خبراء فيزا شنغن ممكن مساعدتكم

[شهرزاد الحكاية]

مساء الخير بنات ...

بنات بغيت استفسر منكم عن فيزا شنغن انا ناوية اطلع الفيزا هالشهر ان شاء الله ...

واتصلت على مكتب القبس للسفريات ... وكلمت المندوب بلغني بالطلبات وان شاء الله كل شي جاهز بس السعر 60 دينار للفيزا الوحده ... ان اشوف السعر حييل مناسب خصوصا ان شامل التأمين والفيزا وسعر المندوب للييت ....

بس ماحب ينقص علي فحبيت اشاوركم شرايكم ؟؟

اتوكل على الله واطرش العنوان للمندوب عشان يستلم المعاملة ؟

للعلم بطلع الفيزا ان شاء الله من سفارة ايطاليا ناطرة رايكم وافادتكم وماتقصرون ياحلوااات ​

 

[أمانيQ8]

والله انا مستغربه اشلون قالوا لج 60!!
اصلا زوجي متصل فيهم امس قالوا له الفيزا الوحده 35!!!
متأكده انتي....؟؟اتصلي مره ثانيه عليهم اشدعوه ب60!!

الله يسلمج احنا 35ماعجبنا واتصلنا على واحد ثاني مادري بجم حسبها لنا المهم ارخص لان احنا 8اشخاص

 

[Samurai]

غريبه قالولي ب ٣٠ ومن السفاره الالمانيه. بس التأمين علي وتعبئة نموذج الشنقن !!

ورسوم الفيزا من اي سفاره اوروبيه ما تتعدى ال ٢٦ دينار
والتأمين الطبي للعائله كامله ب ٢٣ دبنار من بيت التمويل ويمكن ارخص من مكان ثاني

دقي على السفاره الايطاليه استفسري اكثر
وبس اللي قريته من موقعهم ان التأشيرات السياحيه يسونها لج عن طريق مكتب القبس
بس انا حاسه انه غااالي الله يستر لا يغيرون سعره صج
بنات بما الاوضاع مستقره الى حدا ما في اوروبا سو فيزكم من الحين لو سفرتكم بعد شهور

 

[In Geneva]

بنات صح مكتب القبس هو مفوض رسمي من قبل كذا سفارة إنه تطلع الفيزا عن طريقه
يعني السفارة ما تستقبل أي مندوب إلا من مكتب القبس فقط ومنهم سفارة فرنسا وألمانيا ويمكن إيطاليا بعد



بنات أنا رحت للسفارة السويسرية
السنة هذي مغيرين الطريقة أول كنا نروح وبنفس الوقت ياخذون الجوازات والطلبات بدون موعد
هالسنة تروحين تاخذين موع وبعدين تشوفين متى يعطونك إسبوعين اسبوع ثلاثة على حسب
تروحين بهالموعد اللي عقب فترة تعطينهم الطلبات بعدين الفيزا تاخذ لها جم يوم على ما تطلع

طبعا أنا وجهتي الاولى سويسرا وصلي لمطار سويسري
كنا كل سنة نطلعها من السويسرية لكن هالسنة متغير النظام ودقيقين وايد
خذيت منهم موعد وبقدم وإن شاء الله تطلع


بنات سعر الفيزا من غير التأمين طبعا إنتي تطلعين التأمين والفاوتشر الخاص بالسكن إذا عندك والتذاكر طبعا تكونين خالصة حاجزة

الاسعار اللي أتذكره ألحين
أكبر من 12 سنة 23 دينار
بين 6 سنوات و12 سنة 13 دينار
أقل من 6 سنوات مجانا

وممكن تعطينها لمندوب ياخذ على الجواز 5 دنانير وإنتي تطلعين التأمين والتذاكر وفاوتشر السكن


ملاحظتين مهمين بنات انتبهوا

الاولى : أقل من 6 سنوات السفارة ما تاخذ عليهم شي
بس المندوب ياخذ 5 دنانير على الجواز

الثانية : الفيزا يقولون نطلعها من بلد الوصول والبعض يقول من المكان اللي بتقعدين فيه أكثر فسألوا أفضل


لما رحت السويسرية نطرت مدة طويلة وملل وأكثرهم مناديب اللي موجودين
بس أنا متعودة عادي عندي لأني اروح السفارة في السنوات اللي طافت علشان الفيزا وكنت أودي خادمتي للمقابلة الشخصية فمتعودة على النطرة اللي فرق معاي هالسنة طريقة المواعيد

والله يسهل على الجميع

 

[شهرزاد الحكاية]

مشكورين جميعا والله يجزاكم كل خير يااارب

يعني بنات 60 وايد ...صح ؟
انطر شوية ؟

انزين ممكن تعطوني مكاتب ثانية أسأل فيها ؟ اذا مافيها ازعاج

​

 

[أمواج البحر]

وايد 60

انا مسويتها يمكن 35 او 40 بس مو ذاكره اي مكتب

وكل المكاتب تقدر تسويلج الفيزا مو شرط القبس

شامل التأمين وكل شي

دقي على سفريات ثانيه وشوفي اسعارهم احسن

 

[شهرزاد الحكاية]

مشكورين بنات ...

انزين قولولي ....جم الرقم اللي دقيتو عليه ...
لان رقم مكتبهم مايطلع لي كله يفصل ... ​

 

[In Geneva]

بنات عن تجربة إذا سفركم بالصيف لا تتأخرون اكثر بالفيزا ترى تطول

 

[In Geneva]

بنات عن تجربة لا تتأخرون بالفيزا إذا سفركم بالصيف ترى تتوهقون

والمندوبين بالسفارات باليوم الواحد ما يأخذون منهم أكثر من عشر جوازات وشوفوا أعداد الناس اللي تقدم عن طريق المندوبين
وهو كل يوم ياخذون منه عشر جوازات
طبعا هذا شوف عيني بالسفارة السويسرية ما ياخذون منهم وايد إذا مو زحمة يمكن ياخذون منهم زيادة 2 أو 3

 

[شهرزاد الحكاية]

يعني جم تاخذ على ماتطلع من القبس ؟ اذا فيزا شنغن ؟​

 

[شهرزاد الحكاية]

بنات سؤال ثاني جم يطلع تأمين السفر ؟ ​

 

[Samurai]

احتمال الفيزا تاخذ اسبوع او اقل من بعد المقابله طبعا

التأمين االي اعرفه من بيت التمويل واكيد في اماكن ثانيه
بس انا طلعته من بيت التمويل لمدة شهر عائلي ٢٣ دينار
وجيبي الجوازات وياج وربع ساعه يطلعونها لج ان شاءالله

 

[شهرزاد الحكاية]

مشكورة وماقصرتي ...​

 

[أمانيQ8]

غريبه قالولي ب ٣٠ ومن السفاره الالمانيه. بس التأمين علي وتعبئة نموذج الشنقن !!

ورسوم الفيزا من اي سفاره اوروبيه ما تتعدى ال ٢٦ دينار
والتأمين الطبي للعائله كامله ب ٢٣ دبنار من بيت التمويل ويمكن ارخص من مكان ثاني

دقي على السفاره الايطاليه استفسري اكثر
وبس اللي قريته من موقعهم ان التأشيرات السياحيه يسونها لج عن طريق مكتب القبس
بس انا حاسه انه غااالي الله يستر لا يغيرون سعره صج
بنات بما الاوضاع مستقره الى حدا ما في اوروبا سو فيزكم من الحين لو سفرتكم بعد شهور

هذا اذا انتي اتسوينها بنفسج بالسفاره ارخص بس عن طريق مكتب اغلى اكيد بس عندي ادفع زياده ولا التبهذل بسفارتهم

 

[شهرزاد الحكاية]

انا سويتها عن طريق القبس ب30 الحمدلله وقالو لي اسبوع او 10 ايام وان شاء الله تصدر ...​

 

[أم الحلوة جمان]

شهرزاد متى قدمتي الطلب لمكتب القبس ؟؟؟
وخذيتي الفيزا لأي دولة ؟
مع تأمين صحي ولا لأ ؟؟

بنات انا حاجزة الفنادق عن طريق موقع Booking اطبع لهم تأكيد حجزي اللي من الموقع و لا يبون شي ثاني ؟؟؟

 

[أم الحلوة جمان]

بنات التأمين الصحي بالقبس ب 22 دك ....

 

[شهرزاد الحكاية]

^^^^
ام الحلوة جمااان .. قدمت الطلب اول هالاسبوع... بغيت الفيزا لايطاليا ... لان اطول فترة بتكون فيها ان شاء الله

وسويت تأمين صحي من شركة تأمين عندنا بالجمعية ..

انا بعد حاجزة من بوكينغ .. عادي طلعي تأكيد الحجز اللي دازينه لج على الايميل ورفقي بالطلب يعتبر حجز عادي ...وبس​

 

[شهرزاد الحكاية]

انا سويت التأمين ... من شركة التأمين لمدة شهر للشخص الواحد 9 دنانير ..​

 

[أم الحلوة جمان]

اي دقينا علي مكتب القبس قال الفيزا للشخص الكبير ب 30 ( أنا وزوجي ب 60 )
و بنتي 7 سنين و نص ب 20
وولدي 4 ونص ب 5
و التأمين ب 22
يعني كلنا ب 107