خبيرات دبي ضروري (مدينة الثلج)

[ام خدود ورديه]

السلام عليكم
بنات
انا ناويه اروح دبي بالعيد ان شا ءا الله وهذي اول مره لي

رحنا مكتب السفريات وقلناله نبي مكان يم مدينة الثلج ويكون الفندق 5 نجوم
قالنا عن هوليدي ان
وانا مادري ليش خفت من كلام الناس عن المكاتب السياحيه انهم ناصبين وهييك

قالنا التذكره شخصين مع اقامه 4 ايام اب 266 بدون اي وجبه ؟
زين ولا ؟؟؟

وسؤالي الثاني
وين في مدينة ملاهي بدبي وشنو اسمها؟
انا ماعرف ولا شي

 

[بنت عبدالغني شربت]

مدينة الثلج موجوده بلا مارات مول ويكون شوي اهوا بعيد احسن مكان تاخذين سكن فيه عندج دبي مول وتوني حاجزه المنزل سعره 45 دينار بالليله تقريبا

 

[.]

وايد فنادق قريبه من الامارات مول بس اغلبها شقق فندقيه..

المدينه الثلجيه موجوده فيه..


واذا تبين تتاكدين من الحجز اتصلي ع الفندق نفسه..

امم احنا حجزنا 6 اشخاص ع الوطنيه السياحيه ب 240او 280 موذاكره بالضبط والفندق شقه 3 غرف من موقع بوكينغ ب100 ليلتين ..<< بس الحجز كان قبل شهر من سفرتنا
وسفره ممتعه يارب..

 

[بدوره 22]

قراند حياة مو بعيد وايد

وانصحج بعد بدبي مول ترى وايد احلى من الامارات مول صج ان دبي مول مافيه مدينة ثلجيه بس في مدينة ملاهي اسمها كيد زانيا

روعه شويه عليها وحتى في اكواريوم وصالة تزلج والنافوره الي تشرح الصدر

روحي الامارات مول ودبي مول

 

[law love]

اسعار الفنادق بدبي بالعيد مرتفعه حييل
عندج الكراون بلازا فيستفل سيتي حلو و اسعاره دايما معقوله
انصحج تحجزين فندق يكون لاصق بمول لان بالعيد زحمه و بكلفج التكسي و حررر

 

[هدوء العالم]

رد : خبيرات دبي ضروري (مدينة الثلج)

هلا أختي

إذا تبين قريب قريب من المدينة الثلجية

هو فندق كمبنسكي مول الإمارات وهو متصل بمول الإمارات

وفي بعد شقق فندقية جديدة لمول الإمارات ويكون أرخص من فندق كمبنسكي 5 نجوم

وهو فندق بولمان 4 نجوم

وكلهم وكلهم في قلب مول الإمارات

 

[ترتر زري]

مايسوى تقعدون يم موول الأمارات روحوا له بالمتروو يدخلكم لي المول على طول

أحسن شي سكنوا يم دبي مول عندكم العنوان والمنزل وقمرالدين وإذا تبون أرخص عندكم روز ريحان بشارع زايد دقايق عن دبي مول ومحطة المترو جباله