خالتي :(

[ريم الجفول]

سبحان الله وربي نفس حالتي خاااالتي عمرها ( 51 ) وزوجي اكبر عيالها ونفس مشكلة الزيارات و الشقه حتي انها تسئلني عن المواضيع الخااااااااااصه .....وما خفي اعظم..انا متزوجه لي سنتين ولحد الان ماحملت كنت حماره وغبيه بس الحين اشوى من قبل تعلمت من اخطائي صدقيني بتتغيرين واهم شئ يكون زوجك عنده خبر بكل كبيره وصغيره

 

[دلوعه ززوجي]

حبيبتي ممنوع اي احد يدخل شقتج وانتي مو هني لاتقولين عمتي او احد ثاني تخيلي ينسرق شي مدري أنا منصدمه شكو دشون غرفتك وانتي مو موجوده عيب انتي سوي نفسها دشي غرفتها وغيري كفرها وإذ تكلمت قولي ياقلبي وعمري انتي أنا كنت بردلج شي من حركتج

 

[Queenleo]

يوم كنتي عارفه انهم رافضينج ليش مالزمتي على شقه بروحج!!
اذا في مجال طلعي بشقه بروحج اوو خلي ريلج يحط حد بعد اهله واهوا يتصرف

 

[كويتية222]

اختي معلش كلمي خالتج وقولي لها خالة ما ابي الخدامة تدخل الشقة بغيابي اغراضي وملابسي وشغلي كله بالشقة

وسبحان الله ما تضمنين الخدم

انا قبل ما اروح زواره اهلي انظف شقتي وابخرها يعني ماله داعي صعدة الخدامة لشقتي

واغراضج للحمل واللهوم اذا رحتي بيت اهلج اخذيهم وياج

وسالفة الزوارات قولي لخالتج دوامي متعب حده لكن اذا بروح زواره بيكون من بعد السبع ع الاقل اكون مريحه ونايمة عدل او بالويك اند ان مارحت لاهلي

ولاتنسين انهم كانوا رافضينج بالاول يعني تحملي لغاية ما يعرفونج ع حقيقتج وانج خوش انسانة


وربي يسخر خالتج لج يارب

​

 

[_- The moon -_]

الله يعينج .. نفس حالة رفيجتي انتي

بس الزيادة ان تدخل غرفتها النوم وتفتش بقمصانها النوم وشنو كانت لابسة

الله يهديها ان شاء الله ويغيرها ويصلح حالها

 

[αмάι]

الله يجعل كيدهم بنحورهم
اذا ناوين لك الشر
الله يعينك حبيبتي
ويصبرك عليهم

 

[bubble.gum]

امبييه انتي نفس مشكلتي بالضبط وهمن مو لاقيه حل معاها انا ما تخليني اقفل شقتي نهائيا وتنبش باغراضي وتقولي ليش مو لابسه القمصان اانوم اللي يبتهم لج .. في عندج جنطه ما لبستيها كلللش جذي تفولي تدري شنو عندي وشنو شريت .. لي يومج وانا اعاني منها مادري شسوي

 

[bubble.gum]

اتصدقين حاسه فييج .. انتي نفس الوقت ما تبين اتزعلين ريلج عشان امه ونفس الوقت ودج تقوليله عشان ان لازم يصير في خصوصيات ابيتج وما تبين احد يدش ويشوف .. انا اعرف وحده خالتها تشوف تكرمين الزباله عشان تعرف نايمه مع ريلها ولا لا وانا اتوقع خالتي همن جذي والله اصلا عييب وما يجوز احد يدش بيتج بدون استاذان بس شنسوي العيب راكبهم شتسنعين وشتخلين بس انا الحين شوي شوي قاعد افهمها ان عيب اللي اتسوينه

 

[دلوعه ززوجي]

امبيه من صجج

 

[candy.vib]

لايسعني سوى قول كلمة أي شي

 

[هذا مزاجي]

انتي نفسي بالضبط
تدرين شسويت ؟
اروح الزوارات بمزاجي محد يجبرني
وشقتي مايدشونها لو شنو يصير
وصرت احط لهم خطوط حمراء مايتعدونها
والحين قاعدين نحاول نسكن بروحنا الله ييسر امرنا
وامرج ..

 

[Melazlaza]

شوفي عموما اي احد وايد متساهل وطيب وخدوووووم الكل يتمادى معاه وتصير مصاخه وخصووووصا لي صار الغلط وما رد ولا وقف هالغلط
انتي الي عليج سويتيه رايتج بييييييضة واتضحلج عقب ان النفوس مو صافية
الحل
زوجج لاااااااااااا تيبين طاريهم بشي شين جدامه ابدا بدا
اذا صار موقف قوي حاولي ان يدري بطريقة غير مباشرة واذا صار موقف جدامه لا تعلقين بس بينيله انج متضااااااايقة وخانقتج العبرة ومتحملة كل شي علشانه

خالتج لا تتناقشين ولا تداحرينها بس حطي حدوووود معاها خلج رسمية وحسسيها انج خلاص فهمتيها وتبين الهدوء مو المشاكل
سإلتج عن شي لا تردين ختحس ان صج تصرفاتها واضحة لج و يا الوقت الي تحطين حد لها


خلج رسمية مع الكل مو طولة لسان او نظرات او اي تصرف مستفز عشان لا احد يمسك عليج ممسك
بس سلام وكلام بشي عام اي شي يخصج ويخص زوجج خط احمر محد له علاااااااااقة فيه لا اهله ولا اهلج


والله يهدي ريلج و يشوف الحق بعينه ويتصرف صح

 

[بربيره]

انا اقول اذا انتي حياويه نفسي سوي نفسج هبله قولي لريلج يبدل قفل الشقه و حلفيه ما تعطينه لاحد وكلما سالوج قولي فلان ما يرضا و عصب علي ما يحب الخدم يدشون غرفة النوم

 

[^noonaa^]

اتصدقين حاسه فييج .. انتي نفس الوقت ما تبين اتزعلين ريلج عشان امه ونفس الوقت ودج تقوليله عشان ان لازم يصير في خصوصيات ابيتج وما تبين احد يدش ويشوف .. انا اعرف وحده خالتها تشوف تكرمين الزباله عشان تعرف نايمه مع ريلها ولا لا وانا اتوقع خالتي همن جذي والله اصلا عييب وما يجوز احد يدش بيتج بدون استاذان بس شنسوي العيب راكبهم شتسنعين وشتخلين بس انا الحين شوي شوي قاعد افهمها ان عيب اللي اتسوينه

وييييييع اشهالخالات الله لا يبلانااا

حلووه هذي اتفتش بالزباله قطييعه اشهالوصاخه

الصراحه لازم اتحطون لكم حد حق هالموضوع ولا ترى صدقوني طوووول عمركم بتمووون على هالحاااله

 

[عيوني حلوه]

واضح ان اهي تبي فرقاج بأي طريقه

وانتي قلتيهاا كانو رافضين زواجج من ولدهم ..

كلمي زوجج بهالموضوع بس بتفاهم وهدوء ولا تسبين امه واهله بس قولي له هذا غلط اللي قاعد يصير

الناس مايسوون جذي ..

ومثل ماقالت الاخت " تهادو تحابوو "" وادعي ربج ..

وانتي لا تصيرين مهمله لا تخلينها تحط هالشغله بمخ زوجج وتزن براسسه ان زوجتك مو نظيفه وفيها وفيها ..

لا يمسكون عليييييييج شي..

وبعدين سالفة بخور العين والحسسد لا يكون على بالها انج ساحره ولدها :!!

 

[PuPa^^SWeeT]

حبيبتي للاسف انه اغلب مشاكل الحمولة اتكون مع البنات اللي اختاروهم الرياييل مو الام


صحح غرفتج مو حلوو احد يدشها و يبخرها غيرج انتي


بس انتي لاتطلعين نفسج ذكية رايحة اتجيكين عالمفتاح جدام ريلج

مهما يكون التمسي العذر لها


سالفة الزوارات و المناسبات ( انا اشوف بالمنتدى مشكلة صار عرس ما نادتني صار مادري شنو ماقالتلي )

اخذيها من مبدا انها تبي تكشخ فيج و تاخذج من مكان لي مكان اتقول شوفو جنتي يابختي فيها


هذا شي


الشي الثاني

اهيا مبين انها تبيج بس اتفكر انج ساحرة ولدها


انتي كسبيها باللين و بكل شي

يعني سالفة المفتاح خلي ريلج يكلمها يقولها المفتاح لألألألألألألألألألألألألألألأ


انتي طلعي من السالفة خليج الوديييعة الطيبة الذربة


طلعي ريلج صاحب القرار مو منج انتي



عرفتي من عذر مايبي احد ينظف الغرفة الا انا



كسبي خالتج انتي شوي شوي



يمكن لي حملتي و سمييتي عليها ولا خليتيها اتنقي الاسم بعد شوي تكسبين رضاها


خالتج عمرها 50 بس اطباعها اطباع 70 ثمانين لأنه بخور السحر و العين هذا مال قبل اول مو الحين


اخذيها باللين و المسايس اتيي


كل الخالات اييون بالمسايس بس كل وحدة لها طريج لقلبها

عرفي طريج خالتج وارتاحي بعدين لأنه ليلحين اتفكر انج ساحرة ولدها من جذي خذاج وما رد عليها

 

[منال السعادة]

شوفي حبيبتي في قاعدة لازم تحطينها في حياتك وتمشين عليها انتي بدالك اربع بس امه وحدة هذا اولا ثانيا اي ام قابله كنتها او رافضتها لازم بتنتقد لا نها اكيد مرت في كل التجارب الي مرتي فيها مثل الام لما نبي نغيب عشان الدورة تقول يا الله ما كو غياب حبيبتي كملي الي بديتي فيه وتعوذي من بليس

 

[مناير ...!]

الله يعينج

 

[[[ عيون جابر ]]]

حبيبتي الحين الي عليج انج تغيرين القفل ولا تعطينه حتى حق ريلج وبنفس الوقت قعدي مع ريلج وكلميه قوليله دام ماتبي نطلع بشقه بروحنا ابي خصوصيتي هني بالأول لأني مو مرتاحه شقتي ونظافتها من مسؤولياتي كزوجه مومحتاجه احد يسنع وراي

 

[آجمل نسآء آلدنيآ]

الله يعينج بـس بسراحه انتي غلطانه
المفروض من الاول دامج عارفه انهم ما كانوا يبونج جنه لهم
تطلبين بيت بروحج ..

المهم الحين انج توقفينها عند حدها واللي يقول راح تكرهج وتحط عليج بالطقاق
أهيا نيتها مو سافيه ناحيتج

قطييييعه اوادم ينرفزون