((((خاطري اتبنى طفل )))))

[*جبرني الوقت*]

والله التاس ماترحم والحمدلله الكويت موفرة كل شي وبالنسبه لوتربينه وانتي بالعمر باجر ياكلونج الناس بالحجي ويقولون هذا ولدها بالحرام وترقع بنفسها
تزوجي واحملي وولدي
التربيه موسهله لاحقه لاحقه علي التربيه
واذا في بالج تربين اخذي ولد اختج او بنت اخوج وربيهم يكونون ساكنين بالبيت معاج والله يجزاج خير
وسامحوني كلامي قاسي بس الناس ماترحم هالايام وخاصة مجتمعنا



وشكراااااا

 

[SihamBoresli]

ليش ما تتطوعين في دور الرعايه

 

[Mjnont '3lay]

الشروط :
تكون كويتيه
تودي معاها شهادة راتب
متوفر عندها السكن المناسب
متزوجه فقط
كبيره في السن 30 وفوق
عقيم
في حال توافرت كل هالشروط ممنوع نسب اللقيط لأي عايله ثانيه غير اللي موجوده بالملف بدار الرعايه
وفي الدين التبني حرامـ < يعني تنسبين اللقيط لاسمج الرسمي
بس تجوز الكفاله < يعني تاخذينه تربينه بس مو تنسبينه لج
واكيد رح يزورونج الشؤؤن بين فتره وفتره يشوفون مدى اهتمامج بالطفل وطريقة المعيشه اللي عايش فيها ويكتبون تقرير
ولازم الرضاعه عشان يصير او تصير من محارمكم يعني اختج او مرت اخوج او اي وحده ترضعه من حليبها ولازم زوج اختج او اخوج يوافق بالرضاعه لانه يعتبر ابو اللقيط او اللقيطه
ولازم لمن تكبر شوي تفهمينها الموضوع عشان ما تدري من بره وتنصدم او تتغير حالتها النفسيه وتأثر على حياتها معاج
واستخيري احسن وفكري عددددل لانه الموضوع شوي صعب والله يكتب اللي فيه الخير

 

[بدوردا الأموره]

والله التاس ماترحم والحمدلله الكويت موفرة كل شي وبالنسبه لوتربينه وانتي بالعمر باجر ياكلونج الناس بالحجي ويقولون هذا ولدها بالحرام وترقع بنفسها
تزوجي واحملي وولدي
التربيه موسهله لاحقه لاحقه علي التربيه
واذا في بالج تربين اخذي ولد اختج او بنت اخوج وربيهم يكونون ساكنين بالبيت معاج والله يجزاج خير
وسامحوني كلامي قاسي بس الناس ماترحم هالايام وخاصة مجتمعنا



وشكراااااا

والله يا اختي الناس ماترحم في كل الحالات ودايما تفكيرهم سلبي يعني اذا تأخرتي بالزواج قالوا ماحد يبيها اكيدمو بنت و اذا رفضتي احد اخلاقه سيئه قالوا ماتبي تتزوج خايفه تنفضح و انا الان عندي رغبه يكون عندي طفل بيقولون ولدها خل يقولون انا ما يهمني حجي الناس لانه ماله اول ولا تالي ربي وحده يعرف الحق والزواج مالي يد فيه يعني اجلس انطر الرجل المثالي لين يروح عمري انا عندي رغبه يكون عندي طفل حتى لو بالتبني

 

[بدوردا الأموره]

ليش ما تتطوعين في دور الرعايه

ماابغى اتطوع ابغى اربي طفل يعيش معي و يكون مثل ولدي

 

[بدوردا الأموره]

الشروط :
تكون كويتيه
تودي معاها شهادة راتب
متوفر عندها السكن المناسب
متزوجه فقط
كبيره في السن 30 وفوق
عقيم
في حال توافرت كل هالشروط ممنوع نسب اللقيط لأي عايله ثانيه غير اللي موجوده بالملف بدار الرعايه
وفي الدين التبني حرامـ < يعني تنسبين اللقيط لاسمج الرسمي
بس تجوز الكفاله < يعني تاخذينه تربينه بس مو تنسبينه لج
واكيد رح يزورونج الشؤؤن بين فتره وفتره يشوفون مدى اهتمامج بالطفل وطريقة المعيشه اللي عايش فيها ويكتبون تقرير
ولازم الرضاعه عشان يصير او تصير من محارمكم يعني اختج او مرت اخوج او اي وحده ترضعه من حليبها ولازم زوج اختج او اخوج يوافق بالرضاعه لانه يعتبر ابو اللقيط او اللقيطه
ولازم لمن تكبر شوي تفهمينها الموضوع عشان ما تدري من بره وتنصدم او تتغير حالتها النفسيه وتأثر على حياتها معاج
واستخيري احسن وفكري عددددل لانه الموضوع شوي صعب والله يكتب اللي فيه الخير

طيب في حريم عندهم عيال متبنيين طفل مدري هالشروط يمكن مسجده

الشغل راح يكون عندي قريبا

وشرط العمر كلش ماله داعي لن فيه امها تحت 30

أنا اذا استلمت الوطيفه راح استفسر عن هالشروط بنفسي وانا شالله يوافقون

 

[نونو العصله]

انا ربيت بنت اختي من عمرها يوم
تعودت عليها
صارت ما تعرف امها
وتبجي اذا راحت لها
مفكرتني امها
وانا تعلقت فيها وايد وايد
اشم ريحتها في كل مكان في البيت
لدرجه اخر لبس كانت لابسته
محتفظه فيه
ما غسلته عشان ريحتها فيه
ويوم سافرت امها وخذتها معاها
احس روحي راحت معاها
وولحين صورتها في بالي
واتخيلها في كل لحظه

قلتلها خليها عندي واخذي توامها
زوجي ما رضى
يقول ابيج تفضين لي
ما ابي شي يشغلج

اللي بقوله انج لا تتعلقين بياهل وانتي مو ظامنه بعدين شيصير
انتي بتعذبين والياهل بعد

 

[^LILY^]

ما يجوز التبني بس يجوز كفالة يتيم

 

[Attractive]

ابي من صاحبة الموضوع اتبنة طفل ولا ؟؟؟؟؟؟؟؟؟؟؟؟؟




المهم شوفوي صفاء الفلكاوي ع اليوتيوب والاستقرام

 

[Attractive]

حلوة فكرة تبني طفل لانها رح تغير حياه انسان اذا كان عندها الامكانيه في ذالك ليش لا ولها اجر من ذالك

 

[Attractive]

خير بيوووت المسلمين بيت يحسن الى يتيم

 

[ليدي بجد]

مشاء الله تفكيرك واقعي فيه خير احسن من البنات الي يكتئبون وينطوون عشان الزواجمع انك صغيره تفكيرك كبير وايجابي مشاء الله


بالنسبه للسؤالك

اعتقد انك من السعوديه والتبني عندنا اسهل من الكويت بس ما اعرف شروطة


ممكن تبحثين بالنت او تروحين تسالين بنفسك


لكن انصحك تستني الوظيفه تمسكينها و تستقرين فيهاا


ممكن تشغلك ببدايه الامر وماتلاقين وقت


اهم شي احتسبي الأجر في تبنيك للطفل


من الان بحيث لو ما كتب ربي و ماااا تبنيتي طفل لأي سبب كان خارج عن أرادتك فاجرك مكتوب بإذن وكأنك ربيتي طفل يتيم طول حياتك فالاعمال بالنيات




والله اني اغبط كل مراءه او رجل اشوف او اعرف انه متبني رغم ان عندي اطفال. لكن التبني ..اجر عظيم وسعاده في الدنيا بانقاذك طفل من حياه الملاجئ التعيسة القاسيه وتغيير مستقبلهم للأفضل بإذن الله


وعلى فكره حتى الي عندهم اطفال ممكن يتبنون كثيير شفت حالات بالتلفزيون في السعوديه


أحييك من قلبي واتمنى لك التوفيق بحياتك

 

[shahad 88]

مشاركة الأصلية كتبت بواسطة قمر كويتي مشاهدة المشاركة
حبيبتي انتي توج صغيره عمرج 24؟
يعني العمر جدامج انج تتزوجين وتييبين عيالج ياقلبي
زين اذا تبنيتي طفل وبعدها تقدم لج شخص ويبي يتزوج ما اعتقد راح يوافق على هذي الفكره
وفرضا حتى لو وافق
وكنتي متبنية بنت ومع الايام كبرت زوجك مايحل عليها ؟؟؟
يعني عادي يقدر يتزوجها
لازم تتحجب عنه لازم تتغطي ؟؟؟؟؟؟؟؟؟؟؟؟؟؟؟
واذا كان عندج اولاد اهي مايصير تكون اختهم ماراح يكون اسمها مثلهم ؟؟؟
الشيطان شاطر
واذا كان ولد الي راح تتبنينه انتي لي كبرتي بعد جم سنه واهو كبر انتي مايصير تتكشفين جدامه لان مو ولدج ولا يحل عليج؟؟؟؟
يعني راح تظلمينهم وتظلمين الي بياخذج
اذا انتي تحبين الخير ليش ماتتكفلين بمصروف يتيم بس
















صح كلامها

 

[ياهم لدي رب]

تبني طفل مادياً وزوريها من فتره لفتره اما انه يعيش معاج ما اوافقج ابداً لانج راح تظلمينه وتعذبينه زود على يتمه لان البيت مو ملكج ومو شرط ان افراد المنزل جميعا يتقبلونه
هذا غير اذا تزوجتي يمكن انتي ماتقبلين وجوده وتعيشين في صراع بين تأنيب الضمير من ارجاعه وبين تربيته

اهنيج على حنية قلبج

ومن ناحية الزوج ادعي الله بصفاته وباذن الله يرزقج من حيث لاتحتسبين فالله قادر كريم جواد

 

[يستفزني غلاك]

حرام عليج تاخذين جاهل وانتي توج

نفترض الحين. اخذتي الجاهل و تعلق فيج و بعد كم سنه انخطبتي و تزوجتي




والجاهل ؟

 

[حدي متدلعه]

انتي صغيره ومتحمسه عالاطفال باكر لما بتتزوجين وتخلفين بتملين

ويمكن تصير مشاكل معه ومع اطفالك ومن هالسوالف احسن شي تكفلي ايتام يعني مثلا اكفلي 3 بتوخذي اجر

الفكره حلوه الله يوفقك

صحيح قبل لا انسى بالاسلام ما فيه انكط تسجلي اليتيم على اسمك يعني لازم يعرف انه متبنى الله اعلم شوفي فتاوي
الله يوفقك