خايفه طمنوني

[اميره1980]

ان شاء الله ماكو الا كل خير و عافية يا رب
انتي راجعي المستشفى و التزمي بتعليماتهم و لا تسكتين على نفسج الله لا يقولها سواء شي زين او لا راجعي المستشفى و الله يطمنج يا رب

 

[دلوعه الكل]

يشافيج ربي ويعافيك ويشافي مرضانا ومرضا المسلمين

 

[RO0O7Y KUWAITYA]

عسا ربي يشافيج ويعافيج انتي وكل مرضى المسلمين
ياقلبي ادعي وتصدقي بنية الشفاء
ولاخلين الطبيب راجعي بشكل دوري
وشيليه حتا لو كيس دهن
وحاولي اتغسلين وتشربين ماي زمزم بنية الشفاء
وعسا ربي يحفظج ويحفظنا ويحرم ع اجسامنا هالامراض ياااااربي

 

[قلبي وينك]

اختي هذي الاشياء ما فيها انتي مثلي او غيري لاني الطبيب هو الوحيد الي يقدر يشخص الحاله ويعرف شو فيج بعد الفحوصات والاشعات لانه في وايد امراض تتشابه وفي اشياء تستدعي التدخل الجراحي واشياء لا فانتي سوي التحاليل والاشعات الي قالج عليها الطبيب بعدين خبرينا وان شاء الله ما فيج الا العافيه

 

[||سمّـني روحك||]

..


كيف مااستفسرتي من الدكتور وسالتيه عن هالورم .. يمكن يكون كيس دهني ويمكن ورم حميد ويمكن غده
الله يطمن قلبك .. ان شاء الله مافيك الا العافيه

 

[. . بنفسج !]

وعليك السلام ورحمة الله وبركاته
ان شاءالله مافيك شي انا نفسك ورحت سويت خزعة ياخذون عينه من الورم وطلع عندي ورم حميد يعني زي الكيس الدهني وقالوا تبين تشيلينه او تخلينه عادي والحمدلله مافيه خوف انتي خليك مع المستشفى وان شاءالله مافيك شي

^^^^^


نفس اللي صار مع أختي بالضبط قبل سبع سنين
شيء عادي نفس كيس الدهن
وهذا هي تزقح ما فيها شيء جنها البخت ما شاء اللهه

 

[بكيزة هانم]

الف لا باس عليج ..صديقتي صار لها نفس الشي وكان حميد وشالوه بجراحه

 

[Sweet Angle]

ياقلبي عادي ماكو مرض ولا مشاكل ان شاء الله لا تحاتين حبيبتي تفائلي وقل لن يصيبنا الا ما كتب الله لنا و ماكو لا ورم ولا شي ومدام طمنج الطبيب يعني الحمدالله ماكو ورم خبيث بعيد الشر عنج الله يحفظج .. يمكن علشان الدورة يت متأخرة بس و جسمج توه يتأقلم لا تحاتين... وطمنينا عليج حبيبتي

 

[حلوه بس هبله]

حبيبتي ان شاء الله ما تحتاجين شي كبير

لان اذكر امي جاها ورم في الرحم بعيد عننا وعنكم

وكان حميد بس تتعالج بالابر والحمد الله اختفى

يارب يكون حميد وماتحتاجين اي شي يخوفج

بعدين انصحج بالصدقه لان من فرج هم وكربه على مسلم الله يفرج عليه كربته باذن الله


الله بشفيج ياعمري

 

[رحمآك يارب]

الله يجزاكم الف خييير

امس طلعت النتيجه
قالت الدكتوره هرمون الحليب مرتفع 38
ومع العلاج يخف
بس خايفه انا مخطوبه بعدين ما يأثر في الحمل او شي؟
من صار فيها كذا وتشافت منه ؟

 

[القطه توتو]

اسال الله العظيم رب العرش العظيم ان يشفيك

اسال الله العظيم رب العرش العظيم ان يشفيك

اسال الله العظيم رب العرش العظيم ان يشفيك

اسال الله العظيم رب العرش العظيم ان يشفيك

 

[غداً القاك]

عادي ياقلبي اعرف وحده صار فيها وشالوه وهذي هي بخير وعايشه
تفائلي بس وادعي ربك وربي يستر عليك يارب ويوفقك

 

[هيبة فتاه]

يااااااااااااارب ياكريم يشفيج يالغاليه

 

[@ كويتيه @]

البنآت ما قصرو


بس حآبه اضيف شغله .. طبيعي عوآر بالثديين اثناء الدوره الشهريه

يعني لا تحاتين .. عسسى الله يشافيج :*

 

[Lode]

الله يشـــافيك ويعافيك حبيبتي
..

 

[عزة وكبرياء]

سبحان الله عاد توني اليوم ياية من المستشفى سويت من اسبوع سونار للثدي وعندي ورمة كتلة دهنية من سنين بس قالولي اذا كبرت لازم تشيلينها وطلعت كبرانة شوي والظاهر لازم اشيلها فلا تحاتين حبيبتي وهذا شي عادي ويتكرر مع وايد ناس وان شالله ماكو إلا العافية طمنينا عليج حبيبتي
​