خبيرات الحياه الزوجيه فقط تفضلو

[بحة غياب !]

السسلام عليكم ورحمه وبركاته

بنات انا اللحين تزوجت من ثلاث شهور
بسس يابنات انا ابي اعود زوجي ان يجيبلي كل ششي ابيه اهو مو بخيل بس انا استحي اطلب منه
بس كله ادق على امي وخواتي واطلب منهم يا فللوس يااغراض ثانيه ششلون اقوله ابي فللوس ابي اغراض للثلاجه
بنات شلون اقوله يمششيلي مصرووف ششهري انا مو موظفه انا ادرس وتنزلي اعانه بسس يالله يالله تكفيني للكتب والمذكرات والبحوث واكل تكفون بنات انا صغيره مو كبيره عمري 19 ششلون اططلب منه ششلون افاتحه بموضوع الفلوس و وغراض البيت انا استحي وهذي مششكلتي الحيا الزايد

 

[mi corazon]

ادعي ان الله يسخره لج ويخليه كريم عليج

وروحي معاه المكان اللي تبين منه الشي ولي شريتي وحطيتي عند الكاشير لعبي بتلفونج او دقي على امج او اختج وسأليها عن مكان شي بالسوق .. يعني لطعيه عند الكاشير علشان يدفع

وبعدين كتبيله ورقه بالاغراض اللي تبينها وخليها بمكان يشوفه

او دزيله مسج

 

[ابي اصير ممثلة]

بسيطة كتبي له بورقة الي تبينه وحيها في بوكه او طرشي له مسج

 

[!الجادل الصعب!]

يعني شلون مآيدري ان بيته فآضي .. غلطآآآنه تآخذين من اهلج من البدآيه
ترآ بيتعود انج تدبرين الامور ويشيل ايده مره وحده ..
هالاعانه كلها 100 شتكفي .. مصرف للجآمعه والا لبس والا شنو بالضبط ..!

 

[sosowaty]

عاادي و دزيله مسج اذا كنتي تستحين

 

[بحة غياب !]

يعني شلون مآيدري ان بيته فآضي .. غلطآآآنه تآخذين من اهلج من البدآيه
ترآ بيتعود انج تدبرين الامور ويشيل ايده مره وحده ..
هالاعانه كلها 100 شتكفي .. مصرف للجآمعه والا لبس والا شنو بالضبط ..!

مايدري لانه انا مصرفه اموري من امي وخواتي
بسس صج بنات افكااركم حللوه جذيه مااكلمه وااسيتحي لما اكلمه بورقه احسسن

 

[كربون امها]

ليش المستحى زوجج له الحق يصرف عليج الشرع قال جذي
شوفي ياقلبي قعدي معاه ولازم القعده قبل لايطوف الوقت وتزداد المشكله
وقوليله مصروفي الشهري انا بحاجه له وطلبي المصروف اللي يكفيج
ان قالج وايد المصروف قوليله ميخالف انا راضيه بالقليل وتدلعي عليه وقوليله يهون عليك اكون محتاجه وحبيبي موجود لا خلى ولا عدم ان مانفع صبري عليه
ملزوم قلبه يحن اغراض البيت لاتعودينه انج تجيبين دزيله مسج وطلبي

 

[انثى عاشقة]

بالنسبة لاغراض البيت دزي له مسج حبيبي جيب هالاغراض وكتبيها
واي شي تبينه منه طلبيه لاتطلبي من اهلج باجر يتعود ​

 

[FeShinGoOo]

يعني اهو لما يشوف امج بتعطيج فلوس يسكت ؟؟
لا حبيبتي غلطانه .. امج مو ملزومه تعطيج فلوس اصلا عيب بحقج وبحق زوجج الناس اهلج اكيد راح ينقدون على زوجج بيقولون مايصيرف عليها او مقصر
وانتي توج 3 شهور ترى اذا تعود مايصرف ماراح يصرف
بالنسبه لماجلة البيت قوليله بكل اختصار فلان خنروح الجمعيه ابي اسويلك طبخه ومحتاجه اغراض
وبالنسبه للمصرف هالشي المفروض من نفسه يعرفه بس دامه مايدري لما تطلبين من امج فلوس دقي عليها جدامه
وقوليلها يما ابي فلوس محتاجه حيل وماعندي
اهو اكيد ماراح يسكت وراح يكلمج وراح يعطيج
غريب زوجج المفروض من نفسه يكون فاهم وعارف انه لازم يعطيج مصرف وماجله .. مو معقوله عروس ومخليلها البيت فاضي ..!!

 

[Queenleo]

بعد مايبيلها حياء
هذا ريلج وملزوم يصرف عليج
قووليله انا صرت ملزومه منك وينقصني اغراض ووابي مصرووف شهري

 

[بحة غياب !]

يعني اهو لما يشوف امج بتعطيج فلوس يسكت ؟؟
لا حبيبتي غلطانه .. امج مو ملزومه تعطيج فلوس اصلا عيب بحقج وبحق زوجج الناس اهلج اكيد راح ينقدون على زوجج بيقولون مايصيرف عليها او مقصر
وانتي توج 3 شهور ترى اذا تعود مايصرف ماراح يصرف
بالنسبه لماجلة البيت قوليله بكل اختصار فلان خنروح الجمعيه ابي اسويلك طبخه ومحتاجه اغراض
وبالنسبه للمصرف هالشي المفروض من نفسه يعرفه بس دامه مايدري لما تطلبين من امج فلوس دقي عليها جدامه
وقوليلها يما ابي فلوس محتاجه حيل وماعندي
اهو اكيد ماراح يسكت وراح يكلمج وراح يعطيج
غريب زوجج المفروض من نفسه يكون فاهم وعارف انه لازم يعطيج مصرف وماجله .. مو معقوله عروس ومخليلها البيت فاضي ..!!

هو مايقصر قايل حق خالتي اني انا مشغوله بدراسه فيدزون علي غدا لي وله والعشا مقزرينا ع المطاعم
اما من ناحيه البيت فانا بعض المرات اللي اشتري الاغراض اللي ناقصتني وامي اهو ماايدري اني اخذ منها عباله ان الاعانه مكفيتني اهو مو بخيل بسس البلا فيني انا مااطلب منه يسالني ناقصج شي البيت ناقصه شي اقوول لا سلامتك بس انا اقول اللحين انا توني عروس ماابي اطلب منه اشيااء كثييره بسس اخااف يتعود على هالشي وبعدين ماايتقبل

 

[شادن33]

حياتي لا تعودينه مايعطيج مصرف
قوليله بالفم المليان عطني حبيبي فلوس باخذ اغراض البيت شكو امج تعطيج
هاي بدال ماتعلمج الله يهداها
لاتخربين الريال من البدايه انتي صغيره وماتعرفين
مافيها شي حياتي *

 

[عبالي حبيبي]

مع البنات لاتعودينه تصرفين فلس واحد ولاتاخذين من اهلج

وقوليله عادي خلينا ننزل الجمعيه باييب اغراض البيت

موفقه

 

[توتا حمرا]

يعني اذا مااييب ماجلة مايفكر من وين الاغراض اللي بالثلاجة
عيب انج تطلبين من اهلج بطلي هالعادة وانتي لااتحطين شي بالثلاجة ابداً أكيد بجوفها فاضية قوليله خلنا انروح انييب ماجلة
واذا على المصروف ومستحية تطلبين بشكل مباشر قوليله انج تورطتي بالجامعة احاجتي شي واعانتج مخلصة
لازم اتعودينه يعطيج من البداية بعدين اذا تعود خلاص

 

[يكفيني حنانك..]

حبيبتي ماله داعي الحياء هو زوجك الحين ترا اكثر الرجال غافلين مايدرون عن شي ذكريه قولي الثلاجه فاضيه وعوديه تكتبين له الاغراض بمسج ويجيبهم او روحي انتي وياه..وبالنسبه لمصروفك نفس الحكايه قوليله مثلا ابي انزل السوق ناقصني اغراض خاصه فيني وعوديه كل شهر كذا ..بس حبيبتي بدون اسراف يعني على حسب قدرته لاتحملينه فوق طاقته

 

[Black-Prestige]

عادي مافيها شي طلبي منه بطريقه لبقه أو دزيله مسج

بعد هذي ما يبيلها مستحى الله يهداج هذا حق من حقوقج و حتى لو تنزلج أعانه إهو ملزوم يصرف عليج

وأغلب الرياييل جذي ما يدري لا عن ماجله ولا أغراض البيت لازم تقولين له إنتي

 

[Beyoncee]

دام سألج جاوبيه بكل صراحه
اشلون بتتعودين عليه وانتى تستحين منه
طيحى الميانه
قوليله خنروح نتمشى للجمعيه واشترو ا مع بعض الاغراض