((((خاطري اتبنى طفل )))))

[بدوردا الأموره]

السلام عليكم


راح ادش بالموضوع على طول لأنه باين من عنوانه


أنا خاطري اتبني طفل او طفله يتيم من الملجأ لأني احب الأطفال حيل واتمنى يكون عندي طفل اربيه

أنا عمري 24 سنه مو متزوجه بعد كم شهر راح استلم وظيقة وبصير موظفه وعندي دخل وراتب

أسرتنا ميسورة الحال يعني مافي مشكله عندي من ناحية المصاريف الماديه وخصوصا اني بعد بستلم وظيفة

أنا ابغى اخذ رايكم بالموضوع من كل النواحي ؟ يعني شرايكم بالتبني ؟ و افضل لي اتبني طفل او طفله ؟؟ مع اني خاطري اتبنى طفله ؟؟ وايش العمر المناسب للتبني يعني اخذ طفل توه مولود او طفل كبير شوي ويفهم

انا جلست أفكر في سالفة العمر لأن تفكيري راح للمدى البعيد انا قلت ممكن افضل اذا اخذت طفل يعرف حقيقته يعني يعرف انه متبنى و يتأقلم مع وضعه من الطفوله يعني من عمره 5 او 6 سنوات

أو اخذ طفل مولود يكون افضل ؟؟؟؟


وابغى اخذ فكره عن اطفال التبني المولدين يعني لما يكبر الطفل تعتقدون له الحق انه يعرف انه متبنى يعني لازم نقوله اذا كبر ؟؟

ياليت اللي عندهم متبنيين اطفال او يعرفون ناس متبنيين طفل يقولون تجاربهم ؟

وكيف إجراءات اخذ الطفل من الملجأ يعني لازم تكون البنت متزوجه عشان تاخذ طفل ؟؟

 

[بدوردا الأموره]

معقوله مافي وحده عندها اي فكره عن تبني الأطفال ؟؟؟

 

[بدوردا الأموره]

بنات مافي ولا وحده منكم تعرف ناس متبنيين طفل ما في اي تجاوب منكم للموضوع ؟؟

 

[قمر كويتي]

حبيبتي انتي توج صغيره عمرج 24؟
يعني العمر جدامج انج تتزوجين وتييبين عيالج ياقلبي
زين اذا تبنيتي طفل وبعدها تقدم لج شخص ويبي يتزوج ما اعتقد راح يوافق على هذي الفكره
وفرضا حتى لو وافق
وكنتي متبنية بنت ومع الايام كبرت زوجك مايحل عليها ؟؟؟
يعني عادي يقدر يتزوجها
لازم تتحجب عنه لازم تتغطي ؟؟؟؟؟؟؟؟؟؟؟؟؟؟؟
واذا كان عندج اولاد اهي مايصير تكون اختهم ماراح يكون اسمها مثلهم ؟؟؟
الشيطان شاطر
واذا كان ولد الي راح تتبنينه انتي لي كبرتي بعد جم سنه واهو كبر انتي مايصير تتكشفين جدامه لان مو ولدج ولا يحل عليج؟؟؟؟
يعني راح تظلمينهم وتظلمين الي بياخذج
اذا انتي تحبين الخير ليش ماتتكفلين بمصروف يتيم بس

 

[سفيره الكويت]

تزوجي وشدي حيلج وييبي عيال واذا عندج مشكله بالانجاب فحاولي بالطب اذا ماقدرتي ذيك الساعه يصير خير وتو الناس على مثل

هالقرار

 

[لمعة السيف]

كلامج يدل على انج واااايد طيبه وحنونه
الله يستر عليج دنيا واخره

 

[بدوردا الأموره]

مشكورات بنات

بس انا ما افكر في موضوع الزواج يعني ما اقدمت على فكرة التبني الا لأني ما افكر بموضوع الزواج

الزواج احين صعب من كل النواحي انتي عندج شروط في اخلاق الريال والريال عنده شروط في شكلج و اهل الريال يتشرطون بعد

وانا مامره انخطبت و لا راح اوافق على اي احد وفي نفس الوقت احب الاطفال واتمنى يكون عندي طفل و لا ابغى اخسر شعور الامومه عشان شروط رياييل واهلهم يعني انتم عارفين شروط الناس ماله داعي اقول

عشان جذي استبعد فكرة الزواج وفي نفس الوقت ابغى اصير أم والأم مو اللي تولد الام اللي تربي

فياليت اللي عندها فكرة عن إجراءات التبني تساعدني الله يجزيها خير ؟؟

 

[عادت ذكرياتي]

أب


أب

 

[دلوعة صلوح]

والله ماعندى فكرة بس الله يرزقج يارب العالمين.

 

[فوفو البنوته]

ما فيه شي اسمه ابي اكون الام الي تربي مو الي تولد
يابنت لازم تتزوجين هذي سنه الحياة
انا امووووت على الياهال اموووت فيهم
بالاخص الصبيان بس مستحيل افكر اتبنا الا بحاله وحدة!
اذا كان اخر اخخخر حلولي اخخخر شي يعني حتى طفل انبوب ما يصير
بس حتى ولو فكري يبتي ولد يكبر وما يصير تشوفين ويهه
يبتي بنت ما يصير اخوج/ابوج يشوفونها لانه يجوز تتزوجهم
لازم تفكرين بالمده الطويل والصورة الكبيرة مو
تفكرين بس للمده القصير والصورة الصغيرة

 

[ليـن الـِورد]

حبيبتي انتي توج صغيره عمرج 24؟
يعني العمر جدامج انج تتزوجين وتييبين عيالج ياقلبي
زين اذا تبنيتي طفل وبعدها تقدم لج شخص ويبي يتزوج ما اعتقد راح يوافق على هذي الفكره
وفرضا حتى لو وافق
وكنتي متبنية بنت ومع الايام كبرت زوجك مايحل عليها ؟؟؟
يعني عادي يقدر يتزوجها
لازم تتحجب عنه لازم تتغطي ؟؟؟؟؟؟؟؟؟؟؟؟؟؟؟
واذا كان عندج اولاد اهي مايصير تكون اختهم ماراح يكون اسمها مثلهم ؟؟؟
الشيطان شاطر
واذا كان ولد الي راح تتبنينه انتي لي كبرتي بعد جم سنه واهو كبر انتي مايصير تتكشفين جدامه لان مو ولدج ولا يحل عليج؟؟؟؟
يعني راح تظلمينهم وتظلمين الي بياخذج
اذا انتي تحبين الخير ليش ماتتكفلين بمصروف يتيم بس

انا معاااهاا كلمه بكلمه :rerrerek:

 

[لمى...]

من ناحية انج بتتبنين طفل صراحة مااقدر اقول لا لانه خير وماأمنع من الخير

بالعكس ياحظج بهالأجر وطول عمري كان عندي هالهاجس بس لما كبرت وكبرت المسؤوليات حسيت اني ماأقدر

اعرف وحدة تصيرلي كفلت يتيم في بيتها من لما كان عمره شهر والحين عمره 6 سنوات مأقلمته مع وضعه شوي شوي

وووووووووووووووووايد تحبه وااااااااااااايد يحبها وتقول لو اجيب عشر عيال مأتخلى عنه ولا احبهم اكثر منه


اما من ناحية كلامج عن الزواج صراحة غريب يعني شنو الناس لهم شروط وشروطهم صعبه حبيبتي الناس اجناس

وتفكير الناس يختلف عن بعض واذا انتي واجهتي ناس بحياتج لهم شروط ولهم قوانين صعبه في غيرهم واااايد صدقيني

لاتفقدين الأمل ولاترفضين بدون سبب وتقطعين نصيبج ..............

والله يوفقج ويكتب لج اللي فيه خير لج

 

[mafio98]

اذا انتي من الكويت فالشروط صعبه واعتقد من بين الشروط انج تكونين متزوجه وماعندج القدرة علانجاب

اما تبين بنت او ولد فلافضل بنت لان الولد اذا كبر مايعتبر من محارمج و لازم تتحجبين عنه


العمر المناسب بما انج صغيره وماجربتي الامومه فانا افضل عمر٣ سنين مناسب ولازم تفهمينها شنو وضعها



والله يكتب لج اللي في الخير

 

[دمعه ملاك]

حبيبتي انتي توج صغيره عمرج 24؟
يعني العمر جدامج انج تتزوجين وتييبين عيالج ياقلبي
زين اذا تبنيتي طفل وبعدها تقدم لج شخص ويبي يتزوج ما اعتقد راح يوافق على هذي الفكره
وفرضا حتى لو وافق
وكنتي متبنية بنت ومع الايام كبرت زوجك مايحل عليها ؟؟؟
يعني عادي يقدر يتزوجها
لازم تتحجب عنه لازم تتغطي ؟؟؟؟؟؟؟؟؟؟؟؟؟؟؟
واذا كان عندج اولاد اهي مايصير تكون اختهم ماراح يكون اسمها مثلهم ؟؟؟
الشيطان شاطر
واذا كان ولد الي راح تتبنينه انتي لي كبرتي بعد جم سنه واهو كبر انتي مايصير تتكشفين جدامه لان مو ولدج ولا يحل عليج؟؟؟؟
يعني راح تظلمينهم وتظلمين الي بياخذج
اذا انتي تحبين الخير ليش ماتتكفلين بمصروف يتيم بس

نفس رايي

كلامها صحيح :rerrerek:

 

[amal ksa]

اعتقد يمديك تكفلين يتيم اويتيمه وهم ببيت اهلهم وان شاءالله تاخذين الاجر ودايم زوري دار الايتام وتبرعي لهم
وساعديهم بس مااعتقد يمديك تتبنين لازم تكونين متزوجه على مااعتقد
اممم واذا تبنيتي شلون بتتزوجين حنا مجتمعنا غير الدول الاوروبيه فكري من هل ناحيه وفكري الناس وش بتقول
وان شاءالله ربي يرزقك الزوج الصالح يارب والذريه الصالحه
وفيه ناس متزوجن وعندهم عيال ومتبنين اطفال بعد
مدري بس قرارك احس صعب استشيري اهلك فيه وفكري بكلامي اللي بالبدايه
الله يوفقك

 

[بدوردا الأموره]

اذا انتي من الكويت فالشروط صعبه واعتقد من بين الشروط انج تكونين متزوجه وماعندج القدرة علانجاب

اما تبين بنت او ولد فلافضل بنت لان الولد اذا كبر مايعتبر من محارمج و لازم تتحجبين عنه


العمر المناسب بما انج صغيره وماجربتي الامومه فانا افضل عمر٣ سنين مناسب ولازم تفهمينها شنو وضعها



والله يكتب لج اللي في الخير

هذا الشرط اللي مخوفني لازم متزوجه يعني انا ابي انحاش من الزواج ويحطونه شرط

مسألة انه بنت او ولد اعتقد مالها شروط لأني اعرف حرمه كبيره عندها عيال و تزوجوا بعدها راحت تبنت ولد بس انا ما اعرف عنها وايد

بس ممكن اذا كنت مربيته ما اتحجب عنه لأنه في حكم ان المرأه اذا تزوجت وكان عندها بنت صغيره من ريال سابق فتعتبر بنتها بالنسبه لزوجها اليديد ربيبه يعني مربيها و ماتحل ان يتزوجها فيمكن نفس الحجي ينطبق عن الولد الله أعلم

الايه (وربائبكم اللاتي في حجوركم من نسائكم اللاتي دخلتم بهن)

بس المتبني مدري اذا ينطبق عليه الحكم الله اعلم

 

[أم شيــ@وخة]

حرام عليكم بنات البنت تبي الاجر وانتو سويتولها افلام
اختي انا مثل حالتج صج صج خاطري بحضانة ياهل من دار الايتام
وانا على فكره متزوجه وعندي بنوته اسم الله عليها بس هم بخاطري بياهل من دار الايتام لانهم صج يحناجون حق حنان الاسره اكثر من اي شي ثاني
بس في عندهم شروط والي اعرفه منهم ان لازم تكونين متزوجة بحيث تهيئين الجو الاسري حقه وان ما يكون في مشاكل ولازم العمر فوق ٣٠ سنة وان توفرين لهم
المكان الزين للعيش معاج مثل غرفه خاصه وغيرها

واذا ماتنطبق عليج هالشروط تقدرين تتطوعين وتشتغلين معاهم بدور الرعاية دام انج للحين ما اشتغلتي .

 

[LadY BuG 80]

الله يكتب لك اجره حتى لو ما تبنيتي ...

نفس تفكيري يوم كنت بنيه و عمري 16 و حلمي اتبنا ايتام و لاني عايشه في كندا قلت باخذ اشقر و واحد صيني و واحد اسود المهم من كل قاره لون ههههههه عشان اربيهم على الاسلام و يطلعون اخوان ههههههههههه بسوي واي ام سي ايه


.. و مو لأني ما كنت ناويه اتزوج ... لاني متروسه عواطف

و حسيت لو تزوجت و خلفت عواطفي بتفيظ عليهم ههههههههههه

و هم احب الخير و الاطفال نقطت ضعفي

و الحين تزوجت مطلق و عنده 4 ( 2 اولاد و 2 بنات ... و جبت منه 3 .. بنتين و ولد ) يعني اربي 7 عيالنا و الحمدلله يموتون علي كلهم و الله عطاني على قد نيتي

لانه حلمي كان صعب بذات الالوان الي كنت ابيها هههههههههههه

و فرغت عاطفتي فيهم السبعه فديتهم الله لا يحرمني منهم ,,

و يعطيكي على قد نيتك يا رب​

 

[بدوردا الأموره]

حرام عليكم بنات البنت تبي الاجر وانتو سويتولها افلام
اختي انا مثل حالتج صج صج خاطري بحضانة ياهل من دار الايتام
وانا على فكره متزوجه وعندي بنوته اسم الله عليها بس هم بخاطري بياهل من دار الايتام لانهم صج يحناجون حق حنان الاسره اكثر من اي شي ثاني
بس في عندهم شروط والي اعرفه منهم ان لازم تكونين متزوجة بحيث تهيئين الجو الاسري حقه وان ما يكون في مشاكل ولازم العمر فوق ٣٠ سنة وان توفرين لهم
المكان الزين للعيش معاج مثل غرفه خاصه وغيرها

واذا ماتنطبق عليج هالشروط تقدرين تتطوعين وتشتغلين معاهم بدور الرعاية دام انج للحين ما اشتغلتي .

من صجج لازم متزوجه وفوق30 سنه متأكده من شرط العمر ؟؟

ليه حاطين شروط تعجيزيه يعني ماتعرف تصير أم الا متزوجه وفوق ثلاثين

هالشرط حاشني اكتئاب منه وخيبه امل :eh_s(2): بس يمكن يسمحون لي لو اصريت عليهم وشافوني جاده وصادقه في الموضوع ماله داعي هالشروط

 

[نونو العصله]

باجر ذا كبرتي بتمين وحيده
والبنت او الولد يتربينهم
اكيد بيكبرون و يتزوجون


الله يعطيج على قد نيتج

الزواج سنة الحياة
بتزوجين و يتخلفين عيال