خبيرات ايطاليـا وفرنسـا

[حقـوق]

السلام عليكم ورحمه الله وبركاته

بنات انا قررت اسافر الى ايطاليا وفرنســا وحبيت اعرف
شنو احلى الاماكن واسعارها وبعرف وين اسكن وشنو الاماكن الى تسوا اروح لها والى ماتسوا يعني ابي الى ترد يكون ردها واضح وشامل الاستفسارات .. وبعرف اماكن التسوق وشنو الماركات الحلوه الى هناك وشلون طريقه المترو وهل السياحه هناك سهله ويمشي فيها الى اول مره يسافر للديره ولا راح يتحسف وصعب يتعلم !!!​

 

[_zahra]

انا حابة كذلك اعرف بخصوص فرنسا والاهم الاماكن التراثية والتاريخية,,

 

[Chic & Unique]

و انا نفسج مقرره ان شاء الله اني اروح فرنسا و ايطاليا و هم لندن و ناطره الافاده معاج

 

[كويتيه عنيده]

انا حيييييل خاطري في ايطاليا بس ياربي محتاااره يقولون لي حااااره حيييل

والله ضيقو خلقي قالو نفس حر الكويت

وبصراحه الواحد ينحاش من الديره عشان يغير جو

مدري بليز شجعوني

وابي اعرف شنو المناطق الي حاره فيها ؟؟؟؟

لايكون كلها حاره ماترقع !!!!!!!!


بليييز ابي رد شااافي<<<<

 

[رتو الكيوت]

نصيحه ايطاليا لاتروحون لهاااااااااااا ايام صيف وعطل

لانها حاااااااااااااااااااره + زحمه + السووووق ملطوووووووووووووووووووووووووووووووش

والله ماتستمتعووووووووووووووووون كلش : (

 

[_zahra]

و فرنسا؟

 

[حقـوق]

وينكم بنات بليز .. نبي رد واضح .. واذا على الجو عادي نتحمل .. بس نبي الاماكن الى تونس
والى تسوا نروح لها والاسواق وهالشغلات

 

[يا لبى روحك]

فرنسا حلوه حييل بس فيها عيب واحد انها بالصيف ماتقدرين تقعدين باي قهوي بالشانز لان الامراء السعودي اغلب الاوقات وخاصه بعد الساعه 6 يحجزون القهوه كامله لهم وبس باااريس روعه فيها الحي الايطالي يونس فيه قهاوي تغنيج عن الشانز وفيه محلات تونس بضايعها فرنسيه وايطاليه رووعه اسمه الحي تجلي وباص مثل باصات لندن المكشوف يفر فيج باريس كلها واذا حبتي تنزلين ينزل وجنه تذكره تكون صالحه لمده يومين وفيها رحلات بالنهر وفها متحف اللوفر وتقدرين تصعيدين قوس النصر بس هااا درج حبايبي حديد دائري يفر الراس ماكوو اصنصير والله باريس ونسيه حيل وحتي ايطاليا تونس وشعبها يهبل يحب الناس وفيهم صفات العرب الايطاليين بس مووووووووووووووووووووووووت حر حيييييييييييييييييييل وزحمه حييييل تقربيا مثل الكويت بسوق ايطاليا وااااااااااااااو يصك ع فرنسا كلهااااااااااااا


روحي ميلان كل شي فيهاااااااااااا ديره السوقه المصيبه انا اسميهم صعبه والله موحافظتهم
ودشي عل منتدي العرب المسافرين وشوفي

بس ع فكره باريس ناااار حيييل حيييييل وهم ايطاليا غاليه حييييييييييييل(من ناحيه الفنادق والتاكسي والقهاوي والشونبق) فلازم ميزانيه كبيره
اذكر قعدت باريس 10 ايام دفعت انا وريلي 3000 وشي هذا الحجي قبل 4 سنوات والحيين شوفي اكييد زادت الاسعااار

 

[thailand lover]

فرنسا انا سنت افندق اسمه فيرست هوتيل و المترو بالمره جدام الباب و خمس دقايق من برج ايفل و عندج جالري لافييت و عندج وايد اماكن ,شي عندج دزني لاند بس هذا حبيبت الي اعرفه عن فرنسا بس ايطاليا مااعرف عنها بس سمعت انها حاره في الصيف

 

[_zahra]

يزاج خير دنيا واخرة يا لبي روحك

 

[_زينه_]

مرحبا صبايا
انا عن نفسي زرت ايطاليا صيف 2010 وفرنسا تحديدا باريس 2007
وزرت بايطاليا ميلانو وفنيسيا
ميلانو حيييل حاره والشمس حاره نفس الكويت بس صراحه تسوق ولا اروع وغالي سوقهم طبعا اما عن فنيسيا شي خيال ورائع وهمن حاره
بس مافيها سوق بمعنى سوق كوشكات صغيره وفيها ينباع تيشيرتات واكسسوارات وكبابيس واقنعه اهم شي كاب فينيس
فا انصحج فيها خصوصا القارب ينن ورخيص مو غالي ياخذج بالممرات الضيجه وحلو وتشوفين مباني روعه خياليه كأنها رسمه وتكاسيهم عباره عن قارب شي حيل حلو ويونس

اما عن باريس حلوه وايد وجوها حلو سكنا في مريديان و كان موقعه في بدايه الشانزيليزيه صراحه اهيا حلوه باريس بس بوجهه نظري يعني عاديه قهاوي ومطاعم ماكو طبيعه كلش بس نهر الراين وتركبين القارب و تزورين برج ايفل وديزني لاند تبعد بالقطار عن باريس 45دقيقه يعني موبعيده وايد وفي مطعم ايراني حيل حلو بالشانزليزيه سألو عنه اللي صورت فيه نوال الكويتيه اغنيتها انا جربته وحلو بس ناسيه اسمه

اي تذكرت وفندقنا في ميلانو ناسيه اسمه والله وعندي صور بس ما اعرف انزل الصور للاسف

واي سؤال عن اوربا حاضره لاني زرتها تقريبا كلها فا ما عندي اي اشكال
واتمنى اكون فتدكم

 

[_zahra]

طيب زينه اذا مصرف لاسبوع مثلا كم بيكفي؟ وشكرا لج

 

[حقـوق]

مشكورين البنات الى ردوو جزاكم الله خير .. ابي اماكن اكثر .. يعني اشياء اثريه اسواق شعبيه .. وشنو المطاعم الحلوه .. وشنو الاماكن البايخه .. لان مابي اتعنا واخر شي على شي مايسوا ... يلا بنات خبيرات اوربــا نبي تجاربكم نبي نستفيد اكثر