خالتج نفس امج ؟

[الزيــALZAINــن]

رد : رد: خالتج نفس امج ؟

بالقران يقولون وجعلنا لكم امين وابين

الي اهم ام زوجج وابوه

وانا احسبها حسبه امي كـ احترام وحب

القران الكريم كلام الله -سبحانه و تعالى- ..

فباي حق تذكرين كلام خاطئ و تنسبينه لرب العباد ..

و اضيف من ينسب حديث لرسول الله وهو كاذب، فقد قال رسول -صلى الله عليه و سلم-:" من كذب عليَّ متعمداً فليتبؤا مقعده من النار"

فكيف سيكون جزاء الله بمن كذب عليه ؟؟

 

[انا لحبيبي .]

رد : خالتج نفس امج ؟

ماحد متل الام

بس بالفعل ازا صارت لي ام ليش ما اكون لها بنت؟

 

[بدون نيم]

لها احترامها بس ماتصف بصف امي
امي تحاتيني بكل زمان ومكان تغديت تعشيت نمت ارتحت ......زززالخ
ام زوجي مايهمها هالاشياء

 

[PuPa^^SWeeT]

فعلا اهيا مثل امي


امي حملت فيني و تعبت علي


واهيا تعبت على ريلي و اهيي اللي عطتنياه


والحمدلله انا عادتها امي و اهي عادتني بنتها

 

[FeShinGoOo]

احترامها ومكانتها نفس امي لان زوجي بالظبط يعامل امي باحترام امه

ماقولج الغلاة بالقلب متساويه لا بس من ناحيه المواجيب والاحترام اهي بحسبة الام بس اكيد ابدي امي علي بدون كلام

 

[أعرفك نفسي]

خالتي مو مثل امي اكيد
لان بعمري ما راح تعتبرني مثل بنتها
بس الاحترام واجب وصلة الرحم واجب ولازم تتحملينها عشان ريلج*

 

[engnera]

اكثر من امي

 

[๓ίşś зśŏłả..!]

اصابع ايدج مو سوى
في خالات ينحطون ع الجرح يبرى > وخالتي منهم
الله لا يغير عليهآ تعتبرني انا ومرت حماي نفس بناتها
وماعمري شفت منها شي وترى مهما حبيتي خالتج وعزيتها بتكبرين بعين ريلج بيحبج ويعزج
وما عليه حبيبتي تحملي اذا خالتج من هالنوعيه

 

[دهورتني يازين]

.. محد مثل الام .. الام غييييييييييير ,,,!!​

 

[ارقى عروسه]

احترمها و اقدرها


مستحيييل نفس امي لله يخليها لي

 

[Rawonah]

اذا كانت زينه بالتعامل معاي بحطها على راسي

 

[simply unique]

شوفي الصراحة انتي بتقولين اهي مثل امي بس مهما حبيتيها غلاة الام غير اهي اللي ربتج وتعبت عليج
بس هم احترامها من احترام الكبار بالسن ..
ودامج تحبين ريلج لازم تحبين اهله واولهم امه ..


اذا خالتج عسرة عامليها بالطيب واللين واهم شي طنشيها ..
ما عليج من حنتها واللويه اللي تسويها ..
بتتعب وبتطخ آخرتها ان شاء الله ..
وعليج بالدعاء سبحان الله ما تدرين يمكن دعوتج تستجاب والله يهديها

 

[ღ مذهلة ღ]

شوفي خالتي على عيني و راسي و احبها و اعاملها مثل ما احب احد يعامل امي

بس امي غيييير محد بغلاتها ومحد مثلها و لا احد بمكانتها بقلبي

امي الغالية اللي حملت فيني و ربتني و صرفت علي و سهرت بمرضي و حاتتني

محد يعوضها و لا احد ياخذ مكانها

و اصلن حتى ريلي يحب امي و يحترمها بس
اكيد مو مثل حبه لامه

اوكي يعني اذا الام ما كانت زينه مع بنتها و الوحده تحس ان خالتها احن عليها من امها يمكن بس هم تظل الام غير​

 

[هذا مزاجي]

اسم الله على امي منها
احترمتها وقدرتها وتحملت كل شي منها
ولا فاد فيها
شلون اعتبرها مثل امي وهي ماخلت فعل اقشر
الا سوته لي
لا مااعتبرها مثل امي ولا راح تصير مثل امي
هذا اللي ناقص بعد

 

[عروس فبراير]

رد: رد : خالتج نفس امج ؟

لا مو مثل امي

بس لأنها ام الغالي احترمها واقدرها

امي غيييييييير وين حنان امي وين حنان خالتي

معاها
والفرق بين امي وخالتي اني اذا امي شافت مني تقصير تعذرني واطوف لي اما خالتي الله يهداها تقط حجي بس انا اطنش وما ارد مو عشان شي بس احتراما لها مهما كان هذي ام زوجي وبعمر امي

 

[zarax]

احترام فقط بالنسبة لي زيها زي اي وحدة كبيرة لكن ماما لالالالالالالا .

 

[دانه بين البشر]

خالتي على عيني وراسي بس ماراح تجي مثل مكانة أمي مهما كان الأم غير حتى لوهي معي كويسه ماأتوقع إنو بأغليها مثل أمي

​

 

[*ماي الورد*]

حاولت احبها مثل امي بس ماقدرت
يعني رياييل بناتها اذا قصروا بحقهم توصل مخافر ما ترض عليهم
بس انا حتى ممنوع اشتكي

 

[Dark SouL]

لا والله ولا احسبها نفس امي :///

المشاكل اتي منها ومن اعيالها حسبي الله عليهم ،، مع اني زينه وماعمري قصرة معاهم بشي وربي كننت عادتهم مثل اهلي بس يخسووووون واهلي فوقهم كلهم

حسبي الله عليهم

 

[ضحاوي الديره]

والله خالتي تنحط ع الجرح يبرررررى تعاملني جني وحده من بناتها ومرات احس تعاملني احسسسسن من بناتها بعد فديتها وتهتم فيني حيييييييل اذا كان ريلي بالدوام لدرجة كل شوي تكلمني هايمه شلونج زينه كليتي نمتي!!
قلبهاااا ابيض ونفسها خفيفه الله لايحرمنا وجودها بالبيت ياااااااارب ويطول بعمرها ويحفظها انشالله
بس طبعا امي غيييييييييييييييييير غير غير
خالتي مو بس احبها الا امووت فيها واحترمها واقدرها واعاملها جني اعامل امي بس طبعا امي تظل امي ومافي احد يساويها