خبرتكم تكفووون ساعدوني

[حوريه ...]

بنات انا محتاااره وابي خبرتكم


انا الدوره متاخره 4 ايام حللت منزلي بين خط خفيف

انا حاسه ان في حمل لان قبل موعد الدوره نزل خيوط دم ونفس هالشي تكرر معاي بحملي الاول

بس حالياً تنزل معاي افرازات بيضا ثقيله

مادري طبيعيه او لا

واحس بالم بظهري

انا خايفه ع الحمل لان الاول اجهضته وخايفه افقد هالحمل بعد

المشكله حتا لو بروح المستشفى ماراح يعطيني علاج لان لازم يبين الجنين ونبضه صح يعني ع الاقل يكون بو 8 اسابيع واكثر

 

[حوريه ...]

نسيت اقولكم ان اخر دوره كانت ١٢/٧

 

[روحي محمد]

شوفي حبيبتي لازم تراجعين
يسويلج تحليل حمل هرموني يبين اذا كنتي حامل وجم لج
حتى اذا في حمل ضعيف يعطونج مثبتات حبوب وابر
بس لازم تروحين المستشفى لاتهملين نفسج وتتحسفين
والله يعطيج ويرزقج كل الي تتمنينه

 

[مزآجيه!]

سوي تحليل دم ، وان شاءالله تكونين حامل

واخذي نتيجتج اذا كانت ايجابي وطيران ع دكتورتج ، تصرف لج مثبتات حتى لو ما بين النبض

والله يرزقج بالحمل السليم المعافى

 

[آخر حبيبة]

سوي تحليل دم وان شالله تكونين حامل هذا اضمن شي

 

[حشمه]

ان شالله حامل وتطمني سوي تحليل دم

واكلي فوليك اسد ولو اجهضتي من قبل

روحي راجعي خل يعطونج مثبتات لاتصبرين على نفسج

 

[حوريه ...]

انا بسوي تحليل دم بس مو الحين السبت ان شاءالله

بس والله صرت اخاف من المثبتات لان مرت اخوي. كان ظهرها يوجعها ونزل معها شوي دم وقاموا يطقونها من هالمثبتات تخيلوو وهي لسى كيس فاضي مابين الجنين ولانبضه


تدرون وش صارررر


انفجر عندها كيس الجنين وسووا لها عمليه فتحو بطنها

وحالتها حالها ولها اكثر من سنه تتعالج ماحملت. لان الانفجار الاول قالوا انه ملى الحوض عندها بالدم

وقعد يهاوشها الدكتور شلون تاخذين مثبتات بدون مايبين الجنين يقول قاعده تثبتين كيس فاضي ليشششششش




الله يستر والله صار الواحد يخترع من اي شي

 

[M!SS.LOBY]

الله يسهل أمورج

 

[أم ريم]

أتوقع النتيجة معناها حامل حبيبتي لان أختي صار معاها جذيه و طلعت حامل بس مدام أجهضت من قبل لازم تروحين على إذا حامل يعطونك مثبت و الله يوفقك و يتمم عليكعليك

 

[حوريه ...]

انا شاكه اني حامل

بس مادري عن هالافرازات طبيعيه او لا

مافي حكه ولونها ابيض وثقيله حييييل

حاليا هالاسبوع ماراح اقدر احلل دم لظروف وبرجع احلل منزلي

اذكروني بدعواتكم بنات الله يثبته وافرح بشوفته

 

[سكـــرهـ]

عادي طبيعي
انشالله تكونين حامل لاني حاسه فيك انا اجهضت وبعده حملت وكنت دايم اخاف اني اجهض
بس الحمدلله ولدت نور عيني
والله ينور لك بلي ببالك

 

[((غلاي))]

ان شاء الله حامل

 

[Flower20]

انا قريت من قبل انج اجضتي بالخامس
الف مبروك حبيبتي انا قريت قصتج ودعيتلج لاني نفس حالتج
سوي تحليل حمل مرة ثانيه تخليل هرموني وعيديه بعد يومين
واكلي مثبتات وفوليك اسيد
وسوي ربط

 

[Flower20]

وحتى التحليل المنزلي سويه بعد يومين اذا طلع خط اغمج من الخط الي قبل معناتها حامل وهرمون الحمل قاعد يزيد

 

[ام الحلوااات]

ســـووووي تـــحــلـيــل دم ويــــبــيــن مـــعــــاااج
وان شــــآء اللــــه يــاااارب حــــامــــل​

 

[أأأميرة الورد]

الله يثبت جنينج ويفرحج فيه بصحة وعافيه

لازم بيبي اسبرين وثبتات دام انج اجهضتي من قبلً

 

[تبطي عظم!]

الله يثبته ان شاء الله

 

[حوريه ...]

كل اللي ردوا مشكوووورين بنات

عسى ربي يرزقنا ويفرحنا جميعاً

والله لايحرمكم الاجر يكفي دعواتكم

 

[حوريه ...]

انا قريت من قبل انج اجضتي بالخامس
الف مبروك حبيبتي انا قريت قصتج ودعيتلج لاني نفس حالتج
سوي تحليل حمل مرة ثانيه تخليل هرموني وعيديه بعد يومين
واكلي مثبتات وفوليك اسيد
وسوي ربط

حياتي انتي

انتي شصار معاج حملتي مره ثانيه؟؟

وسويتي ربط ؟؟ وع كم ولدتي المره الاولى باي شهر


انا رحت لدكتور شاطر بالسونار قالي اذا ماتحتاجين ربط ماراح اسويلج

عاد مادري يبين بالثالث

والله يثبته ويكتب لي شوفته

والله خوفي ع الحمل لاافقده اكثر من فرحتي بالحمل

 

[Mrs.H]

انا بسوي تحليل دم بس مو الحين السبت ان شاءالله

بس والله صرت اخاف من المثبتات لان مرت اخوي. كان ظهرها يوجعها ونزل معها شوي دم وقاموا يطقونها من هالمثبتات تخيلوو وهي لسى كيس فاضي مابين الجنين ولانبضه


تدرون وش صارررر


انفجر عندها كيس الجنين وسووا لها عمليه فتحو بطنها

وحالتها حالها ولها اكثر من سنه تتعالج ماحملت. لان الانفجار الاول قالوا انه ملى الحوض عندها بالدم

وقعد يهاوشها الدكتور شلون تاخذين مثبتات بدون مايبين الجنين يقول قاعده تثبتين كيس فاضي ليشششششش




الله يستر والله صار الواحد يخترع من اي شي

والله انا اخذت من حللت.. وانا حللت بعد تأخر الدورة بيومين بس!! يمكن دمها بالبداية كان دم اجهاض وخذت مثبتات عالفاضي.،

انا قبل حللت حامل ونزل دم قوووي وسويت هرموني وعرفت انه اجهاض فما اخذت مثبت بس الحين اخذت من البداية وحمدلله.. اخذي مثبتات يعطيها لج الدكتور مو اي احد