خبيرات لندن دشو بسرعه حدي متوهقة مسبو فيني اجر

[hbenc]

السلام عليكم شلونكم بنات

حبايبي انا ان شاءالله بسافر لندن علاج مع خالتي بس انا مرافق ثاني وسمعت ان العلاج بالخارج مايعطوني لامخصص مالي ولا اجازة مرافق بس يعطوني تذكرة ذهاب وعودة هل هالكلام صحيح ؟ وبالنسبة للسكن راح اسكن مع خالي بالشقة الي مخصصينلنا العلاج بالخارج لها مبلغ يعني ان شاءالله راح تقزر
ان شاءالله السفر راح يكون شهر اول شهر ستة بس حبيت اسألكم جم راح يكيفيني مصروف اهناك انا معاشي مقصص وماراح يبقالي منه الا 300 دينار تهقون تكفيني ؟ خالي قالي راح يكون مسؤل عن اكلي وشربي لكن مو مسؤل عن حاجاتي واغراضي الي بشتريها

تهقون تكفيني 300دينار اطقطق فيهم اهناك ولا شنو بليييييز خبيرات لنندن ردو علي بلييييز حدي متوهقة

 

[لندنية]

ماعندكم الا العافيه والله يشافي خالج ويرده لكم بالسلامة

ممممم تقريباا 300 كويتي بالباوند يطلعون 670 £

اختي حسب انتي شنو تبين تشترين يعني صعب تشترين ماركات
مثلا انتي شنو حابه من لندن اكو شي معين ؟

 

[hbenc]

مابي ماركات الحمدلله شارية ماركات الصيف الي فات بس المشكله هالمرة ماكنت عامله حسابي على سفرة فجأة قالولي نبيج مرافق وانحطيت بالامر الواقع وانا مو ميمعتلي شي

يعني ابي اشتري شغلات بسيطة مثل جواتي بس مو ماركة عادين وبروح هارودز بلقط جمرشغله هل تكفيني 300دينار ولا لاء

 

[لندنية]

ممممم اتوقع تكدرين تاخدين شغلات بسيطه فيها لان لندن فيها شغلات رخيصه وايد انشاءالله بتكفيج انتي اول ماتوصلين شوفي السوق وبعدين قرري شنو تشترين عشان تشوفين ميزانيتج والاغراض الي بتشترينها

 

[hbenc]

وين احصل الشغلات الرخيصة عطيني حبيبتي امثلة على السوقه الحلوة والرخيصة الي اهناك ؟
كتبيلي اسامي السوقه اذا تطري على بالج ياقلبي


سوري اذيتج حبيبتي بس فعلا متوهقة

 

[ام مهاوش]

مالكم شر ان شاءالله
بس انا اللي اعرفه انه المرافق الثاني يعطونه بعد بس مادري اذا تغيرت القوانين ولا لا
خلي السوق اخر شي
والله يشافي مرضاكم ومرضى المسلمين يارب

 

[hbenc]

تسلمون والشر ما اييكم حبايبي

بس انا بعرف اذا يكفي ولا لا ؟وشنو الاسوقة الرخيصة ؟ لان بستغل الوضع وباخذ بعد الايلتز من اهناك بشوفلي معهد زين لان يقولون الايلتز مالهم اهون من امتحنا

 

[كويتية و لكن]

لا يا ماما ما تكفي وانسي هارودز من اول زيارة بتروح الثلاث امية لكن بس صيري مرافق وبس الله يشافيها ويردكم سالمين لندن عالية غالية الا اذا بتشترين اكسسوارات من السوق يمكن تكفيك فلوسك والله المستعان

 

[hbenc]

كويتية ولكن ( ضيقتي خلقي ) شنو اسوي ياربي حاولو تذكرون محلات رخيصة

 

[لندنية]

ههههههههه حرام شفيكم ع البنت راح تحوشها كأبة من الحين قبل السفر تكفيها ادا راحت ماركس سبينزر مثلا او بريماك طبعا يعني اكو شغلات بتحصلها القطعه مثلا من 30 باوند وفوك بس لاتفكرين تشترين هدايا لان صج ماراح تكفي الفلوس

مثل ماكتلج اول شي نزلي السوق وشوفي ولاتشترين شي روحي اكثر من مكان وقرري شنو الي تبينه بهالطريقه تكدرين تسوين كونترول ع فلوسج لان حرام تصرفين كل الي عندج وبعددين تشوفين اغراض رخيصه وتتحسفين .

وين بيكون السكن مالكم ؟

 

[hbenc]

حبيبتي لندنية ايي بليييز عطيني دافع والله احس نفسي مرضت من كثر التفكير

انا ماراح اشتري هدايا كلش كلش مبلغة الكل بظروفي ومتفهمين بس بخاطري اشتريلي جم شغله تكون زوينة وحلوة وسعرها معقول

الى الان ماحددو المستشفى واحنا قلنا بنسكن يم المستشفى وبخاطرنا شقة اجارها شهري مو اسبوعي الي تعرف تبلغنا الله يجزاها الجنة
اليوم يمكن يحددون او يوم الاحد عن اسم المستشفى وعلى هالاساس بكون السكن باذن الله

 

[منيرة خالد]

الله يرد خالتج بالسلامه ويشافيها

المبلغ اللي معاج صغير حددي شنو بالضبط تبين تشترين ويعتبر محل بريمارك ارخص محل بلندن ، وتقدرين تروحين شبردبوش فيه شغلات رخيصه


وتردون بالسلامه

 

[hbenc]

مشكورة حبيبتي منيرة الخالد
انا ابي اشتري شغلات رخيصة يعني وانتي بكرامة جوتي زوين وجم قطعة ملابس حلوة مابي اشتري ماركات

سوق شبردبوش شنو فيه اغراض شبيع ؟

 

[لندنية]

فاهمه قصدج وحاسه فيج ولا يهمج ولا تفكرين وايد انا ادري انتي ماتبين اشياء غاليه وايد وانشاءالله بتكفي تشترين الي بخاطرج
بس عطيني اسم المستشفى او عنوانها وانا بقولج وين تروحين وحتى لو وصلتي لندن وعندج انترنت انا بساعدج اول باول وبعطيج التفاصيل وشلون تروحين لهالاسواق.... ليش كل هالتفكير والخوف لندن فيها الغالي وفيها الرخيص ويناسب كل الظروف
بتردين الكويت وانتي مشتريه جم شغله ومستناسه فيهم بعد

سوق شبرد بوش مايفيدج

الاسواق مثلا الي اتوقع انها بتناسب ميزانيتج واسعارها معقوله بالنسبة لمحلات الثانية
دبنهامز بتلاقين فيه شغلات حلوه ومناسبه
ماركس سبنسرز عندهم بعد جواتي حلوه منزلين وعندهم تشكيله لوشنات للجسم وحتى ملابسهم حلوه و يمكن المحلات الي فيها out let اتوقع راح تفيدج
بريماك رخيص وايد وايد في ناس يشترون منه وايد بصراحه انا ماااشتري ملابس منهم بس في نواعم مثلا حلوه



يعني من كل مكان يمكن تكدرين تشترين شغله وباسعار معقوله

 

[hbenc]

وااااايد ريحتيني حبيبتي ( لندنية ) ان شاءالله اول ما اوصل اهناك راح اخذ منج التفاصيل

بغيت اسألج عن البيكستر فيلج اذا تعرفينها شنو فيها ؟ يقولون حلو سوقها وهل سوقها غالي ولا رخيص

وودي اروح مناطق ريفية فيها طبيعة تنصحيني بأي منطقة ؟ ابيها تكون قريبة على لندن يعني بو ساعة او ساعة ونص بالقطار عشان يمديني ارد الشقة
طبعا هذا كله بسويه اذا تطمنا على خالتي وصار الوضع مستقر

وهم بغيت اسألج ادري كثرت عليج الاسئله فديتج
هل الفيزا البريطانية الي سعرها 36 شاملة التأمين الصحي ولا لا ؟

ومشكوووورة على سعة صدرج وردودج الي تثلج الصدر عسى ربي ينولج كل الي بخاطرج

 

[بلبله سعوديه]

مالج الا بريمارك نصيحه المبلغ اللي عندج في الكويت راح يطير بيومين وش عاد لو انتي في لندن بلد التسوق

 

[hbenc]

الله كريم والله يعين والله يبارك بالفلوس ان شاءالله

 

[لندنية]

وااااايد ريحتيني حبيبتي ( لندنية ) ان شاءالله اول ما اوصل اهناك راح اخذ منج التفاصيل
اكيد حبيبتي وانا بعد بالخدمة وبكون وياج متواصله بالتفاصيل اول باول لاتحاتين من هالموضوع

بغيت اسألج عن البيكستر فيلج اذا تعرفينها شنو فيها ؟ يقولون حلو سوقها وهل سوقها غالي ولا رخيص
(( حبيبتي هالسوق غالي شوي بس مو غلط تروحين وتستانسين باي مكان تبين مو شرط تشترين لندن اماكنها السياحيه حلوه مو بس سوق .

وودي اروح مناطق ريفية فيها طبيعة تنصحيني بأي منطقة ؟ ابيها تكون قريبة على لندن يعني بو ساعة او ساعة ونص بالقطار عشان يمديني ارد الشقة
طبعا هذا كله بسويه اذا تطمنا على خالتي وصار الوضع مستقر
انشاءالله الله يطمنكم عليها ويشافيها يارب وهالموضوع خليه لوقته عشان نشوف الجو شلون بيكون وع اساسه نحدد المكان الي تبينه

وهم بغيت اسألج ادري كثرت عليج الاسئله فديتج
ولا يهمج كل الي اكدر عليه بساعدج فيه
هل الفيزا البريطانية الي سعرها 36 شاملة التأمين الصحي ولا لا ؟
ماادري بصراحه عن هالموضوع سالي المكتب نفسه الي بيعطيج الفيزا .

ومشكوووورة على سعة صدرج وردودج الي تثلج الصدر عسى ربي ينولج كل الي بخاطرج
بعد عمري انتي مشكوره ع هالدعوه الحلوه بالعكس ماسويت شي وبحاول اساعدج بكل الي اكدر عليه

ومايكون عند خالتج الا العافيه يارب