خبز الزيتون الايطالي اللذيذ (بالصور من تطبيقي)

[Q6RYA]

صباح الخير صديقاتي العضواتي​

اليوم جايبتلكم طريقة عمل الخبز الايطالي بالزيتون والصراحه من احلى مميزاته​

1. لذته وطراوته
2. سهولة تحضيره
3. بساطة مقاديره​

ومقاديره كالتالي:​

3 أكواب طحين
3 ملاعق طعام زيت زيتون
2 ملعقتين صغار خميرة
2 ملعقتين طعام سكر
كوب ماء مغلي ونص كوب ماء بارد (عشان يصير عندنا كوب ونص ماي بدرجه حراره 45 تقريبا)
ملح
زيتون (اي نوع اسود او احمر او اخضر حسب الرغبة في النوع والكميه) وانا هني استخدمت الاخضر المحشي بالبلو تشيز لان اهو النوع الوحيد الي كان متوفر عندي​

في وعاء تصبين كوب ماء مغلي ونص كوب ماء فاتر وتضيفين عليهم السكر ورشه ملح وملعقتين الخميرة وتحركين لما تذوب المكونات وتتجانس وبعدين تنخلين عليه الطحين وتخلطينه بيدج وتضيفين باقي المكونات الي اهي الزيتون وزيت الزيتون وتعجنين زين لمده عشر دقايق (راح يكون عندج لزج شوي حاولي تعجنين بظهر ايدج عشان مايلزق)​

بعدين تردين العجينه في الوعاء وتغطينها بفوطة مطبخ مبلله عشان ماييبس عندج سطحها وتتركينها نص ساعه وبعد نص ساعه راح تلقين العجينه حجمها تضاعف​

راح تضربينها بقبضه ايديج مثل الي في الصورة شان يطلع الهوا الي فيها وترجعين تعجننيها لمده 5 لين 10 دقايق بعدها تغطينها نص ساعه ثانيه​

بعد النص ساعه الثانيه نفس الشي تضربنها وتعجنينها بعد لمده لا تقل عن خمس دقايق (بنات العجن مهم لا تهملونه لان اهو الي يعطي الخبز طعمه وتركيبه) وبعدين تحطينها بصينية مدهونه بزيت ورشة طحين​

بعدين راح اتدخلينه الفرن مع وعاء ثاني فيه ماي عشان ينطبخ بالبخار لمده ربع ساعه (عشان الخبزه عندنا تكون مقتته من برا وطريه من داخل)​

وبعد 15 دقيقة تطلعين الوعاء الي فيه الماي وتتركين العجينه بعد نص ساعه وهذا شكله العجينه بعد الربع ساعه لما تطلعين الماي راح تكون انتفخت شوي​

وهذي النتيجة بعد النص ساعه​

طلعي الخبز وعطيه مجال يبرد لا تستعيلون عليه بنات اصبرو نص ساعه تقريبا قبل لا تقصونه عشان يتماسك​

واخر شي احنا سويناه سندويشات جبن وديك رومي وطبعا كان روعه (طبعا اهو ممكن يناكل مع الزبده او الجبن او اللبنه او زيت الزيتون وخل البلسميك او اي خلطة ممكن تسوينها) وطعمه حلو مثل المطاعم بالضبط​

وبهالنا والشفا يا بنات :eh_s(7): انتظر ردودكم​

تحياتي
قطرية​

 

[أريام الكويت]

رد : خبز الزيتون الايطالي اللذيذ (بالصور من تطبيقي)

الله اول وحده ارد مشكووووووووووووووووره وتسلم ايدج وجااااااااااااااااري التطبيق

 

[78MariMar78]

تسلم ايدك

 

[أحلى همبه كويتية]

مشكووووووووووورة طبق لذيذ وبالعافية

 

[Q6RYA]

يسلــمو عالردود حياكم بنـأت

 

[جارة القمر]

مشكووووووووووره

 

[Q6RYA]

العفو جاره القمر

 

[أحلى غزالة]

:rerrerek:روووعه
تسلم الايااادي​

 

[Q6RYA]

تسلمين احلى غزالة

 

[ام دليار]

رد : خبز الزيتون الايطالي اللذيذ (بالصور من تطبيقي)

تسلم أيدك

 

[Q6RYA]

العفو ام دليار

 

[um khaled]

يا سلام عليج

جد جد حلو

تسلم الايادي

 

[Q6RYA]

العفو ام خالد تسلمين مرورج الاحلى

 

[الإسراء]

تسلم الأيادي ..
شكله يشوووق ..

 

[tho tho]

رد : خبز الزيتون الايطالي اللذيذ (بالصور من تطبيقي)

يعطيج العافيه حبيبتي ع المقادير

 

[كريستال]

روووعه في روووعه

تسلمين حبيبتي

 

[Q6RYA]

حياكم بنات انتو الي روعه

نورتو

 

[ABEER FLOWER]

ماشاء الله

عجييييييييب

تسلم إيدج حبوبه​

 

[Q6RYA]

العفو عبيـر

 

[" بنت العز "]

تسلم الأيادى حبيبتى شكلها لذيذ