خايفه من جو لندن؟

[ام فله]

بنات اشلونكم

ابسافر الاسبوع الجاي لندن مع اعيالي

واخذت ملابس ربيعيه وشتويه واخاف يطلع حر واتوهق شسوي

الله يخليكم اللي عندها خبره بالجو اهناك الحين اتقولي شسوي

لاني ترست اجناط اعيالي بالبلايز اللي كمها طويل:eh_s(22):

 

[ام نواره]

السلام عليكم
انا من رايي الحين بهالوقت اخذي صيفي واخذي جاكيت فقط او بالطو
لان الجو مو بارد وايد الحين واذا صار برد فالجاكيت يكفي فوق الملابس
ورحله سعيده وتروحون وتردون بالسلامه

 

[nanosa78]

السلام عليكم
انا من رايي الحين بهالوقت اخذي صيفي واخذي جاكيت فقط او بالطو
لان الجو مو بارد وايد الحين واذا صار برد فالجاكيت يكفي فوق الملابس
ورحله سعيده وتروحون وتردون بالسلامه

انا ان شاء الله باكر بسافر لندن ونفس مشكلتج

واللي قالته ام نواره سويته والله يسهل عااد خن شوفج اهنااك

 

[ام فله]

تسلمين ام نواره

وراح اسوي اللي قلتيه

وnanosa78 ياليت والله الساعه المباركه

والله يسهل علينا سفرتنا وخاصه العيال معانا

 

[noty]

بالسلامه حبيبتي

اخذي صيفي حر واايد

و اذا نرفض يت لهم موجة برد .. اشتري من اهناك كوت او بلوفر

الديره صارت حارة ,, والله اذكر ينييييت ابي ارد الكويت شالفرق

لانه الشقه مافيها مكيف كنت امووووووووت من الحر

 

[ام فله]

شكرnoty كنت محتاره حيل

عيل ااجر شقه ابتكيف

 

[Alia]

هالصيف تقريبا اوروبا كلها بتحوشها موجة حر!!

الله يعينا

بس ماعتقد نفس حرنا ماكو مقارنة .. انا ولا مرة بلندن حسيت بحر هههههههههههه

مرة بامريكا وعقب تعدل الجو

جوهم مو مثلنا :eh_s(9):

فانتي اخذي جاكيت احتياط ورحلة سعيدة:eh_s(7):

 

[ام فله]

تسلمين Alia

 

[dima]

لا حبيبتي لا تاخذين شتوي

مو وايد برد بس اخذي جاكيت و بلوفر احتياااط

 

[MissChoco]

حبيبتي لندن جوها متغلب عموما اوروبا كلها جوها متغلب .. اخذي صيفي
لا تاخذين شتوي .. بس حق اليهال اخذي ربيعي وصيفي اكثر شي واخذي
جاكيتات .. لانه انا رديت منها شهر 3 صراحه صادفنا ايام وايد حر
فماتدرين مره برد ومره حر .. وصج تيي ايام برد وبليل يصير برد لدرجه
تلبسين شتوي .. بس يعني ايام وايام لا عرفتي

 

[dalprincess]

حبيبتي لاتاخذين هوم شتويه وايد ,, يعني خلي الصيفي اكثر ,, بس اخذيه احتياط جم قطعه وتردين بالسلامه

 

[tofy]

ريلي العام راح نفس هالحزة يقول واييد برد لابس كوت وهمن مستبرد