خبيرات تركيا \\يرجى الدخول

[الفاتنة]

السلام عليكم

بعد قلبي يالغاليات ابي اسافر لتركيا مليت من هالحر واحنا 2 كبار و2 صغار اقل من 4 سنوات

حبيباتي ما تقدرون تقولولي اشكثر تكلف السفرة (ميزانية ) اذا 15 يوم تقريبا

يا ريت تساعدوني عشان يمديني احن على الريل ....

 

[قبيطه]

انا بعد بروح تركيا انشاء الله آخر الشهر وابى اعرف مجمعاتهم وسوقتهم انا خالاتى رايحين بس من سنين اتوقع كل شى تغير

 

[q879]

مجمع جواهر سوق عثمان بيه السوق المسقف والمصري

 

[دلوشه]

انا بعد اول شهر 8 بروح لها

يقولون شارع الاستقلال حلو..

وسوق المسقف و مجمع جواهر ..

 

[الفاتنة]

محد رد على استفساري ):

 

[أبلة كويتية]

حبايبي
آنا رايحة تركيا السنة إللي طافت
وااايد حلوة
بس المشكلة غالية شوي
يعني 20 ليرة تساوي 5 دنانير
وما تسوي شي عندهم
مثلا
لو بتطلبين وجبة من برجركنج
سعرها تقريبا 19 ليرة يعني 4 دنانير

وتخيلو عشان تدشين الحمام تدفعين فلوس
بس في بعض الحمامات القليل منهم ما تدفعين فلوس

7

7

التاكسي باسطنبول وايد غالي
لو تبينه يوديج من بيتكم لي الجمعية يطلب 4 أو 5 دنانير

7
7
أسواقهم حلووووة
بس هم غالية
يعني التركي بسوق النقرة متروس تلاقين التنورة خمس دنانير بسوق النقرة وعندهم ب15 دينار

تخيلوا لبنة بينار صناعة تركية نشتريها من هني ب500 فلس
عندهم ب750 فلس

7

7
بإختصار الجو عندهم يهبل
وأكلهم روعة خااصة الشاورما
أسواقهم حلوة بس للتمشي لأن الكويت أرخص وفيها كل شي
روحي والله عجيبة وآنا لو يحصلي ما روح غير تركيا
بس عشان الجو والأكل إللي عندهم
حدها تونس
وإنشاء الله أقولكم عن الأماكن السياحية بس بصلي وأرجع لكم
​

 

[الاطلالة]

انا رحت شهر 5 بس وايد غالية وايد عقب مانظمت حق اوربا شبت الاسعار صراحة ماراح اروح مرة ثانية غالية وايد لو رايحة لندن احسن

 

[الفاتنة]

يلا يالابلة ناطريييييييين

 

[الفاتنة]

انا رحت شهر 5 بس وايد غالية وايد عقب مانظمت حق اوربا شبت الاسعار صراحة ماراح اروح مرة ثانية غالية وايد لو رايحة لندن احسن

عاد تصدقين لنه ريلي ذابحني يبي لندت وانا مو راضية ياربي احس انها مملة بس الاسوقة حلوة وبالصيف الاسعار نااار

 

[أبلة كويتية]

آسفة على التأخير بالرد
7
7
شوفوا حبيباتي

أنصحكم تروحون على الخطوط التركية
لأن الكويتية مأجرة مقاعد من التركية
وما تروح لإسطنبول
دايما موعد الطيارة 2 بالليل وتوصل الصبح عندهم الساعة 6
هذا الحجي العام وأولت العام
الله عاد الساعة 6 يصير الصبح والجو حده روعة
التذاكر إللي يحجز مبجر يحصلها 150 دينار
بس ألحين شوي تأخرتوا تحصلونها ما بين 170 إلى 200 دينار
الفنادق عندهم بالدولار
الفنادق النظيفة والأمينة ما بين 150 إلى 200 دولار بالليلة
في فنادق أرخص بس مو حلوة ولا نظيفة
7
7
نتكلم أول عن إسطنبول

قعدنا في فتدق الهوليدي إن
كان سعره مناسب حجزناه من مكتب بتركيا ب29 دينار لليلة يعني 100 دولار
بس من الكويت أتوقع أغلى
في إسطنبول العيشة شوي غالية
المطاعم منتشرة بكل مكان سواء المطاعم التركية
او مطاعم الوجبات السريعة
أحسن الاماكن بإسطنبول
منطقة المتاحف إسمها السلطان أحمد وهي
منطقة فيها المساجد القديمة وحلوة

وأنصحكم بسوق تقسيم حلو وااايد
السوق عبارة عن شارع طويل فيه كل ما تتمنينه
وفي بآخر الشارع على إيدج اليسار سرداب
السرداب هذا فيه كله إستوكات للماركات لا يطوووفكم
في ناس يسكنون بتقسيم بس آنا ما أنصحكم
تكثر فيها الحرامية مو امينة للعوايل

بعد لا تنسون تروحون جزيرة الأميرات رووووعة
إسمها بيوك أظا
بس ديروا بالكم لاتروحون لها سبت وأحد لأنه عطلتهم
يصير زحمة وروحو له بالعبارة البطيئة أرخص
بس العبارة السريعة أريح وأغلى بوايد

عندكم بعد جبل العرايس أو يسمونه جبل التلفزيون
وفيه كل عروس تتزوج عندهم لازم تيي للجبل
ببدلة العرس
عاد تخيلوا المنظر
لا يطوفكم سوق بكر كوي
وعثمان بيك

عندكم بعد المجمعات الغالية شوي
مجمع كانيون
مجمع جواهر
مجمع كابتال
نسيت في مجمعات وااايد
ممكن تشوفونها بمواقع السياحة في النت
وعندهم مدينة ألعاب إسمه تعطيليا غالية وما تسوى تتعنون لها

7
7
بالنسبة لبورصة
عندكم جبل اولداغ وااايد حلو
فيه تلفريك وشوي وبارد ديرو بالكم أخذوا شال معاكم
وفيه عندهم سوق كابلي جارجا حلو
وفيه مجمع على إهرامات بس نسيت إسمه
وعندهم الشلالات تاخذين سيارة من المكاتب ويودونج
ومدينة العاب لونا بارك
7

7
وفي منطقة تبعد عن بورصة تقريبا ساعة ونصف
إسمها تيرمال
فيها حمامات بخار عجيبة
وهذي المدينة كأنج قاعدة بالخليج
يأجرون الخليجيين فيها شقق ويقعدون
شهر وشهرين في مدينة لازقة فيها إسمها يوك جدرا وإذا ما عرفوها قولو لهم تيرمال
وفيها الأتراك يتكلمون عربي
والشقق فيه رخيصة
لا تطوفكم لازم ترحون لها

7
7

اتمنى أفدتكم
ولا تنسون بالدعاء
دعوة المسافر مستجابة
الله يخليكم أدعوا
بالشفاء العاجل لأبوي:tek:
​

 

[* ورود *]

حلوة
بس روحي لها بموسم سفر لأنها شوي خطرة وخصوصا العاصمه كلها دواعيس

وترا تكاسيهم صايره غالية

بس لاتنسين تمرين بورصه

 

[جمانه 99]

حبيبتي الفاتنه مع التذاكر يكلف تقريبا 3 الاف دينار وانصحكم فندق تحجزن من الكويت مع التاكيد على الحجز

 

[الفاتنة]

ابشركم ريلي هون ما يبي تركيا يقول حسافة اوروبا احسن منها ونفس التكلفة....آآآآه بموت ودي اسافر​

:0bee2e8d89::0bee2e8d89:

 

[bambena]

انا توني رايحه
التكره على الجزيره دايركت ب 50 دك

الغندق ليلته 130 يورو

الجو حررررررررررررررررررررررررر

غاليه نوعا ما بس مو وايد

السوق اينن

مول جواهر الحين صار قديم فتحو وايد احلى واكبر منه

التكاسي ماعانينا منهم لان على طول نتنقل بالمترو

عكس ماقالولي الديره تهبل وامان واهلها حيل حيل حبوبين

وايد خوفوني منهم بس حيل حيل استانسنا

 

[Bent Abooooy Q8]

بلا مبالغه 13 يوم في بورصه كلفتنا الفين دينار
الديره متغيره وشابه نار وذبحنا الحر والرطوبه
هالحكى الصيف الي العام
وبدون تذاكر
على فكره احنا 2 كبار و2 صغار9 و3 سنوات
نصيحه روحي اوربا نفس التكاليف وبراد وثلج فوق الاجبال ومطر