حياكم لاتطلون دخلو شوي

[hotchocolatee]

السلام عليكم ورجمه الله وبركاته
انا حابه اشوف شنو سلبياتنا وايجابياتنا بتعاملنا مع بعض ...يعني بما انه محد يعرف الثاني بالمنتدى
شرايكم كل وحدة تذكر ايجابيات وسلبيات المعلمه اللي معاها بالفصل من غير تجريح او سب لا بس عشان نشوف يمكن فيه شي احنا نقدر نتعلم من ...يالله ماراح ياخذ من وقتج شي خصوصا انه راح نستفيد كلنا جذي لان بطبع الحال الانسان مايشوف عيوبه بس غيره

اولا :المعلمه اللي معاي للامانه هادئه جدا وخدومه حيل بس يمكن يضايقني احيانا انها تحاول تذكرني بشغلي ...واهو اساسا يكون جاهز بس لقافه منها تتحجى ولا قدام المدرسات بالرغم اني مجهزته بس خاشته بالخزن او درج اوغيرة وكله اقول لها خالص بس ماكوفايدة ...اغراضها للخبرات كامله
بس للامانه اهي طيبه يعني من باب التذكير فقط
عيوبي :انا حيل حساسه يمكن بتعاملي مع الابلات ودايما اشك بنفسي لو مافيني اللي يقولونه حتى لو متاكدة 100بالميه بس الوسواس اقشر......اغراضي للخبرات كامله واحب اجهز الدرس لو مولي احس تعودت

 

[عهود الحب]

الي معاي عسل و تهبل
بس مكبرة المخدة وكله غايبة
والشغل كله فوق راسي
تعبت ومليت
ومر علي مكملات اشكال واصناف
بس ارتحت لهذي لأنها محترمة عالاقل وتسلم بنفسية حلوة


انا ما احب الي تعامل زميلتها بالصف كأنها شريجتها
ودامها محترمتني انا متحملة الوضع رغم انه كل شي على راسي من الى

ذكرتيني بمصيبتي اللحين اطقها بجية

 

[* @ * كرستال * @ *]

مكملتي وتوابعها من الزميلات عندهم تلبية طلبات الادارة 100 %
بالمقابل عطاءهم بالفصل 40 %
كافي رضا الإدارة عنها ـ بالفصل يا غافلين لكم الله أهم شي عندها الواجهة الأمامية
لكن من ناحية العلاقة بيني وبينها فلله الحمد ميسرة أمورنا
وخلها تتميلق للادارة ما يهمني الا إذا أديت وظيفتي على أكمل وجه و أكون أنا راضية عن نفسي
شكووو انا فيها ​

 

[ام سكنة]

انا اللي معاي شي موطبيعي
اليوم اللي عليها حلقة يا تغيب يا تستاذن
والاركان ما تدري عنها كل انا اللي احطها
والمصيبة معطينها اعمال ممتازة
والله يابنات ما يدرس الاطفال الا انا
والمدح لها

والله شي يحر ويقهر :fun22:

 

[hotchocolatee]

وين الباقي ... خلونا نشوف

 

[جبروت امرأة]

السلام عليكم أبلات
أنا إللي معاي بالصف حليوه وهادية لكن مشكلتها إنها ماتحترم أوقات الغير ودايما تتأخر علي لأنها قاعدة تسولف وماتبي تقطع السالفة ، ثاني شي ماترد على إتصالاتي حتى لوكان شغل مشترك بيننا أو التحضير ماخلص وكل تتعذر ولدي مريض وزوجي بالمستشفى . . . . . . . . . . . وكله أعذار في أعذار

أما أنا عندي تقديس للعمل بشكل موطبيعي وهذا إللي مخليني أحس إنها مومهتمة في بعض الأوقات لأن في نظري الطفل هو الأساس في الروضة وإحنا موجودين عشانه .....:]​

 

[جبــرني اتركــه]

اب اب