حياكم بنات حابه افضفض شوي

[زهراء 24]

قوة بنات انا ما عندي مشكله بس حبيت افضفض شوي حاسه بقهر بنات انا عمري 24 وللحين ما تزوجت ولا مرة بحياتي انخطبت ولا مرة احد طق باب بيتنا ويي شافني
عاد انا راح اقولكم موقف صار معاي امس امي دشت علي الدار وانا كنت ابجي :eh_s(16): كنت متضايقه
جذي فجاة حسيت بضيقه حسيت فجاة بوحده تمنيت لو اتزوج تمنيت لو يكون عندي ياهل يملي علي حياتي وعاد تسالني امي شفيج ليش متضايقه ليش تبجين
فانا قتلها الصراحه قتلها ليش متضايقه قتلها انا زعلانه
لانه راح يصير عمري 25 وللحين ما انخطبت ولا مرة لا تشوفون بنات شلون هبت بوهي وقعدت تصارخ ليش اذا قلت هالحجي تتحسسني اني مااستحي على ويهي
واتهب بوهي وتزفني ما تحاول انها تسمعني او حتى تحس فيني وعلى طول تقولي انتي ماتستحين على ويهج انا اول مرة اشوف وحده ميته على الزواج مثلج امبيه
والله يا بنات تجرحني بهالحجي :eh_s(16): ليش انا شنو قلت ليش انا شنو
تمنيت شي حرام مثلا كل وحده بعمري تتمنى تتزوج وتكون اسرة كل بنيه
تتمنى تجرب احساس الامومه كل بنيه تتمنى عيالها يكبرون معاها
ليش الام ما تحاول تسمع بنتها تشوفها من شنو متضايقه
اكيد انا راح اكون متضايقه لان اي وحده بعمري تكون على الاقل
انخطبت كذا مرة عاد انتو قولولي بنات الشي اللي انا تمنيته حرام وعيب
ولا احساس طبيعي كل وحده فينا تحس في​

 

[صآعده تحت}..]

حبيبتي اول شي احب اقولج كل خالاتي تزوجو واعمارهم ٢٧ و ٢٩

هذا شي الله كاتبه والخيره فيما اختاره الله

يمكن الله كاتبلج شي حلوو والبنات الي تقدمو لهم تسعين واحد موشرط حياتها سعيده مع زوجها

بس لا تتضايقين على هالشئ لان موشرط ما انخطبتي بهالعمر يعني عنستي

واشغلي بالج بدراستج او وظيفتج الحين والله يًزقج المال والبنون والزوج الحنون

 

[زهراء 24]

مشكورة حبيبتي على الدعوه​

 

[يائسه و ميته]

ياحبيبتي هذه مشكلة اهلنا
لكن صدقيني ما تدرين يمكن ربي كاتبلك نصيب احسن من باقي البنات
عليك بقيام الليل وسورة البقره
والله يرزقك ان شاءالله

 

[Johnson]

شفتي الحين انتي مو عاجبج حالج ... شفتي اللي ينخطبون لاعت جبودهم من الناس اللي كل شوي متكلمين ويايين يشوفون البنات ويروحون لا حس ولا خبر
واللي يتكلمون ويسكتون ما يكملون الموضوع ... واللي انخطبت وتأملت وحطت احلام واخترب كل شي بتعيييييييش باكتئاب طول عمرها .. انتي الحمدالله احسن منهم ,, ماتدرين ربي كاتب لج نصيبج بيووم وليله وكل شي يصير بسرعه ...
وتوج باول العمر وباعلكس هذا عمررررر الزواج ...
انتي حاولي تطلعين اكثر منها تونسين نفسج منها الناس تشوفج يمكن انتي بيتوتيه ...
والله يرزقنا ويرزقج امين ياااااااااااااااااارب
وامج بصراحه تصرفها ما حبيته ... يمكن افهمت قصدتج غلـط لا تلومينها ...

 

[خالة رغد]

الله يرزقج بالزوج اللي يسعدج

 

[شيخة الهاجري]

الله يرزقك بالي تتمنين
صدقيني ربي له حكمه في هالشي
واكيد يختارلك الاحسن
موشرط كل البنات نفس بعض ينخطبون ويتزوجون بنفس السن
كل وحده لها تاريخ معين تتزوج فيه
عادي حالتك طبيعيه جدا كثيررر مثلك لاتحسبين نفسك وحيده
اصلا بهالزمن الزواج يتاخر عن اول بكثير
واحمدي ربك فيه بنات بسنك مطلقات الله يكون بعون الجميع يعني انتي شوفي الي بحالة غير عنك
ومو اي وحده متزوجه مستانسه
الكل مهموم وضايق بهالدنيا (خلق الإنسان في كبد)

لاتنسين الاستغفار الكثيرررررر والله ان مفعوله عجيب ورائع يكثر المال ويصلح الحال ويغفر الذنوب وش تبين اكثر من كذا
احس الي ماتستغفر اعظم مسكينه يعني بيدها شي يسعدها وماتسويه

حافظي عالصلوات بوقتها ولاتتركين قيام الليل ولو ركعه وحده قبل تنامين والله تصيرر معجزات بحياتك تنبهرين منها
لان ربي كرييييييييييم وعظيم بس مشكلتنا نفكر المخلوقات وننسى الخالق
الله يرحمنا برحمته

 

[جــــود]

شوفي حبيبتي مشكلتج سهله وتصرف امج يمكن من حرتها لما شافتج تبجين قالت هالكلام يعني مو قصدها
ترى انا بعمرج بالضبط وقبل جم شهر كان عرسي بس سبحان الله ماتم العرس انفصلت ظلم
يعني ملجه وبعدها انفصال وكان كل شي محدد
بس هالشي ماحبطني ابدا خلاني قويه اكثر قلت سبحان الله خيره
وعندي ثقه عجييييبه ان ربي راح يعوضني غير هالشخص افضل منه بواااايد
عشان جذي ياحبيبتي خلي ثقتج بالله كبييييره وبتشوفين الله بيرزقج النصيب الزين
اللهم امين

 

[قاهره عذالي]

انا عندي لج خطه استراتيجيه

انتي زيدي العلاقات الاجتماعيه مع الناس

زوريهم هاديهم بالمناسبات اعزمي رفيجاتج

وزوريهم وكل عرس طبيه وارقصي

وخلج اجتماعيه اكثر

ثاني شي حبيبتي

عليج بالصلاة والدعاء

لان ربنا هو الرازق المعطي

لحي على ربج بالدعاء بالزوج الصالح

وربي يوسعها عليج

 

[kuwait_queen82]

يمكن صح كلام جود انه امج من حرته عليج ماتبيج تبجين و هذا امج مهما كان صرخت و الا زفت و مراح تقدرين اتغيرينها
اما سالفه الزواج وعمرج 24 و داشه بال 25 انا عمري 28 و داشه بال29 و للحين مو متزوجه و ماقعد ابجي و الا انقهر ليش ماتزوجت و الزواج والله العظيم مو حاطته هدف اساسي في حياتي كل همي اشلون اطور نفسي استغل وقتي يا اقرى كتاب يادش دورات او نادي و بعض المرات اخذ خالاتي و انسافر انغير جو و حاليا في مشروع اكمل ادراستي باذن الله

لاتزعلين من الكلام انتي نفس الي حاكره نفسج ابقوقعه وو موقادر اتفكرين ابشي ثاني غير الزواج و العيال و الحياة ماتوقف عند شي معين الحياة تستمر و الوقت يروح يعني انا بقعد 24 ساعهو شهور و اسنسين تمر وانا حاطه ايدي على خدي و انطر الريل و ماياني احد يدق الباب انزين لي متى ؟؟؟ عقب باجر هل الوقت الي تبجين فيه على ريل اتمنينه انج استثمرتيه بدراسه او تعلمتي هوايه او
سويتي عمل تطوعي ينفعج و حاولي اطورين منفسج حاولي اتشوفينج هوايه اتحبينه و اذا تحبين الياهل ايب اعيال خواتج او خوانج استانسي معاهم و اذا ماعندكم يهال بالبيت خصصيج يوم بالاسبوع اشتري العاب او شي و روحي دار الايتام قعدي معاهم ساعه او نص ساعه ونسيهم و استانسي معاهم منه اجر و منه طلعتي من القعوعه الي انتي فيها:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[!i! ڣڕٱۈڷہ !i!]

كويت كوين كلآمها عين العقل وربــي ..

لاتخلين الزواج شغلك الشاغل بحياتك .. اوك تمني بس ادعي ربك ..
.. ومانيل المطالب بالتمني.. ولكن تؤخذ الدنيا غلابا ..

ادعي .. ولاتنسين أهم شي الاستغفاااااااااااااار

(( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ))

واظبي واظبي واظبي ع الاستغفاااااار ..


وإذا قدرتي تصلين صلاة الليل أو ركعتين بنية قضاء الحاجة والزواج .. أحسسسن وأحسسسن


" والله يرزقك الزوج الصالح ياااارب الي يسعدك وتسعدينه قولي آميــــــن "

 

[أتراب]

حبيبتي زهراء امج لما عصبت عليج
ما كانت تبيج تفكرين بهالموضوع وتكدرين
خاطرج بس اكيد هي تدعي لج بالزواج في مكنون نفسها
وترى في بنات وايد يتأخر نصيبهم لحكمه الهيه
وان شاء الله نصيبج بالطريق يايي والله يسر امرج
ومايي رمضان الا ونتي مخطوبه​

 

[فانتا ستروبري]

الله يكتب لج الزوج الصالح يارب وتترسين البيت عيال =)​

 

[(ناعم العود)]

ليش صارحتي امج

امج فهمتج قلط

 

[زهراء 24]

مشكورين كل البنات اللي ردو ودعولي
الله يوفقكم ويحقق اللي بالكم​

 

[(*ام عهــــد *)]

الله يرزقج بالزوج الصالح

 

[> Miss M6ereiah <]

شوفي حبيبتي مشكلتج سهله وتصرف امج يمكن من حرتها لما شافتج تبجين قالت هالكلام يعني مو قصدها
ترى انا بعمرج بالضبط وقبل جم شهر كان عرسي بس سبحان الله ماتم العرس انفصلت ظلم
يعني ملجه وبعدها انفصال وكان كل شي محدد
بس هالشي ماحبطني ابدا خلاني قويه اكثر قلت سبحان الله خيره
وعندي ثقه عجييييبه ان ربي راح يعوضني غير هالشخص افضل منه بواااايد
عشان جذي ياحبيبتي خلي ثقتج بالله كبييييره وبتشوفين الله بيرزقج النصيب الزين
اللهم امين

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

 

[wujud]

زهوره حبووبه
ادعي ربج وقعدي على السياده ودعي
وكثري استغفار وسوره البقره
وفي ادعيا وااايد اضن تعرفينها
اقريها وكثري منها
وهشي عن تجربه

 

[gannan99]

حبيبتي توك صغيرة العمر قداامك
اللة يرقك باللي تتمنية

 

[♥ SWeeRa ♥]

ليش عمرج 40 سنه ..!!

حبوبه اعرف 2 تزوجو واعمارهم فوق 35 سنه
بناااااااااااااااااات وتزوجو عيال عمهم
واللي تزوجوهم مو متزوجين ولا مطلقين ولا ارامل
واكبر منهم بسنه

خوات خذوو اخووووااااااااان
شوفي النصيب حبيبتي
على قولة امهم
تقول لو ادري ان عيال عمهم من نصيبهم زوجتهم من زمان
بس ماتدرين شالخيره بالموضوع

يعني يمكن لو متزوجين من قبل صارت مشاكل وبلاوي لهم




واعرف وحده عمرها 34 تزوجت واحد له مركز وددارس برا وله مركزه ماشاء الله
واكبر منها بسنتين

وزوجها مو متزوج قبلها



يعني ياقلبي اذا لج نصيب بالدنيا بتاخذينه يالغلاا