خاااايفه حيييل وابي فزعتكم؟؟

[ام صاالح]

اشلونكم بنات
انا بجر وتوني داشه الثامن وامس كانت مراجعتي والدكتور خوفني حييل وقال ان البيبي نازل بالمقعده وراسه فوق وقال لازم عملية قيصريه
وطلبت منه انه يحاول يفر البيبي او يسوي اي شي بس اصر وقال لازم قيصريه
وانا عن جد خايفه
يعني البيبي بالشهر الثامن مستحيل يغير وضعيته؟
وشنو الحل بنات والله ماني قادره انام لاني مابي عمليه ودي طبيعي
شنو الحل؟؟​

 

[هيونه.المزيونه]

الله يسهل عليج

روحي حق دكتور ثاني ما عليج منه

انصحج تروحين حق الدكتور اشرف مرسي بالسيف وانشالله يقدر يفر البيبي

تو الناس على الولاده انتي بالثامن

 

[لولو أبيض]

نصيحتي لج شوفيلج دكتور ثاني
ارشحلج بالمواساة دكتور جمال و دكتور حيان
الله يتمم عليج يا عمري

 

[ام صاالح]

تسلمون حبايبي
انا اراجع عند دكتور ناهض بالمواساة وكلمة الحق تنقال انه دكتور شاطر بس ليش مصر على العملية القيصريه؟؟
حتى ما كلف نفسه يفكر انه يفر البيبي

على طول قال عمليه!!!!!

 

[حرم_طيار]

الله يهون عليج حبوبه

 

[ام صاالح]

حرم طيار تسلمين يالغالية على الدعوه الحلوة

الله يهون علي وعلى كل الحوامل ويسهل ولاداتنا
اميييييييييييييييييييييييييين

 

[*Little**Angel*]

شوفي دكتور ثاني
واحبي وطولي بالسجود
والله يهون عليج ان شاء الله

 

[عـــزآآآآآهـ]

روحي لمحسن طلبه تخصص لف مواليد خخخخ

اقصد انه كان يلف بنات من جماعتنا وضع البيبي نفس وضعج والحمدلله ولدوا طبيعي

وعسى الله يهون عليج ويكتب لج اللي فيه الخير

 

[آهات الليل]

انصحج بمحسن طلبه معروف يفر اليهال يخلي راس البيبي تحت وانتي توج بالثمن يمكن البيبي يغير وضعه لاتحاتين
انتي احبي نفس اليهال كل يوم ربع ساعه الصبح وربع ساعه بليل وكثري سجوووووووووووووود وانشالله تولدين طبيعي
انصحج تغيرين الدكتور لان بيولدج قيصريه لان عرفت من كلامج انه مصر عرفتي

 

[ام صاالح]

يعطيكم الف الف عافية ومافصرتوا على نصايحكم الحلوة

 

[NauGhty nuRse]

لااا حبيبتي ما عليج منه
انتي توج بالثااااااامن وباقيلج شهر كاااااااااااااامل هذا اذا ما دشيتي العاشر لانج بجر

يارب تولدين ولاده طبيعيه وتقومين بسلامه

 

[Miss-_-Fl0wer]

حبيبتي انا انصحج انج تروحين حق د. محسن طلبة بالسلام مشالله واااايد وااايد شاطر
وحزه الصلاه لا تصلين على كرسي حاولي تسجدين بالارض فترة وبعدين قومي
والله انشالله اسهل عليج ياااااارب​

 

[غير كل الناس]

جربي انك تحبين

وروحي لمحسم طلبه بالسلام

 

[جـــواهر]

اشكره نصاب هالدكتور

خ يولي شكو يقرر ع كيفه

حبيبتي روحي محسن طلبه مثل ماقالو البنات وماجد الشمري بعد ممتاز بلف البيبي

بنت عمتي راحتله ولفلها البيبي بس بنتها راسها يابس يلفها وترجع تقعد يلفها وترجع تقعد

وبعدين عندج منيه للتاسع فيه امل يلف البيبي

وكثري حبي

 

[Om_Ksha]

تصدقين كنت بقولج عن حماتي نفس حالتج وابي اتذكر اسم الدكتووووووور وناسيه
هم اهيا كل ماتحمل الياهل مقلوب ويبيله لف.. ومع ردود البنااااااااااات عرفت انه الدكتور محسن طلبه لانه اهيا تولد بالسلام كل مره ..

فلا تستعيلين اخذي راي كذا دكتور والله يسهل عليج

 

[توته سعوديه]

الله يتتم عليك
وتولدين طبيعي وماتحتاجين العمليات

 

[_Pure_]

شوفي راي الدكتوره سلوى الرفاعي

لانها تقدر تولد طبيعي حتى لو الجنين بوضع المقعده
و تتجنب القيصريات ماشاءالله عليها

 

[_ظل الياسمين _]

توج داخله الثامن ويقولج جذيه صج ماعنده سالفه...

روحى للدكاتره اللى ذكروهوم البنات وعسى ربى يسهل عليج وعلى كل الحوامل يارب العالمين.

 

[om la6ofa]

روحي دكتور ثاني و الله يكتبلك الي فيه الخير

 

[خليفة العظماء]

ربي يهون عليج
وانا نفسج بجر وماعندي فكره
وعلى كلام البنات روحي لدكتور ثاني أحسن