خبيرات لندن لوسمحتوا

[سنبلة]

السلام عليكم


خواتي اللي خبره بلندن بغيت اسالكم عن فندق ثيستل ماربل ارتش بالنسبه لموقعه ونظافته وهل عنده حركه والا هدوء يعني ودي اعرف عن الوضع العام للفندق يسوى والا لا فيدوني جزاكم الله خير

 

[سنبلة]

وينكم ماكو احد يرد علي

 

[jen2n]

الحلو اللي فيه ان بوسط اكسفورد والاجورد رود

 

[سنبلة]

يعطيج العافيه انا ادري انه باكسفورد بس ابي معلومات اكثر عنه

 

[jojowa]

هلا حبيبتي انا سكنت فيه قبل سنتين اهو احلى ما فيه موقعه و كل شي قريب يمج و بالنسبه للغرف اهي نظيفه و مرتبه بس عيبها صغيره و الاثاث قديم والفندق بشكل عام يعتبر قديم بس ينسكن فيه ,,,

 

[krkosha]

موقعه وايد حلو والاندرقراوند يمج
من ناحيه النظافه اوكي
بس الغرف صغيره انا كنت حاجزه من الكويت الغرفه كبيره بس يوم وصلت انصدمت بالحجم فزدت المبلغ 80 كويتي تقريبا وعطونا غرفه اكبر وااايد

واذا غرفتج تطل على بريمارك غيريها واخذي الجهه الثانيه لان ازعاج خصوصا الويك اند واذا عندهم مظاهرات

 

[krkosha]

بس انصحج فيه هادي واللي يشتغلون فيه وايد زينين ويساعدونج بكل شي حتى اذا ما ادلين مكان بتروحين له يدلونج
وموقعه روعه بصراحه كل شي يمج

 

[Tender Heart]

مكانه استراتيجي حده جنه جدامه بريمارك <<< مو متاكده بالضبط

وغرفه صغيرونه شايفتها في اكسبيديا ... تبين غرف شرحه وسعر زين جربي راديسون بلو بورتمان اهلي سكنو فيه من شهرين يمدحونه

 

[سكرة هانم]

مكانه عجيييب بوسط السوق بريمارك بويهج

بس من داخل ماشفته ريلي زار ربعه يقول زين وسعره رخيص اهم حاجزينه من الكويت

وسفره موفقه

 

[روزي25]

حلو ونظيف والاحلى موقعه بنص الاكسفورد المحلات يمين ويسار وبريمارك قباله

بس عيبه الغرف صغيره والبوفيه حق الفطور مو بطال

 

[سنبلة]

يعطيكم العافيه وماقصرتوا