الخدامة للتنظيف و غسل الملابس و الكوي ...
و تساعدني مع عيالي العصر ....
مو حاطة اليهال عندها على طول .....
اللي عندي فلبينية .... مسيحية ....
رايي فيها ....
1- جذابه .....
لان اول مايت عندي ... سألتها اذا عندها تليفون او لا ... قالت لي ان عندها بس طايح بالماي و خربان و الكرت اللي داخل ما يشتغل
انا ساكنة في بيت اهل زوجي .... وخدم اهل زوجي عندهم تليفونات علشان يدقون على عيالهم ....
انا ماعندي مشكلة بالتليفون ... بس حبيت اسألها علشان يكون عندي خبر ....
بعد يومين ... لما شافت ان عادي عندنا الخدامة عندها تليفون ... طلعت تليفونها وتكلمت فيه !!!
2- نظافتها بس نظافة شخصية .... تتسبح مرة او مرتين باليوم ... عمري ماشميت فيها ريحة مو حلوة ... بالعكس الكل يسأل عن كريماتها وعطوراتها ....
بس ولامرة شفتها تهتم بنظافة عيالي ....
مثلا .... اكون صاعدة عند اهل زوجي ... وهي تحت و بنتي نايمة ....
اقول لها .... خليج عندها
ماتسوي ولاشي وهي قاعده .... بس تقعد !
يعني ما تفكر ترتب الالعاب ... او تنسق الصالة .... او تمسح الغبار عن اي مكان .....
واذا بنتي قعدت ....
عادي تصعدها من غير ماتمشط شعرها او تبدل لها .... وبنتي عمرها 3 سنين ... يعني مو صغيره وايد ...
بس مع التكرار ... تعلمت شوي ....
وماكان عندها شي اسمه تنسيق بالملابس .....
البجايم ..... البنطلون لون و البلوزة لون .... مع اني اشتريهم اطقم .... مو قطعه قطعه ...
بس الحين بتكمل سنتين ... فـ تعلمت ... احسن من قبل الصراحة ...
3- هي متزوجة .... وعندها 5 عيال وااااااايد تحاتي دراستهم ... علشان جذي ماعندها خرابيط و بوي فريند واختها الكبيرة تشتغل بالكويت من زماااااااااااان ... فـ تخاف تزعل اختها بشي موزين
4- الصبح ... من الساعه 8 الى الساعه 11 .... تعدل وتمسح وتغسل الملابس .... والغسيل مرتين بالاسبوع ....
وبس ... ينتهي دوامها تقريبا !
ولما يرجعون عيالي من الحضانه ... تساعدني وتغير لهم وتبدل لهم .... وتقعد معاهم لحد ما اتغدا .... وتكون خدامة خالتي معاها
لانهم بس يرجعون من الحضانه ... ينامون ساعتين وبعدين يقعدون ويتغدون العصر
بعدين من الساعه 5 الى الساعه 10 بالليل .... اقعد معاها ومع اليهال ....
مو حنونة على اليهال ....
كل شوي تقول لهم no no no no
عيالي ما يشتكون منها ...
وماشفتها تمد ايدها عليهم ....
بس نااااااادر ما تلعب او تضحك معاهم ..
يعني
انا عندي قصص و دفاتر تلوين ....
ولامرة شفتها تقرا لهم قصة .... او تلون معاهم ... او تدرسهم .... الا جم مرة ينعدون عالاصابع
5- تنظيفها اي كلام .... وحتى ترتيبها ....
كل شي تخليه بمكانه .... نادر ما تشتغل بضمير ....
6- عينها على كل صغيره وكبيرة عندنا .... مع انها تطلع معانا ... وتاكل مثل ماناكل برا البيت .... و تاخذ اللي تبيه من الجمعية
7- معاشها 75 ... و تبي يصير معاشها 120 !!! لان السفارة مبلغتهم انها بتسوي عقود يديدة حق الفلبينيات ....
8- وايد تشتكتي انها ماسكة عيالي 24 ساعه
مع العلم اني قاعده بالبيت .... و عيالي بالحضانه ....
وما اطلع من غير عيالي ..... الا ناااااادر جدا
وخالتي وحماتي موجودين بالبيت ...
واذا صعدت اتغدا .... وصادف ان اليهال تحت مايبون يصعدون ....
خالتي تنزل خدامتها تحت ... علشان تساعد خدامتي مع اليهال ....
وبس يقعدون بالصالة و اشتغل التلفزيون و اعطيهم العابهم و الوانهم
بس للامانه ....
هي ناوية تسافر شهرين وترجع
وانا ابي ارجعها .... بس موضوع الـ 120 دينار يبيله تفكير ! لانه مو شوية الصراحة .... وهي مو شايله شقتي بالكامل
ماتطبخ .... ماتنظف عدل .... ما تجابل اليهال عدل .... واااااااااااايد تسرح ....
حتى لما اروح الجمعية
آخذها وآخذ بنتي اللي عمرها سنة معاي .....
لايمكن اخليها معاها .....
واطلع برا البيت اكثر من نص ساعه !
الا اذا بغيت اييب عيالي من الحضانه
بس الحين ناوية اطلب لي هندية ( من قاوا او كيرلا .... وتعرف انجليزي ) او سيلانية ( تعرف انجليزي )
لان خدامتي احتمال تروح وماترجع .... وااااااايد صارت
وللاسف مو محصله اللي ابيه لحد الحين
