خبزن خبزيته يالرفله اكليه !! نتايج مخيبه للامل، طائفية بالدرجة 1 وطبقية بالدرجة 2

[ترف بابا]

بس تعبت ماراح ادش مرة ثااانيه

 

[نعوومة *كيووت]

كويتيات ماخبري فيكم كذا وش اللي صار
أنا اذا ابي أتكلم بدوله ماعندها عنصرييه اقول الكويت
ماشاالله بيت سنه وبيت شيعه في نفس الحي وأهل وصحبه

عالعموم أنا اقول كلنا إخوان المسلم لاخوه المسلم
سنه شيعه كلنا إخوان وأهل والله يدوم المودة
نصر الله الدين وبالتوفيق

 

[اجياد]

بسأل سؤال بس :

شوفوا تركيبة المجتمع السعودي اصول : قبلية - وعراقية - وشامية - وبااااكستانية - وافريقية -وجزائرية ( اعرفهم شخصيا )-وغيرها من بقايا الحجاج من مئات السنين جايين المملكة ... ليش ماصار مثلنا ؟؟؟

ليش محد قال للثاني انت طرثوث ؟؟؟؟؟؟؟

ليش محد قال للثاني انت جاي سباحه أو بلنج ؟؟؟؟؟؟


والله عيب كل واحد قاعد يضر نفسه قبل غيره !

السلام عليكم

سمحيلي ارد على تساؤلج هذا ......لأن من امن العقوبه ، اساء الادب!
هذي حقيقة اللي صاير اللحين ، كل واحده او واحد سمع له كلمه مني مناك ، صار مناظر وفاهم ويلقي التهم على الناس بدون حجه ولادليل.

ومع احترامي ، لكن البعض شكلهم ماتربوا على مبدأ الاحترام واختيار كلماته ، وبنفس الوقت الحكومه تساهلت مع كثير من نواب العنتريات ، وصار الكل يقلد.

حسافه عليج يالكويت​

 

[*E.B.D.A.3*]

الليبرالية مبنية على مبدا ، حرية التعدديه في الاعتقاد وممارسة اعتقاداتهم
وبعضهم وسع او ضيق المعنى على حسب اهوائه مثل ، الحرية المطلقه او الحرية المقيده بفكر دوغمائي
التعدديه كفل الاسلام لهم حقوقهم من قبل لا ينتجون الغرب هذا المصطلح،
واعطى اهل الكتاب الحرية المطلقه في ممارسة شعاراتهم واقامه معابدهم
بالوقت الي اوربا في العصور الوسطى كانت تعدم شنقا كل واحد له ديانه غير وتفرض المسيحية قسرا على غير معقتدينها


برنسز الي انتي ذكرتيه هذا علمانية مو ليبرالية ، والفرق كبير بينهم
العلمانية توجه سياسي ، يقتضي فصل كل اشكال السلطات الدينية عن السلطات التشريعيه والتنفيذية.
الليبرالي معتقد فردي وليس سلطوي ، يدعم حرية الافراد في ممارسة حقوقهم وفق اطار القوانين المدنية للدولة .

يعني ماكو شي اسمه دولة ليبراليه لكن اكو شي اسمه دولة علمانية ،
فاللبرالية ليست سياسة دولة كثر ماهيه فلسفه فردية ، تبنى على الانسان ومن الانسان تنطلق وماتحارب الدين نهائيا !
وثبت عن الصحابة ، كفل حقوق اصحاب الديانات الاخرى ، وضمهم لـ لواء الدولة الاسلامية باحترام مقدساتهم ومعابدهم ايضا
وحتى عمر بن الخطاب سوالهم قضاء خاص فيهم .

هاذي مبادئ انطلق منها الفكر اللبيرالي، والاسلام كان سابق لهم .

 

[*E.B.D.A.3*]

الاخت نوفا ،
انا قررت اتجاهل كل الردود الطائفية .
وعشان جذي تجاهلت كلامها .

 

[ثريا الكون]

تسلمين صاحبة الموضوع لانج حياديه

 

[ثريا الكون]

والي تقول بسعوديه ليش محد يقول عالثاني انت طرثوث لا حبيبتي شكلج مو عايشه بالسعوديه ولا تعرفين ناس بالسعوديه عدل عندج البخاريين والجاوا وغيرهم الكل يطنز عليهم يمكن هل معلومه يديده عليج ؟؟؟؟؟؟؟؟

 

[حسن الخاتمة]

السلام عليكم جميعا حاولت اعرف الهدف من الموضوع ماعرفت للاسف الطرح مليان كلام يفرق ولا يوحد الخوات الي ايدو كلام صاحبة الموضوع اسمحولي بالنسبه للمخرجات لهذه السنه وصلت باختيار الشعب صح وليش نقول تعززت الطائفيه والقبليه ماهذه توزيعة المواطنين والنواب يفترض يمثلون الامه لابد يكون فيه السني والشيعي والقبلي والحضري والاسلامي وغيرهم لكن الغلط في الكلام الي انقال عن الاعضاء الي انعرف عنهم الدين والصلاح امثال النائب المحترم هايف وغيره اختي تري الاسلامين ليسو اعداء للامه وصلو لرغبة الشعب فعلا للتغيير الاسلاميييين امثال الدكتور الحربش والمطر والكندري وغيرهم هم خييييييييييييير من يمثل الامه واذا تعتقدييييين ان القبليييين وصلو بس لان قبيلتهم تصوت لهم هم غلطانه اعتقد كل الكويت شافت البراك والصواغ كم الاصوات الي حصلوها وانا متاكده ان كل فئات الدواير الي يمثلونهاصوتولهم ماله داعي بكل مناسبه الهجوم علي السلاميييين وعيب وغلط ومحد يسمح لككككككك تربطيين بين اعضاءنا المحترمييييييين والقاعده لاتسوييييييين روحك عارفه كل شي الطرح هذا نفسه خاطئ السلامييييييييييين خير من يمثل الامه والله ينصرهم لخدمة الدييييييييييييين والوطن ولانخاف علي ديرتنا ان شاء الله بوجودهم هم وامثالهم الخيريييييين الصالحييين المثقفين الي يخافون علي الكويت والهلها والله يعينهم مخرجات الثالثه الجاهل وقرينه

 

[بنت الازرق]

مافي نفس طائفي او قبلي هذي اختيارات الشعب

1عبدالرحمن العنجري نجح بأصوات البدو
2- عمار العجمي نجح بأصوات الحضر
3- بعد خسارة حسن جوهر شفنه تفاعل السنه معه

واحنا الحين بمفترق الطرق و مرحله خطيره جدا
فالو نبتعد ان النظر اللي الاسم يكون افضل او المذهب علينا من العمل
وهالمجلس نظيف جدا بعد صقوط اغلب القبيضه


,,,,,,,,,,,
:eh_s(17):

 

[chatterbox]

عفية بنات هدووووووا اعصابكم وطولوا بالكم شوي
كلكم كويتيات ليش تسمحون لأشخاص نواياهم التفريق انهم ينجحون بخططهم؟؟!!؟؟؟
انا متأكدة ان اللي نيته يفرق بين الكويتين قاعد يقرا كلامكم ويضحك مستانس لان صار اللي يبيه ونجح بأن يفرق بينكم وكل وحدة تغلط عالثانية
بالكويت محد احسن من احد كلنا الحمدلله ناكل ونشرب ونسافر وعايشين بنعمة وخير حتى الوافدين
شنو تبون احسن من جذي؟؟!!؟؟؟
واللي ناويلنا على شر نوقف بويهه كلنا ايد بإيد ونراويه ان احنا يالكويتين محد يقدر يفرقنا
الكويت للكل والكل للكويت مهما اختلفنا نظل كويتين اخوان سنة وشيعة وبدو وحضر واللي مو عاجبه ان احنا على قلب واحد يطلع يرد مكان مايه واللي بيحترمنا ويحترم ديموقراطيتنا حياه الله العين اوسعله من الدار
بنات الكويت حبايبي البنت اللي كاتبة الموضوع شيعية والا سنية حضرية والا بدوية هذا كله مو مهم المهم الي قاعدين نشوفه بردود بعض البنات الله يهداهم من وين يتنا هالعنصرية والطائفية؟؟؟ من متى الكويتين يقولون هالكلام حق بعض؟؟
حبايبي بنات الكويت ترى الكويت ديرتنا وامنا اللي ياما عطتنا وياما عزتنا ورزتنا جدام باجي الدير بالعالم
الكويت محتاجتكم الحين توقفون معاها مو توقفون مع نوابوالا مع مهب والا مع طائفة وتنسونها تخيلوها امكم وانتوا تتهاوشون واهي تطالعكم محتاجتلكم بس كل واحد منكم لاهي بنفسه ويدافع بقوة عن نائب معين او مجموعة نواب وبتفكيره ان اللي يصوت حق نواب غيرهم لازم يتهاوش معاه وزين ما يذبحه
لا تتبعون اصحاب الفتنة بدون قصد منكم هذا اللي اهم يبونه يبونه نتهاوش ونتلاسن وننسى اهم شي ننسى الكويت
اللهم احفظ لنا هذا البلد آمنا واحفظ لنا مجلسنا ونوابنا وشعبنا وعلى راسنا آل الصباح عمرنا ماعرفنا غيرهم ولانبي نعرف انشالله قولوا آمين
وسامحوني

 

[vanillaq8]

قواج الله

ع الموضوع الطيب