حياكم بنات حابه افضفض شوي

[malte]

انا 24
امي عكس امج
بقولج شلون عشان تعرفين النعمة الي انتي فيها
امي كل ماتشوفني تسألني انتي ماتبين تعرسسين؟
مالج خاطر بالعرس جذي تبطها بويهي
تخيلي لمن تشوفني قاعده بغرفتي وضايق خلقي اتقولي شفيج تبين تتزوجين؟
لمن تشوفني ابجي تقول شحقه ضايق خلقج لايكون تبين تعرسين
احس لااااااااااااااااااااااعت جبدي
انا اقولها يايمه مابي ريال يذلني خلني معززه مكرمه عندكم ترد تقول الله لايواخذج استغفري :eh_s(14):
لمن اطبع لها اوراق او اخدمها بشي اتقول متى تعرسين وتفرحيني
والله نفسيتي تعبت ابيهاتنسى الموضوع هذا كلشششش تشيله من بالها
كله اقولها يمه ماتهون علي نفسي اقطها عندريال وباجر يذلني ويهين كرامتي
اتقول استغفري ومادري شنو :rgewrg:
المهم حبيبتي انتي على بالج المتزوجات مستانسين لايبه مشاكل وعوار راس مابين الريل واليهال دشي قسم الزوجيه بتعوفين صنف الرياييل بكبره
والله احنا بنعمه بس ماراح اتحسين فيها الالمن تفقدينها
ديماً خلي على لسانج كلمة الحمدلله انتي بخير ونعمه ترى
وسعي صدرج واشغلي نفسج بشي فديتج والي الله كاتبه بيصير:eh_s(7):

 

[amoona89]

امج يمكن لانها ماتبي تبين لج انها هم متضاايقه من هالشغله علشاان جذيه هبت فييج
مااعليه النصييب بيجي ان شااء الله بس انتي لاتحكرين نفسج خليج اجتمااعيه اكثر
واكثري من الاستغفاار وتصدقي وادعي
وعسى ربي يرزقج بالرجل الصااالح ويرزق جمييع بنات المسلمين
​

 

[زهراء 24]

يسلموو بنات فديتكم مشكورين :eh_s(7):
الله يرزقنا ويرزق كل بنات المنتدى​

 

[dalo0oa121]

مو شرط تزوجين اول وحده ومثل ماقالوا البنات خيرة ماتدرين

ان شاء الله تتيسريين وتبشرينا بزواجج وتفائلي وعليج بالدعاء والاستغفار بالرخاء والشدة

 

[A PINK]

وييي اشتبين بالزوااج ويييع ياكرهى حقه زوواااج مووو كل شي ترري انا اقول اهتمى ابنفسج واللى الله كاتبه بيصير ولا تحاتين ولا اتفكرين والله يمكن خيييره صدقينى والله يرزقج الزووواااج الصالحه اللى اتحبينه ويحبج ويمووت فيج واتيبين بيبي عنوووون واتعيشين حيااتج مثل ماتتمنين ياااقلبى لا تضايقين كل واااحد نصييبه وان شاء الله ييلج الزوااااج اللى تبينه بنااات كل وااحد راح ييله زوواااج حتى لووو كانت محبوووسه بالبيت ييلج يعنى ييلج ههههههه <<<< غصب يعنى لوووول ..... بس ليش اتقولين حق امج الصج قولى حقها متضايقه اي شي ثاني الحين فهمت غلط امج بس يلا عاد مو مشكله ماصار الا الخييير ياعمري

 

[الندى الجريح]

توج بعمر الزهور لاحقه على الشقا والتوافيق من رب العالمين

 

[برستيجي مآركة]

الله يرزقج ويرزق الجميع باللي يستاهلهم ويقدرهم..
ولاتستعجلين على رزقج يابنية اللي ربي كاتبه بيصير ودوام الحال من المحال..
والبنات كفوا ووفوا..

 

[حبيبي وبس]

الله يحقق لك اللي فب بالك

 

[قلب عصوبه]

حبيبتي ...صدقيني ربي ماياخر شي الا فيها خيييره ...

وخليك واثقه بربي وربك انه بيرزقك بعد طول الفتره الزوج الصااالح ..

ولايكون تفكيرك محدود على الزواج لان بهالوقت مو كل شي هووو ..

صح كل وحده تتمنى تتزوج بس مو هذا محور حياتها لان الحين كثير اشياء مهمه وتقدرين تسوينها ..

فدييتك بس ..
​

 

[Leila]

الله يرزقك الزوج الصالح ان شاااءالله

 

[FeShinGoOo]

الله يرزفج بالانسان المؤمن الصالح اللي يخاف ربه فيج ويحطج بعيونه

 

[رشا القصيم]

لا يالغـــــــلا ماهو غلط ولاهوو عيب اللي سويتيه
بس انتي تعرفين ان امهاتنا شوي متحجرين اقصد ان عيب البنت تتكلم بهالسوالف قدامهم.....
قولي آمييييييييييييين ان شاء الله تنخطبين بعد رمضان وبعده بشهر تتزوجين وتكونين اسره وتتحققين اللي ببالك كله

 

[شذى2007]

ياقلبي انتي توووج صغيره شالكلام هذا وثانيااا مو حلوووه تقولين لامج ولا اي شخص انج متضايقه من هالسبب مهماااا كان احس عيب وثانيا محد بيده شي بس جذي تفشلين نفسج اقوول تقربي من ربج وادعيه الله يرزقج

 

[روان_الكويت]

انشالله تزوجين يارب بأسرع وقت ويكون زوجك انسان صالح وفالح
ورمضان عالابواب ادعي انه الله يرزقك عاجلا

وروحي عروس هزائم مناسبات عشان يشوفونج ويذكرونج

 

[ana mo ana]

الله يوفقش ويرزقش

 

[عبير العنزي]

عادي حياتي لاتتضايقين

وايد امهات جذي يشوفون هالشي عيب وفشله البنت تتحجى فيه

بينما البنت تنتظر من امها كلمه حلوه او دعوه طيبه..بس اكيد انسامحهم لانهمم يحبونا ويتمنون لنا كل خير لكن شنسوي بعد هذا تفكيرهم

بعدين شدعوا حياتي بعدج صغيره

وان شاء الله رب العالمين كاتب لج احسن نصيب

عليج بالدعاء والاستغفار وقراءة القرآن..وكل ماتفكرين بموضوع الزواج قولي ( فرج الله قريب )

بالتوفيق