بس محد يموت أخير شي تتزوجه, بس يكون أعمى و مشوه هههه
و شي بعد يأثر برايي حييل بالقصه هي طريقة الكتابه, الكاتبه ما اكتفت بكلام المراهقين بس بالدايالوغ و الأفكار فقط.
يمكن لأن القصه كلها كانت يا من جانب كيلب أو ماغي. فترستها كلام مراهقين و آنا مااا أحبه!
بالذات لما يقولون yeah, whatever, like... you know وااي أحس أبي أعظ الشاشه ههه
مادري و الله شقرا وراها, انتي شرايج؟
