خالتي والمعاش

[Tom ♥ Jerry]

,


اذا مو مقصر على البيت و عليج و على عيآلج
أوكي خل يسآعد آمه مآفيها شي .،

بس اذا آنتووو قآصرين أو تبون اشياء وآيد ناقصتكم ,،
انا اقووول قعدي وياه و قوليله آنج تشتغلين .,،

و لا اتييبين طآري آمه و لا المعاش و لا شي .،
لآنه ذيج الساعه يمكن يقلب على آمه و آمه تدري آنه انتي السبب
فـ تكرهج أو تصير مشاكل .,، و دآم آهيه زينه وياج صبري :eh_s(7):

 

[Tofaha_12345]

مشكورين وايد بس مافهمتوني!!!!!!!!!!!!!
انا اللي حارني هو البيت اللي شراه من قرض الاسكان صار باسم امه واحنا عطونا شقه صغيره في البيت حتى مطبخ مافيها
يعني مافي شي باسم ريلي اامن فيه مستقبل عيالي بعد عمر طويل انشالله

 

[يـاسمينا]

مشكورين وايد بس مافهمتوني!!!!!!!!!!!!!
انا اللي حارني هو البيت اللي شراه من قرض الاسكان صار باسم امه واحنا عطونا شقه صغيره في البيت حتى مطبخ مافيها
يعني مافي شي باسم ريلي اامن فيه مستقبل عيالي بعد عمر طويل انشالله

كل هذا وانتي ساكته :bbbiu:
اهنيج على طولت بالج وتحملج :eh_s(4):

باختصار
لاتسكتين عن حقج وحق عيالج اذا مو بالطيب بالغصب
شنو يسجل بيتي وبيت عيالي باسم امااااااا
ليييييش ماعندها بيت وين بيت ريلها ؟؟؟؟
وين قاعدين ماكو قانون بالبلد ؟؟

وفوق هذا مقعدينج بشقه يعني حتى مو دور مثلاً !!

عشان جذي خالتج طيبه وفقيره ولا مو مني والدرب ,
اه يالقهر والله اني انقهرت شلون انتي متحمله مادري :eh_s(16): !!!

عالعموم حبيبتي نصيحه ترا اذا سكتي عن حق عيالج باجر لي كبروا راح يحملونج المسؤوليه
وبعينهم راح تكونين انتي اللي ضيعتي حقهم مو ابوهم ولا خالتج المحترمه ..

ماقول الا الله يصبر قلبج ويحل الامور لصالحج ..

 

[صمت المرافئ]

امبيه ... شنو هذا
واللي يقولون كل الأمهات جذي
حرام عليكم
لا والله مو كل الامهات جذي
الامهات يعينون ويساعدون عيالهم
ويعطونهم مو ياخذون منهم
إلا الفقيرة اللي ما عندها شي ممكن يعطيها ولدها ويصرف عليها
هذا من واجبه نحوها وبره لها
أما سالفتج ... استغفر الله
خالتج مره طماعة ... اسمحي لي
وزوجج للأسف ضعيف شخصية
المفروض يأمن حياتج انت وعيالج
لا قدر الله ... أقول لا قدر الله
الواحد ما يدري شنو الظروف
باجر لو يصير شي
يدخلون الورثة معاكم
لا عندكم بيت ولا شي

​

 

[جلكسيه اس 3]

الحين انتي فلستي من كل شي
لا بيت و لا بطيخ
و اتقول طيبه لو طيبه جان ما سوت الي سوته
واهيا اللي عندها كل شي الحين و مرتاحه
والله مادري شقولج ان شاء الله البنات يفيدونج

 

[om MaRyooM]

هذي امه ولازم يساعدها بس مو على حساب بيته وتقصيره على زوجته وعياله

بس زوجج بيحس فيها بعدين مو الحين

انتي طنشيه مرة ونصحيه مرة .. ومن حقج هالشغلة هذي لأن ملزوم فيج وملزوم بالبيت
واتوقع انتو اولى صراحة


انا عندي حتى لو يعطيها معاش كل شهر مو مشكلة بس لايورط نفسه بقرض .. هذي مصيبة

والله يعينج قلبي

 

[modern]

انا يوم تزوجت قلي زوجي لو معاي 10 اعطي 9 لاهلي و الك 1 و للصراحة انا مقتنعة باخذ حسنات من دون تعب و اعتبر ان هو معاشه 1 مو 10 و جذي راضية بعيشتي و الحمدلله الله يرزقها كل شهر دوبل عن الي قبله و انا اكيدة بفضل اهله

 

[om MaRyooM]

مشكورين وايد بس مافهمتوني!!!!!!!!!!!!!
انا اللي حارني هو البيت اللي شراه من قرض الاسكان صار باسم امه واحنا عطونا شقه صغيره في البيت حتى مطبخ مافيها
يعني مافي شي باسم ريلي اامن فيه مستقبل عيالي بعد عمر طويل انشالله

لا هذي قوية صراحة
وقوية حيييل

حبوبة انا مابي اشيشج لا على امه ولا على زوجج .. بس لازم تتكلمين وماتسكتين عن حق عيالج
زوجج وايد على نياته لان موحاسب حساب المستقبل

اهله عالعين والراس بس عياله وين حقوقهم

وكل هذا إيي بالكلام الطيب والهادي .. ولاتيبين طاري امه عشان لايحسب انج تناشبينها
قوليله بس ابي حق عيالك

 

[*uM_MiMi*]

اهي صج مو شي السالفه بس حطي نفسج مكانه و لو ان امج اهي اللي تبي معاشج << اماانه ماتعطينها المعاش واللي وراج ودونج بس عشان عيونها؟؟؟
و ترا الرياييل مايفكرون مثلنا<<< بالنسبه لهم اذا انتي وعيالج ماكلين وشاربين وعندج مكان تنامين فيه خلاص هذا كافي وزياده>>> الله يهدي سركم ويسخرلك زوجك ويعوضك الله علي صبرك امين

 

[عيوني مودي]

الله يعين تاكدي فية ناس عندهم تكبر من مشكلتك
ومحد مرتاح

 

[AVE.NJ]

الله يهديها

 

[roseberry]

الله يسخر لج زوجج ويرزقكم من حيث لاتحتسبون

وانتي احتسبي الاجر في امه والله يعوضكم ان شاءالله

 

[منال السعادة]

حبيبتي إذا انت تشوفين ان البيت لازم يصير بإسمه لازم تسإلين عن قانون السبعين ألف حبيبتي الإسكان ما يعطونه إلا إذا انت مدزوجة بالثمانينات بس المتزوجين سنوات التسعينات وما فوق ما يعطونه إلا برضاك أو موقع عنك

 

[PuPa^^SWeeT]

السلام عليكم بنات
وعليكم السلام ورحمة الله وبركاته
انت لما قلتي السلام عليكم خذيتي 10 حسنات بس انا خذيت 30 لاني قلت السلام كامل

خالتي وايد زينه
إذا الحمد الله على هذي النعمة
لان في خالات ما فيهم ولا شي حلو

بس فيها هذا العيب تتدخل وايد في معاش ريلي
الولد مهما كبر فهو في عين امه صغير وهي تشوف في أمور انت ما تشوفينها
مثلا : في أمهات يشوفون عيالهم مسرفين فتاخذ منه كحد ويمكن ماتصرفهم بالشكل الصح بس انت ما بإيدك حيله وممكن تشوف ان انت كأسرة ليلحين اسرة صغيرة وتشوف ان ما عندكم التزامات فعشان هالشي تتسند عليكم وفي كلا الحالتين هذا يعتبر بر لوالدته لازم تصبرين لا محالا

بس حبيبتي في شي لازم تجدولين حياتك عليه وهو قاعدة امشي عليها وراح ترتاحين وبصراحة دولة الكويت مسوية قانون حق هذا الشي وهو ان اي مواطن كويتي يتسلف له حد أقصى وهو ما يجاوز 70 الزوجية ولا 50 اليهال فاتوقع ان لازم تسوين ميزانية بالصرف لين تخلص سلفته
وأنا مو قاعد اشوف انه مشكلتك السلفة انا قاعد اشوف مشكلتين

الأولى /

وعلى فكره تره انا مااقدر اشتغل وعندي يهال

ما تقدرين تشتغلين هذا وضع مؤقت بسبب ظروف اليهال بس يكبرون شوي راح تقدرين وحتى لو كان السبب مثلا الشهادة تقدرين تكملين وتشتغلين أو لا قدر الله ظروف صحية والله مو قاعد أفاول بس قاعد أعطي مثال لانها اسباب عادة ما تكون مؤقته وحله يبيلة صبر وقت وترا انت طالعينها من ناحية الراتب هي زينة بس ترا في شي لا زم لازم تعرفينه انه الراتب راح يلزمك بمصاريف المجتمع ماراح يلزمك فيها لانك ما تشتغلين

والثانية /

عايشين لا بيت ولامستقبل

المستقبل يحتاج هدف وخطة وانتي تبين بيت والبيت توفره الحكومة ولان انتي موملزمة بتوفير بيت للأسرة الزوج هو الي لازم يوفر هذا الشي وانا ما اتوقع انك عايشة في خيمة اكيد عايشة على الاقل في غرفة أو ثنتين أو شقة كبيرة صغيرة في بيت الحمولة أو في شقة بروحك بس عايشة في بيت فإنت الي تسوين البيت وموالبيت الي يعطي حقك قيمة

ادري انه ريلي غلطان وايد انا قلتله انت ظلمتني انا وعيالك معاك بس هو ضعيف جدام اامه بس قولولي شنو الحل

اذا تبين رايي في المضوع زوجك مو غلطان لان هذا بر لوالدته مو ضعف حتى لو ما كان هذا هدف ولازم تصفين نيتك تجاه هذا الموضوع بالذات وما تخلينه شغلك الشاغل لان بر الأم يفتح لك باب للرزق والرزق بمقصده هنا المال وليس المال الكثير بل البركة في المال وانا مو قاعد اسويلك درس بس انا عندي يقين تام في الي أقوله
والله تعبت وايد
سإلي نفسك هذي الاسئلة بس تحيسن ان هذا الشي خانقك
هل زوجي يوفر اغراض للبيت من مأكل ومشرب
هل زوجي يوفر مصروفات حق اليهال
هل زوجي يوفر حقي مصروف بإدي
هل زوجي موفر لي خادمة
والسؤال الأهم هل لو كان عنده أكثر يبخل علي
إذا كانت أكثر الأجوبة نعم فصبري وحتسبي وادعي له
وإذا في أشياء لا قولي له انت يابو فلان مو مقصر معاي في كذا وكذا بس
وإذا كل الأسئلة لا فلازم تكلمينه بشكل مباشر انها مشكله ممكن دخلين فيها الأهل أو يكلم أمه بس فكري بالعواقب قبل لا تقدمين على هذا الشي لأن ممكن تكبر السالفة وان شفتي نفسك ما راح تقدرين احتسبي وصبري وانا لو مكانك راح الصبر وانت :eh_s(17):

وأنا آسفة على الإطاله والله يخليكم حق بعض

سبحان الله

فيج حلم و سعة صبر حلوة


ربي يوفقج دنيا و اخره


بعد ردج احس اتجف كل الاقلام بعد كتباتج و ردج الراقي

 

[PuPa^^SWeeT]

عنده اخوان و خوات متزوجين


؟؟؟؟؟

 

[جروح ودموع]

الله يهديهااا حرام اللي تسويه بولدها وانا لله الحمد خالتي عسسسسسسسسسسسل المهم عندها عيالها سعيدين بحياتهم عشان تطمن عليهم الله يطول بعمرها يااارب ويخليها لعيالهااا

 

[نور خانوم]

المفروض ينصف بينكم وهاذا العدل يوفر للجهتين

 

[جادل سبيع]

اللي ايقولون امه ومادري شنو ...........

اتقولكم ماخذه قرض بيت النسليف يعني لا بيت حكومه ولا هم يحزنون وربي ماترضونها ع انفسكم .؟؟؟؟؟؟؟؟؟؟

انا بسال امه وين اموديه هالقرض 70 الف ياناس وين ذلفتها حسبج الله ونعم الوكيل ؟؟؟؟؟؟؟

وماخذ فوق ال 70 قرض ثاني يعني اهو معاشه نصه تاخذ الاقصاد ونصه تاخذه الوالده حسبنا الله ونعم الوكيل وربي انقهرت ..

الله يهديها ويصلح باله اهو الحل بايده لازم يمسك ايده معاها اشوي مو كل شيء تبيه ايقولها حاضر لا والله حرام حملته فوق طاقته..

 

[ديانا سبنسر]

ياشين لام اللي تناشب ولدها امه اوكي يساعدها ماعليه يوقف مع اخوانه بضيقة يازينها وياحلوها لكن تجتفه بالقروض وعطني وعطني هذي يسمونها انانية لازم الام بعد ترحم ولدها تقول وراه مصاريف التزامات

 

[ليان]

الله يهديه لج ويخليه لكم​