خبيرات تايلند ~ مساعده بلييز

[قموووره]

قموره

ياهلا ياهلا ومرحبا


بليز انا اول مره اروح انتي متى رحتي لها ومع زوجج والا اهلج؟
ابي اسألج بالنسبه للوضع اهناك صج يقولون مفاصيخ وماتروحين
لها مع زوجج حتى اهلي ذبحوني شلون تروحون لبوكيت خاصة
بوكيت صج هالكلام ودامج رايحه وشايفه الوضع قوليلنا^_^

انا بماليزيا وهي دولة مسلمه شفت عراقيات تعالي طالعي
اللبس بليل احنا كنا نقعد بكفيهات وتمرنا هالاشكال هذا
وهم بملابس شلون اذا مفاصيخ

وبالنسبه للبخور والكمبودي هذا احسن محل وشنو اطلب منه
مجربته انتي او ماخذه هدايا؟؟؟

ماعليه ازعجناج بالاستفسارات حبيبتي

لا عادي حبيبتي
انا كنت اروح مع ريلي ... بانكوك مافيها ذيج الفصاخه بس السيقان الي طالعه بكل مكان او شورتات ! هذيل عادي مسترين بس مصيبه سيقانهم تينن ههههه
بس بوكيت طبعا جزيره وجو الجزيره يعني بحر فتهقين شنو بيلبسون حق السباحه؟؟؟؟ عاد انتي وحظج طبعا هذا بالنهار وقت باحتهم تلاقين حتى الي بالشارع مفاصيخ علبو طالعين من البحر
بس هم اقولج يعتمد على المكان انا اقعد بالباتونج بيتش وهي طبعا احسن منطقه في بوكيت وهم يعتمد على الفندق بعد ؟!
يعني اعرف وحده راحت تقول ماشفت ذيج الفصاخه عادي ! وانا شفت افلام اباحيه بالشارع بعد وشفت وحده تبدل هدومها بالشارع مولابسه ولاااااااااااااااا شي
اقولج حسب المكان وحسب الظروف بس حطي بحسابج ان المناطق الي فيها بحر وحمامات سباحه لازم تشوفين مفاصيخ
بس والله حتى مفاصيهم من كثرهم تحسين جنهم كرمج الله جلاب ​

 

[قموووره]

صراحه الي يروح تايلند ومايروح بوكيت لايروح احسن لان بوكيت اهي العجيبه صراحه جنة الله بالارض بس لاتغارون لان وراكم رحلات تونس وحلوه وبنفس الوقت بيرتفع ضغطكم من الي معاكم
والله انا ماخليت شي بخاطري وبالطقاق خل يطالع بس اقوله الناظر والمنظور في النار وانت كيفك هههههه المهم استانس انا​

 

[غلاي وروحي]

قموره

حياتي ماقصرتي اي هم ماليزيا جذي لبسهم شورتات
والسيقان نعووووومتهم وبياضهم خطير^_^

عدل كلامج بس انا مريت على كلام وحده كاتبه موضوع
اهني انه الباتونق بيتش اكثر شي تشوفين فيه هالاشكال
المنتهيه بس فيه بيتش ثاني نسيت اسمه تقول احسن منه
شوي

هههه عاد اللي عندي الخز موطبيعي يعني عادي يبقق
عيونه ويطالع وانا معاه وتشوفينا مناجر عالموضوع هذا
يقولي انا اطالع مستغرب الوضع الله يالعذر^_^


بس تبين الصراحه احنا يالحريم نخز ونستغرب شلون
الرياييل ماينلامون صراحه

 

[غلاي وروحي]

Cuti

لقيت لنا هالمعلومات





السلام عليكم ورحمة الله وبركاتة*

هذي اول مشاركة لي معاكم في منتداكم المبارك .. واتمنى ان يكون الموضوع ينال اعجابكم ورضاكم*

الاسواق والمجمعات كثيرة في بانكوك*

ولكن أن شاءالله راح اقدم لكم الاسواق الرخيصة واللي راح تستفيدون منها*


1- بوبي شوب*

( هذا سوق شعبي (( للأطفال )) عجيب بمعنى الكلمة ورخيص جداً جداً ) للأطفال فقط )

ملاحظة : هذا السوق بالجملة .. ويمنع فيه المفرق .. قد تجد من يبيعك مفرق ولكن نادر*

مثال البجامة للطفل في دولنا اسعارهم 20 ريال وطالع*

اما في هذا السوق 12 حبة سعرها 100 ريال او 120 ريال*

-----------------------------------------------

2- السوق الصيني ( جاينا تون )

هذا السوق كبير جداً جداً جداً ... ولكن اكثر العرب لا يعلمون بأن هذا السوق مقسم الى مجموعات*

1- مجموعة : أدوات مدرسية ومكتبية*
2- مجموعة : ملابس أطفال و اولاد
3- مجموعة : أحذية*
4- مجموعة : هداية وتغليف
5- مجموعة : أغراض الرحلات والغوص
6- مجموعة : للسيارات والدرجات (( كل مايخص السيارة )) مسجلات + سماعات + والله كل شي موجود اللي في بالك واللي ما يمر في بالك راح تشوفه*
7- مجموعة : الكترونيات ( كل شي كمبيوتر تلفزيونات المهم كل شي واسعارهم روووووعة )
8- مجموعة : للأقمشة ... الخام الكشميري المتر ب 300 ريال عندهم المتر لا يتجاوز 15 ريال
9- مجموعة : للألعاب النارية*
10- مجموعة : لألعاب الأطفال
11- مجموعة : تلفزيونات + dvd للسيارات ... أسعار خيالية انا اشتريت dvd للسيارة على السقف ب 480 ريال ... مثلة بالضبط يباع في قطر 1900*


ما ابي اطول عليكم بهذا السوق لكن اتمنى من يزور هذا السوق ان يلف فيه لو لانه مساحتة اكبر 30 كيلو

------------------------------------------------------------

*
---

3- سوق الاحد ( ساندي ماركت )*

هذا السوق يفتح فقط يوم الاحد من الساعة 6 الصبح الى 6 المغرب ... والله يعينكم على الزحمة*

كل شي موجود في هذا السوق انا بقول الاشياء الحلوه اللي فيه*

ملابس للجنسين صغار وكبار + ديكورات + احواض سمك روووعة ورخيصة + شموع + اباجورات + واشياء كثيرة

-------------------------------------------------------------

4- باتونام*

أكيد الناس وفت وكفت عن هذا السوق*

------------------------------------------------------------

5- كمبيوتر ستي

هذا مجمع مكون من 5 طوابق فقط للكمبيوتر واكسسوارته رووووعة + أفلام*

الدور الرابع : يباع فيه كمبيوترات مستعملة وقطع غيار مستعلمة ولكن رخيص جداً*

لاب توب مميزات حلوه ب 600 ريال نفسه جديد سعره 3800 او 4000 ... اذا زرتوا هذا المجمع سوف تعرفون*

وأكثر المحلات في الخليج تشتري الاغراض من هذا المجمع*
----------------------------------------------------------

6- مجمع mbk او طوكيو

غني عن التعريف*

=============================================

هذه الاسواق والمجمعات جميعها في بانكوك


والسلام عليكم ورحمة الله وبركاتة

 

[قموووره]

اي في غيره كمالا بيتش وكاتا بيتش بس الباتونج احسنهم ما يقارنون فيه بالمره حتى شكله غير الشاطئ مالهم تحده الجبال من الصوبين وشكله روعه غييييييييييييييييير​

 

[قموووره]

هذي صور الباتونج بيتش​

 

[قموووره]

بيبي ايلند وهذي تروحينها من بوكيت

وهذي جزيرة جيمس بوند هم تروحينها من بوكيت

 

[غلاي وروحي]

قموووره


الله الله خوش صور شوقتيني ^_^

 

[قموووره]

سوق الاحد في بانكوك او سندي ماركيت

بس ترى موشي !!! ماراح يعجبكم جنه سوق الحراي عندنا يعني حتى الحيوانات عزكم الله يبيعونها فيه​

 

[قموووره]

وهذا السوق الصيني

اذا بتروحينه اخذي معاج البنكه او المروحه الي تشتغل بالبطاريه لان حر من الزحمه​

 

[نياره]

اب اب

 

[ام الفهد712]

مجمع سيام مافي تقليد كلش كله ماركات مجمع حيل راقي
وبنص المجمع تلقين محلات يسمونه سينترال هذا نفس دبنهامز بس اكبر كل دوور في شي واغراضهم هم ماركات وصناعه هاندميد في الرخيص والغالي ونبشي باغراضهم اطيحين على شغلات حلوه اتوقع هالمجمع بيعجبج وعطيني رايج فيه لما تردين بالسلامة

وطوكيو في ماركات وفي تقليد وفي محلات عاديه المجمع حلووو

وعندج بلاتنيوم هذااا يونس انا طحت فيه طيح بس افتر بدوور الاكسسوارات طبعا كل شي فيه بلاتينيوم
اي ونسيت ببلاتينيوم راح تلقين اللي يبيعون فرش الميك اب اخذي منهم اذا تحبين الفرش فرشهم تينن
واسعارهم حلوه

وعندج سوق الاحد(سندي ماركت) هذا عجييييييييييييييييييييييييب انا قعدت شهرين بتايلند كل احد اروحله بس صج حر وشوي ريحه بس يونس شفتي البضاعه اللي اييبونها عندنا بالمعارض ويبيعنهم بالعشرينات والثلاثينات هناك نفسهم اهم تلقينهم بسته وخمسه انا يايبتلي جم قطعه ومن شهر شفتهم بالمعرض انصدمت من السعر دبل الدبلات والمشكله لقيت نفس قطعتي اختهاااا تقولي سعرها ب30 واخر شي ب25 وانا ماخذتها ب4 ونص تقريبا شفت الفرق

وبالنسبة حق التفصخ لا عادي اهم لبسهم جذيه راح تتعودين يصير عندج مناعه من تفصخهم ههههههههههه

وانا شغل فريده وغيرهاا مايعجبني كلش لان ماحب التقلييييييد كلش ملش عندي اخذ جنطه بو عشره وعشرين عاديه ولا اخذ تقليد لو درجة اولي

وشارع العرب اصلا ان دشيتيه بتحسين انج بالخليج مو تايلند

وعندج بشارع العرب اللي تبيع تقليد ماك اسمها فاطمة تختوووخه ومتحجبه حبوبه حيييل اسعارها حلوه انا خذيت منها الاصباغ والحمر بس

وبالنسبه حق بوكيت من زمان رايحتلها وناسيه المجمعات اللي فيها رحت سنة2001

انا السنه اللي طافت رحت بانكوك وبتايا بتايا عجيييييبه اعجبتني احلى من بوكيت ومجمعاتها حلوه وراقيه وشوارعهاا نظيفه ومافي ريحة نفس بانكوك

هذا اللي على بالي حاليا واي شي تبين بالخدمة حبيبتي

 

[غلاي وروحي]

ام الفهد

مشكوووره حبيبتي عالمساعده بس بغيت اسألج عن الفنادق
المكتب السفريات حجزت لي بشارع العرب نفسه
شرايج مو عند البلاوي والمصخره سمعت انها بنفس
هالشارع ياليت تفيدينا؟؟؟؟

 

[.Cuti.]

مجمع سيام مافي تقليد كلش كله ماركات مجمع حيل راقي
وبنص المجمع تلقين محلات يسمونه سينترال هذا نفس دبنهامز بس اكبر كل دوور في شي واغراضهم هم ماركات وصناعه هاندميد في الرخيص والغالي ونبشي باغراضهم اطيحين على شغلات حلوه اتوقع هالمجمع بيعجبج وعطيني رايج فيه لما تردين بالسلامة

وطوكيو في ماركات وفي تقليد وفي محلات عاديه المجمع حلووو

وعندج بلاتنيوم هذااا يونس انا طحت فيه طيح بس افتر بدوور الاكسسوارات طبعا كل شي فيه بلاتينيوم
اي ونسيت ببلاتينيوم راح تلقين اللي يبيعون فرش الميك اب اخذي منهم اذا تحبين الفرش فرشهم تينن
واسعارهم حلوه

وعندج سوق الاحد(سندي ماركت) هذا عجييييييييييييييييييييييييب انا قعدت شهرين بتايلند كل احد اروحله بس صج حر وشوي ريحه بس يونس شفتي البضاعه اللي اييبونها عندنا بالمعارض ويبيعنهم بالعشرينات والثلاثينات هناك نفسهم اهم تلقينهم بسته وخمسه انا يايبتلي جم قطعه ومن شهر شفتهم بالمعرض انصدمت من السعر دبل الدبلات والمشكله لقيت نفس قطعتي اختهاااا تقولي سعرها ب30 واخر شي ب25 وانا ماخذتها ب4 ونص تقريبا شفت الفرق

وبالنسبة حق التفصخ لا عادي اهم لبسهم جذيه راح تتعودين يصير عندج مناعه من تفصخهم ههههههههههه

وانا شغل فريده وغيرهاا مايعجبني كلش لان ماحب التقلييييييد كلش ملش عندي اخذ جنطه بو عشره وعشرين عاديه ولا اخذ تقليد لو درجة اولي

وشارع العرب اصلا ان دشيتيه بتحسين انج بالخليج مو تايلند

وعندج بشارع العرب اللي تبيع تقليد ماك اسمها فاطمة تختوووخه ومتحجبه حبوبه حيييل اسعارها حلوه انا خذيت منها الاصباغ والحمر بس

وبالنسبه حق بوكيت من زمان رايحتلها وناسيه المجمعات اللي فيها رحت سنة2001

انا السنه اللي طافت رحت بانكوك وبتايا بتايا عجيييييبه اعجبتني احلى من بوكيت ومجمعاتها حلوه وراقيه وشوارعهاا نظيفه ومافي ريحة نفس بانكوك

هذا اللي على بالي حاليا واي شي تبين بالخدمة حبيبتي

ياااااقلبي جزاااااج الله الف خير . والله يعطيج العافيه صج صج ماقصرتي :eh_s(9): والله يجعله بميزان حسنااااتج امييييييييييييييييييييييييين

 

[.Cuti.]

Cuti

حبيبتي بتروحين بوكيت والا بس بانكوك؟؟؟
ومع ريلج ^_^

والله مادري شكلي بفر تايلند كلها لوووووووول ايهم احلى بوكيت ولا بانكوك حق التسوق :eh_s(22): اي ريل انا عمري 15

 

[.Cuti.]

بيبي ايلند وهذي تروحينها من بوكيت​

وهذي جزيرة جيمس بوند هم تروحينها من بوكيت​

واااااااي لا المناااظر تحطيييييييييييييييييييييييييييييييم شوقتيني اروووح بزياده الله يستر شكلي ماراح اركز بالامتحانات :eh_s(4):

 

[ام الفهد712]

غلاي وروحي لايكون حاجزين بفندق جريس هذا بوسط المعمعه انا ماحبيته كلش الفندق اصلا بتلوع جبدكم من الاشكال اللي بتوقف بره صوب الفندق الجنووس وغيرهم ينطرون الشباب استغفرالله

احنا حجزنا فندق الشارع اللي ورى شارع العرب مكان هادي ونظيف موحافظه اسم الفندق انطر ريلي بس يرد من الدوام واساله
وتقدرين تروحين مشي حق شارع العرب بين فندقنا وشارع العرب المستشفى الامريكي

 

[ام الفهد712]

اسم الفندق فورما اكسكلوسيف سوي ون يسمونه fx اختصار واايد هادي ونظيف وتعاملهم حلووو والريسيبشن في منهم مسلمين وايد ارتحنا فيه الحمدالله

 

[ام الفهد712]

cuti بانكوك حق التسوق حلوه وفيها جم رحله بس

اما بتايا وبوكيت مجمعاتهم شوية يعني سياحة ورحلات اكثر

يعني باختصار استانسي بوكيت وشري بانكوك

 

[nosa*]

اي حبيبتي باجي المجمعات عندهم ماركات غالية و في عادية