خبيرات الكيك ابيكم

[ذكريات الطفوله]

السلام عليكم و رحمة الله وبركاته
تقبل الله صيامكم

عندي استفسار مهم بالنسبة لي

الكيكه لما احطه بالفرن تخترب ليش:eh_s(14):

مع انه المقادير نفسها

قالولي خلي الفرن يحتر
خليته يحتر

قالولي لاتشيلينه و تردينه

طيب شسوي
خليت الفرن اللي تحت لمدة 15 دقيقه
و بعدين سكرته و بطلت الفرن العلوي 15 دقيه

جذي صح ولا غلط​

 

[Rock & Roll]

رد : خبيرات الكيك ابيكم

حبيبتي انا مو خبيره بالحلويات اللي بالفرن
بس ليش تطفينه

اهما قصدهم يحتر
انج تشغلين اللي تحت مدة عشر دقايق وبعدين تحطين
الكيكه
وبعدين تقعدين تراقبينه بواسطة الليت مو تبطلينه عشان الحراره ما تطلع

ولمن تشوفين لونها صار ذهبي معناه نضجت
وتطفين اللي تحت وتشغلين اللي فوق
بس دير بالج
لان اللي فوق تحترق بسرعه ما تخلينها مده طويله
يعني وانتي عندها بس تاخذ اللون أشقر من فوق طفيهااا
وبالهنا والعافيه <<<<<<<<<<جني صدقت نفسي شوي
لوووووووووووول

 

[كنوشة 2009]

اهم شي حق الكيك لازم تشغلين الفرن قبلها بشوي وعلى قياس 180درجة بعدين تحطين الكيكة وحاولي ما تبطلين الفرن
واتركيها لمدة 45 دقيقة اذا كانت الكيكة كبيرة
ونص ساعة اذا كان كب كيك وعلشان تتأكدين ان الكيك خلص حطي سكين داخل الكيكة واذا اطلعت نظيفة يعني الكيكة خلصت واذا طلعت فيها كيك يعني بعدها ما خلصت وديري بالك لا تفتحين الفرن من فوق نهائيا بس تحت

 

[البدويـه]

رد : خبيرات الكيك ابيكم

وانا بعد كل مره تخترب معي

الفرن مالي صغير جدا

وتستوي بالاطراف بس
والبوسط بعدها ما ستوت واذا خليتها أكثر تحترق بالاطراف
والله تعبت

حتى اخواني يقولون سرت بيت علان وفلان
ما شاء الله عليهم أكلهم مرررره لذيذ

وانتي ما تعرفي شي
والله احبااااااااااااااط


بليز فيدوني

 

[ken.dary]

حبيبتي ... اول شي خلطة الكيك تكون صحيحة يعني البيض اول وبعدها السكر وبعدها الدهن والطحين والبيكم باودر ... المهم والأهم اذا فرنج غاز حطي الصينية فوق النص يعني مو في درجات حق الصينية اضن اربع درجات حسبي من تحت الدرجة الثالثة وخلي شوية الفرن يحمى وبعدها حطي الكيكة 45 دقيقة تقريبا راح تتحمر حتى من فوق ما يحتاج بعد تفتحين من فوق ... واذا فرنج كهربا شغلي الفرن فوق وتحت على 180دج .. وانشالله اذا اتبعتي هذي الطريقة تضبط ... سويها ورديلي خبر

 

[جارة القمر]

رد : خبيرات الكيك ابيكم

ممكن تقوليلي طريقتك بالكيك

http://www.q8yat.net/showthread.php?t=615138

 

[أبرار الود]

اه ياهذا الكيك الي يتعب الله يعين علية
نفس المشكلة

 

[Shine~Flower]

مادري

 

[dnyay_mll]

رد : خبيرات الكيك ابيكم

الكيكه لما تخلطينها بالمكسر لازم اتجاه واحد عشان تنفش بالفرن

ولازم الفرن يكون حااار 200 درجه قبل ماتحطينها

واذا حطيتها خليها ربع ساعه على 200 درجه وبعدها خففي الحراره 180 درجه

ولاتبطلين باب الفرن الا بعد نص ساعه

وشغلي الفرن من تحت بس

واذا استوت سكري اللي تحت وبطلي اللي فوق خمس دقايق بس

واذا بتتاكدين انها استوت

حطي سكينه بنص الكيكه واذا طلعت نظيفه يعني استوت

ولاتقلبين الكيكه الا لما تبرد