خبيرات تركيااا بليز بليز عندي اسئله وابيكم تجاوبون عليها

[زقرتية]

السلام علييكم يا بنات
كنا ناوين بعطله الصيف نروح تايلند بس بسبب الاوضاع هونه وانشاءالله بنروح تركيا
بس حبيت تقولولولي
1- شنو احلى المجمعات والاماكن السياحيه ابسطنبول واقل شي جم يوم نقعد فيها!!
2-الاماكن السياحيه والاماكن الحلوة والمجمعات في بورصه؟
3-وجم تبعد سطنبول بالباص لي بورصه؟
4-ومن بورصه لي انطاليا جم ساعه بالباص تقريبا ؟ وهل نروحلها بسفينه؟؟ والا بالباص افضل؟!
5-وشنو المناطق اللي حيل قريبه من بورصه واسطنبول؟ وتسوى نروحلها ؟ وجم المده بينهم؟
6-واللي يعرف شي عن ( يالو وبانت طرابزون وازونجول) وين موجودين!! وهل نقعد بفندق فيهم!! او نروح لها بسياره من سطنبول وبورصه؟؟ وشنو الاماكن الحلوة فيهم ؟
7-ووين القى مكاتب السياحه اللي تودي الرحلات بقروب!!
8- وتقريبا رحل التلفريك والجبال الرحلات والبحريه جم سعرها لشخص الواحد ؟ووين موجوده!!
9- واذا تعرفون شقق فندفيه حلوة ونظيفه وسعرها معقوله في بورصه وانطاليه!
10- وشنو الفنادق الزينه وهمن نظيفه ورخيصه؟
11-واخر شي جم تقريبا نكلفه الشخص الواحد من غير تذاكر واقامه لمده عشر ايام
**ادري حيل طولت علييكم بس لانه سمعت بتركياا نها وايد حلوووة بس للاسف ما اعرف عنها شيوالف شكر لكم وجزاكم الف خيرر

 

[زقرتية]

??بليز ابي احد يجاوبنييي

 

[أميره بلا قصور]

حلوووه قبل جم سنه بس ناسيه شغلات شكثر عنها
بس اللي للحين اتذكره ايس كريم مالهم يمي يمي

دشي موقع العرب المسافرون راح يفيدج

 

[البيداء_77]

http://http://www.q8yat.net/showthread.php?t=372527


دشي هالموضوع بتلاقين اللي يجاوبج ان شاء الله

 

[جبنة بيضة]

و الله انا بعد ودي اروح ان شاء الله و اتمنى البنات يفيدونا

 

[@@نينارتشي@@]

هلا والله حبيبتي انا كنت فيها من ست اشهر اسطنبول حدها اسبوع مو اكثر بس حلوه
وبورصه ماحبيتها صراحه بعيده وتعب ماتسواا
والمسافه من اسطنبول الى بورصه اول شي تركبون سياره الى البحر يمكن ساعتين وبالسفينه ساعه وبعدين تركبون السياره هم بعد ساعه ونص تقريبا 4 ساعات ونص احنا تعبنا
وحتى جزر الاميرات ثلاث ساعات بالبحر واخر شي ماتسوى مافيها زود
والمولات احنا رحنا بس مول جواهر
واذا على الاسواق لايفوتج البازار المصري والسووق المسقووف رووووعه انا استانست فيهم
شارع تقسيم رايق وحلو وجولة البسفور من اروع مايكون.
واتمنالج رحله سعيده

 

[(( غلا زوجـي ))]

انشالله البنات ايفيدونج
انا اذا الله كتب بروح ثلاث ايام شهر سبعه

 

[خوش فكرة]

hjhsdjsdc

 

[جوووونم]

انصحج تمرين على يالواا لأنها حلوة ومافيها الا فندق واحد بالمنتجع نفسة بس مو ذاك الزود
وفيها شقق فندقية بس ما ادري عنها
وعلى فكرة مجمعاتهم نفس مجمعاتنا ما يفرق عنها شي
بس تر اخذي مبلغ راهي لانها صايرة وااايد غالية
وعلى المسافات بين المناطق ما ادري
بس راح تستانين انشاء الله بتركيا لانها حلوة واايد
رحلة سعيدة انشاء الله

 

[جوووونم]

حبيت اضيف ان من اسطنبول لين يالوا مو وايد ساعتين مو اكثر بالسفينة بس ونااسة
ومن اسطنبول لين جزيرة الأميرات مو أكثر من ساعة هم بالسفينة

 

[خوش فكرة]

السلام عليكم
1- شنو احلى المجمعات والاماكن السياحيه ابسطنبول واقل شي جم يوم نقعد فيها!!
مجمع كانيون-اسيتينيا بارك-جواهر-فوريوم استنبول طبعا تقسيم شارع الاستقلال والاماكن السياحية طبعا منطقه سلطان احمد كل الاثارات فيها توب كوبي اياصوفيا يرباتان سراي وتسوى 4 ايام تكونين كفيتي ووفيتي

2-الاماكن السياحيه والاماكن الحلوة والمجمعات في بورصه؟
التلفريك -جبل الاولاغ- اللونابارك الحديقة المائيه- شاطئ مودانيا-اما المجمعات زافر والكوروباك وسوق الحرير والفباله شارشه-المزارات التاريخيه قريبه من السوق

-واللي يعرف شي عن ( يالو وبانت طرابزون وازونجول) وين موجودين!! وهل نقعد بفندق فيهم!! او نروح لها بسياره من سطنبول وبورصه؟؟ وشنو الاماكن الحلوة فيهم
بولو ابانت قريبه من بورصه حلوة ورومانسيه -اما طرابزون وازنجول تقع في الشمال التركي وهي حلوة لمحبي الخضرة والهدوووووووء
-فيها فنادق بس تبي حجز مسبق لان وايد ناس هابين فيها-واذا معاكم سياره احسن-وفي باصات اتودي لطرابزون

7-ووين القى مكاتب السياحه اللي تودي الرحلات بقروب!!
كل مكان بس سألي عنهم مابضيعين


3-وجم تبعد سطنبول بالباص لي بورصه؟
بالباص يمكن 3ونص ساعه بس بالعبارة احسن لانها ساعه ونص من اسطنبول طبعا


4-ومن بورصه لي انطاليا جم ساعه بالباص تقريبا ؟ وهل نروحلها بسفينه؟؟ والا بالباص افضل؟!
تقريبا 7 ساعات بس ممتع الطريج مافي سفينه في طياره او باص طبعا والطيران من مطار صبيحه او اتاتورك


- وتقريبا رحل التلفريك والجبال الرحلات والبحريه جم سعرها لشخص الواحد ؟ووين موجوده!!
اسعارها تختلف من رحله الى اخرى وتلاقين التذاكر عند البوابات لهذه الاماكن


-وشنو المناطق اللي حيل قريبه من بورصه واسطنبول؟ وتسوى نروحلها ؟ وجم المده بينهم؟
يلوا قريبه من بورصه وازنك وطبعا بولو ابانت اما اسطنبول ما تحتاج تطلعين منها لانها دنيا ثانيه (في راي الشخصي)

11-واخر شي جم تقريبا نكلفه الشخص الواحد من غير تذاكر واقامه لمده عشر ايام
يعتمد على مستوى الصرف هل اكل ومواصلات ورحلات ام تسوق وهدايا ومشتريات بس عموما تركيا بالصيف غاليه حطي هالشي في بالج
وانشالله اكون افتدج باللي اعرفه