خبيرات لندن ابليز ساعدوني

[ليمونه الحلوه]

السلام عليكم
بنات ابليز بغيت اعرف في احد جرب واخذ خدامته معاه لندن؟ لاني ناويه اخذه بس متردده ابي نصيحتكم تنصحوني اخذها معاي ولا لا؟ وخاصه ان معانه 5 اطفال واشلون على فيزتها تحتاج شيء غير عن فيزتنا؟ ارجوكم ساعدوني ومشكورين وايد

 

[om l3yal]

السلام عليكم
بنات ابليز بغيت اعرف في احد جرب واخذ خدامته معاه لندن؟ لاني ناويه اخذه بس متردده ابي نصيحتكم تنصحوني اخذها معاي ولا لا؟ وخاصه ان معانه 5 اطفال واشلون على فيزتها تحتاج شيء غير عن فيزتنا؟ ارجوكم ساعدوني ومشكورين وايد

هلا ليمونة نصيحة لا تجازفين وتاخذينها احنا خدامة امي 15 سنة عندها وكل سنة توديها ويوم عرفت الاماكن انحاشت ما قالت عشرة عمر لا وتبلت عليهم
ترا السالفة فترة وتعدي وغيري روتين حياتج جربي الحياة بدونهم ترا وناسة

 

[LA TROO7]

ربعنا العام بلندن انحاشوا خداماتهم ثنتين

وعلى فكرة السفارة نادر نادر ماتوافق على فيز الخدامات احنا العام رفضواا

وكان وياي وحده تسولف لي بالطيارة انهم حاولوا 3 مرات يسوون لخدامتهم لكن رفضووا يسوون لها فيزاا

 

[ام غلا وجنى ودل]

حبيبتي انا من اقل من عشر ايام طلعت فيز حقي انا وزوجي وعيالي والخدامه انا اشوف ادا الوحده بتسافر تحتاج خادمه ان كان معاها صغار مثلي والحمدلله انا خداماتي لفوا اوربا معاي كلها استانست وونستهم بالنسبه لفيزا الخدامه عادي جدا عطوني اياها بس مزودين قيمة رسومها 100 وشوي وخلال 4 ايام استلمناهم

 

[الدلال]

وانا اختج لا تغامرين وتاخذينها, ماعليه عيالج انشالله مو مأذينج والخدامه اذا اخذتيها راح تسوين حسابها بالسكن وبطلعاتكم وبكل شي وحلات الواحد بالسفر يغير رووتينه

بداية الاسبوع كنت بالسفاره حق الفيزا اسمعهم يكلمون واحد يقولون له لازم الخدامه يكون لها اكثر من سنه تشتغل عندكم وفيزتها على ما اظن 100 وشوي

 

[أم أنور]

ما افكر اسويهااا لانه ماراح اتامنين عليها

 

[~ عز ~]

انا رح المانيا والنمسا و ايطاليا ووديت عيالي بدون الخدامه وندمت .. ماكأني رايحه استانس ..

رحت اخدم و اشيل و احط و البس و اجهز

ماتسوى علي السفره تعب في تعب .. بعد لو ياهل واحد جان اشوه بس ماشالله خمسه .. انا لومكانج اوديها وانا مغمضه