خبيرات امريكا ... مساعده اذا ممكن ؟!!!!

[galaxy]

بسالكم الفيزا اشكثر مدتها؟؟؟

وجم تكلف؟؟؟

علشان ابي اقدم عليها

 

[batoulizm]

حبوبه الفيزا للشخص الواحد 40 دينار وبعدين بعد المقابلة غالبا يقولولج بعد 3 ايام وشركة dhl تاخذ 5 دنانير عشان توصلج الجواز والفيزا لي البيت

 

[Queen-q8]

حبوبه الفيزا للشخص الواحد 40 دينار وبعدين بعد المقابلة غالبا يقولولج بعد 3 ايام وشركة dhl تاخذ 5 دنانير عشان توصلج الجواز والفيزا لي البيت

يالغالية انا جذي بس احنا اثنينا قالوا بعد 3 ايام

بس انا نفسج بس سألوني وسألوا ريلي عن شغلنا واذا رايحين من قبل طبعا لا

بس قالت هذي ابرروفد
وعطتنا اوراق للدي اتش ال

ومادام عطوكم اوراق الدي اتش ال يعني موافقين وراح اييون بإذن الله

والله يسهل عليكم ان شاء الله

عاد انا اقول لو مخلية سان فرانسيسكو لان لوس انجلوس وايد فيها اشياء ماراح يكفيج الوقت حق كل شي وما تسوى طيارة وتنقل وكلها اسبوعين :bbbiu:

بس يالله دام بخاطرج عليج بالعافية وان شاء الله تستانسين وايد بهالرحلة :edbf4317b9:

 

[galaxy]

حبوبه الفيزا للشخص الواحد 40 دينار وبعدين بعد المقابلة غالبا يقولولج بعد 3 ايام وشركة dhl تاخذ 5 دنانير عشان توصلج الجواز والفيزا لي البيت

----
مشكورة ماقصرتي
بس سؤالي الفيزا 3 شهور ولا جم بالضبط؟؟؟

 

[digital]

الفيزا مدتهه 10 سنوات بالتمام والكمال

 

[galaxy]

مشكوووووووووووورة

ماقصرتي

 

[batoulizm]

بنااات
مقابلتي كانت الاثنين الي طاف قالولي بعد اسبوع فيزة ريلي يعني تهقون متى باجر ؟!

 

[digital]

ان شاء الله باجر بس يمكن قصدهم اسبوع بدون اليمعه والسبت:eh_s(10):

 

[batoulizm]

تهقين جذي !!!!

لا المشكله انهم مايداومون الاحد بعد

 

[malekatsabaa]

الفيزا مدتهه 10 سنوات بالتمام والكمال

بنات

احنا عطونا فيزا 5 سنوات فقط!!

 

[digital]

ملكه متى سويتوهه؟؟

يمكن تغير النظام احنا سويناهه شهر 11 سنة 2006 وعطونه 10 سنوات

 

[Queen-q8]

حتى انا ملكة

عطونا 10 سنوات انا وريلي وعيالي 5 سنوات

بس في ناس يعطونهم بس 5 سنوات بس على اي اساس مادري

وديجتال مو على النظام اليديد ولا حتى قبل اصلا كانت 10 سنوات انا رفيجتي مسويتها 97 وكانت مدتها 10 سنوات

 

[galaxy]

مشكووورين بنات

ماقصرتوا


بس لازم افتح حساب في برقان؟؟


ولا ايداع بس واستلم وصل؟

واذا انرفضت الفيزا

يردون الفلوس؟؟؟البنك؟؟

 

[batoulizm]

لا حبيبتي مو لازم حساب بس روحي دفعي يعطونج وصل عن كل فرد وبس

واذا انرفضت قولي باي باي حق فلوسج عزيزتي حتن لو بتقجمين مره ثانيه تردين تدفعين

بنااات سالله صار اسبوع متى ؟؟؟؟؟
لازم انطر 7 ايام عمل 1!

 

[digital]

نطري نطري بعد شتسوين


وان شاااء الله يدزونهه :yaaaaaarb:

 

[اشراقة الحياة]

لا حبيبتي مو لازم حساب بس روحي دفعي يعطونج وصل عن كل فرد وبس

واذا انرفضت قولي باي باي حق فلوسج عزيزتي حتن لو بتقجمين مره ثانيه تردين تدفعين

بنااات سالله صار اسبوع متى ؟؟؟؟؟
لازم انطر 7 ايام عمل 1!

الله يعينج .......... عاد تصدقين اكره شي نطره تقعدين على اعصابج....الله يسهلكم

 

[galaxy]

لا حبيبتي مو لازم حساب بس روحي دفعي يعطونج وصل عن كل فرد وبس

واذا انرفضت قولي باي باي حق فلوسج عزيزتي حتن لو بتقجمين مره ثانيه تردين تدفعين

بنااات سالله صار اسبوع متى ؟؟؟؟؟
لازم انطر 7 ايام عمل 1!

--------------
اي ليش عاد؟؟؟؟

40 دينار مو شويه

هههههههههههههههههههههههههههههههههههه

 

[batoulizm]

اشراقة الحياة

اي والله عاد انا وحددده كل شي عندي ولا الصبر مااعرف دربه


galaxy

زين الحمدلله سفارات اوروبا تسوين تامين صحي بعد واذا ارفضوها تردين اتسوين تامين ورسوم فيزا وهذا شي طبيعي انه يردونج اول مره عشان يستفيدون اكثر

 

[digital]

batoulizm

هااااا شالاخبااار؟؟

 

[batoulizm]

Welcome to the hotel California




قولولي مبرووووك عطونا الفيزا

الله يسلمكم الوحده الي مافيها صبر شلون ؟!!!

انا ادش على موقع ال DHL باليوم ولا عشرين مره
االمغرب صدفه ولا واخيرا في بيانات عن جوازاتنا انها واصلتهم اليوم الساعه 4 ونص
وادقلكم عليهم قتلهم ها يالله متى بتوصلون جوازاتنا
قالي عقب باجر !!!!!!!!!!!!!!!!!!!!

اي انشالله عاد انا فيني صبر ...

قتله انا ابيهم شلون ؟
قالي تعالي استلميهم من الHead Office الساعه 7

وربكم واحد 7 و7 دقايق انا موقعه الاستلام اقصد ريلي
قعدته من النوم مسكين قتله روح

والمفاااااجأأأأأأأأأه
مبرووووك عطوني انا وريلي فيزا 10 سنوات

ولا بنتي المسكينه معطينه بس 5 !!!!!!

عاد انا ناويه بس يصير عمرها 5 سنوات اوديها ديزني فلوريدا

حلو اشوه بعد 4 سنوات و3 اشهر انشالله انها هناك معاها ما احاتي الفيزا


والحين ببلش اجراءات الحجز

انشالله 24-11 انا بسان فرانسيسكو و 9-12 ارد من لوس انجلوس

وبمر 3 ايام على لاس فيقاس و3 على سان ديقو

يالله عن اذنكم اروح اشوف الفنادق وانشالله افيدكم
واي استفسار حاضره لان صايرلي اسبوعين بس افتر بمواقع كليفورنيا حفظتها صم


ولي عنده اي اقتراح او فنادق حلوه بس مابي الليله اغلى من 150 دولار (باستثناء لاس فيقاس) يقولي عشان اوفر قد مااقدر حق السوووووووووووووووووووووووووووووووووووووووووووووووووووووووووووووق