خبيرااات زلمسي تعالووو...

[’شمـ انثـى ـوخ/]

مرحبا حبيباتي شلوونكم...؟
فديتكم انا بروح انا وزوجي لزلمسي
وابي استفسر ممكن..؟:eh_s(2):...
تذاكر الطيران كم .. ؟
ابي احسن فندق ..؟ وسعر معقوول..
وحق مثلا اسبوع كم يبيلنا ميزانيه ..؟
ردوو علي تكفوون :eh_s(7):

 

[pink_girl]

اهلين حبيبتي
اهنيك على اختياركم زلمسي لانها رووعه وغصب تحسسك بالرومانسيه مع زوجك انا تو راجعه منها وكنت مسافره بس انا وزوجي عيالي خليتهم عند اهلي ورجعنا واحنا متفقين نكرر السفر مره ثانيه لفيينا وزلمسي وميونخ لانها صج كانت السفره رووعه وماتتعوض
انا سافرت اوربا كثير بس المناطق هذي اللي رحت لها اخر مره غييييير

بخصوص الفنادق فندق جراند زلمسي لايعلى عليه هو التوب في زلمسي

هذي صوره للفندق والاكواخ اللي وراه بعضها فنادق وباين هو افخم فندق في القريه وميزة القريه بس البحيره وهو الفندق الوحيد اللي موقعه على طول على البحيره كنا انا وزوجي ننزل ناكل البط ونجلس على البحيره ونرجع غرفتنا اما باقي الفنادق لازم تمشين شوي للبحيره
والفندق حجزناه كان سعره 1100 ريال مااعرف بالدينار كم بس حول 80 دينار يمكن
ومافيها اسواق ومولات هي عباره عن شوارع صغيره فيها محلات يعني مايحتاج تشترون شي من هناك ،فيها سوبرماكت اثنين او 3 ومطاعم عربيه وهنديه

نجي للمهم عندي لك نصايح :

1- اذا حجزتو في الفندق اطلبو غرفه فيها بلكونه مطله علي البحيره عشان المنظر مايتعوض عندي صور بس مااقدر احطها للاسف لانها شخصيه انا وزوجي فيها والفندق ترى مو فخم مرره نظامه ريفي الاثاث خشب بس نظيف واحلى فندق في المنطقه

2- اطلبو لما تحجزون الغرفه شي اسمه هاف بورد يعني نظام فطور وعشاء بالفندق لان زي ماقلت لك البلد ريفيه وخيارات المطاعم محدوده هذا اولا ثانيا اكل هذا الفندق مايتفوت يعني حتى اللي ساكنين برى الفندق يجون عشان مطعم الفندق صج لذيذ اكلهم لاتفوتينه وبكذا تكونون موفرين وجبه غير الاكل بالفندق رومانسي مع الشموع والجو خيال

3- في زلمسي لازم تاجرون سياره لان منطقة البحيره مافيها شي غير الفندق وحوله فنادق اكواخ صغيره ومحلات شوي يعني اسبوع بتزهقون احنا مااجرنا سياره وجلسنا فيها اربع ايام كنا نشوف الناس اللي ويانا بالفندق اذا فطرو بعد البوفيه يشغلون سيارتهم ويطلعون يتمشون لان اخذنا رحله بالباص السياحي لسالزبورغ وشفنا الطريق روعه كل شي اخضر والبقر يمشون قلنا ليت عندنا سياره عشان نتمشى كل يوم براحتنا ونوقف وننزل تمنينا ناجر سياره بس كان السبت يسكرون حتى رحنا انا ورجلي مكتب الانفرميشن قلنا يمكن يعرفون مكاتب فاتحه تاجر سيارات لان حتى ماكدونالدز في منطقه بعيده يبي لها مشوار 10 دقايق بالسياره بس للاسف مالقينا وعموما السيارات تاجيرها رخيص البي ام دبليو والمرسيدس اسعارها تقريبا 200 ريال باليوم

هذا اللي اتذكر الحين اي استفسار انا حاضره

 

[دلوعة أبوهآ]

زيلآمسي رووووووووووووعهه
بس أحس كثير اسبوع ع زيلآمسي يعني لو تضيفي فيينآ أو ميونخ
زيلآمسي حلوه ومنطقه هاآدئه
احسن فندق القرآند أو سي فيلآ


فيه بحيرة زيلآمسي + الزحليقه الصيفيه + قمة كابرون + مرتفعات شميتين ..
آدخلي العرب المسافرون وبتلآقي كل الامآكن والاحداثيات بالتفصيل ..


عندكم سوبر مآركت بيلآ رائع ورخيص ..

المطآعم
انطونيوس
علي بابا
علآء الدين
مطعم بيتزآ لذييييييييييييييييييييييذ بنفس طريق علآء الدين ..


واي استفسار حآضره بس ارسليلي ع الخآص ..
وسفره موفقه

 

[عبير-الشرق]

اهنيج علي اختيارج وانا رحت لاكثر دول اوربا اكثر شي عجبتني زلمسي ولارم تحجزين من ميونخ اوفيينا وتطلعين لزلمسي بالقطار بس اذا من ميونخ اقرب ساعتين لزلمسي وفيينا 4 ساعات انتي شوفي علي حسب جم يوم رحلتج وحددي المطار الي تبينه وبالنسبه للسكن انا سكنت بكابرون تبعد 10 دقايق عن زلمسي هاديه ومطله علي الجبال والفندق عجيب كان مرتفع والبلكونه لما تفتحينها تشرح صدرج مناظر الجبال شي روووووعه والريووووق عجيب القعده بره وتشوفين الطبيعه اذا تبين اسم الفندق دزيلي علي الخاص وانا حاضره بس الاسعار ماادري لانه كنا مع قروب فالتذاكر والسكن والمواصلات سعرهم كان 658 للشخص من غير الفيزا لمده 16 يوم( فيينا -زلمسي - ميونخ )

 

[ام العامر]

اب اب

 

[مشتطـه]

زلمسي كفايه جدآ عليها 4 ايام


لا تقعدين اسبوع راح يصير ملل حييييييييييييييييل


انا رحت مع زوجي 5 ايام يووووه بغيت استخف


احس ممله شوي يعني الطبيعه روووعه تهبل

بس 4 ايام كافي نصيييييييييحة


سكنت بقراند الليله ب 90 دينار مع ريوق وعشا

اكلهم نصه مو حلال ف مادري شناكل والاكل مو واااو عادي جدآ

مرات ما اشتهيه ناكل بره

الفندق مو فخم كأثاث بس موقعه رووعه

دريشتي تطل عالبحيرة

اهي فعلآ جنّه الله بالارض

بس حسيت يبيلها جمعه اكثر من اثنين

 

[غلا ريلي]

إختيارموفق شموخ أنثى
حبيبتي زلمسي فيها فنادق وشقق وايد احنا قعنا في شقة مو بعيده عن البحيره 5 دقايق وترى المشي هناك في متعه وتمرين على محلات ومطاعم ونااااسه
وبالنسبه حق فندق غراند هتيل موقعه وايد حلو بس عييبه إن قباله سكتة حديد يمر فيها القطار على طول فيكون إزعاج يمر فيها ليل ونهار فكل مابعدتي شوي عن البحيره أهدأ لج وإذا كانت عندج سياره مو مشكله المسافه

 

[غلا ريلي]

بالنسبه حق سعر التذاكر كل مابجرتي في الحجز تطلع التذاكر أرخص عن تجربه
بالنسبه للميزانيه إذا انتي بس راح تقعدين في زلمسي ماراح تكلفج وايد لأن مافيها تسوق الا شي خفييف تقريبا 1500 دينار
بس سويلج رحلات من زلمسي روحي كابرون فيها جبل الثلج وفيها الزحلاقيه الصيفيه والطائرات الشراعيه وشلالات كرمل وروحي ساسبورغ
وخلي يوم كامل حق زلمسي تمشي فيها عدل ترى اهي قريه صغيره تهبل وركبوا الطراد الي في البحيرة ويالليل قعدوا في كفيه
صدقيني راح تعجبكم

 

[غلا ريلي]

وزيدي الميزانيه احتياط
تزيد الفلوس ولا تنقص وتتوهقين

 

[انا نفسي تحب]

زلمسي جنه الله بالارض واهي المنطقه الوحيده اللي خذت قلبي بجمال الطبيعه سبحان الله جنه رسمه

 

[هدوتي]

بغيت اسأل كم المسافه من فرنسا وزلمسي تنصلح حق الاعيال

 

[امواج الكويت]

زلمسي جنه جنه تهبل ومالت عشاق ههههه يعني انتي وزوجج سكني فندق غراند واجروا سياره في محل رينت كار قدام الفندق واذا سكنتوا الفندق اخذوا معاه ريوق بس لان اكلهم الباقي مو حلال وما يعجبج وتقدرين تروحين ميونخ تنامون هناك وتردون وتقدرون تروحون زيورخ

ولا تنسين تشترين ايس كريم�� من المحل اللي جدام الفندق

 

[عجايب2009]

نصيحه سكني بكابروون هدوء وراحه ٥دقايق عن زلمسي شقق تووني حلوه

 

[عجايب2009]

وسعره معقوول ولايطوفج مطعم علي بابا والبرياني الي فيه يهبل صاحبه عراقي واذا خلصتي طلبي شاي