خبيرات لندن

[بنوتات]

حابيبي اشلونكم ؟؟ ابي اسالكم عن بكستر فيليج ( يسكر يوم الأحد؟

 

[mr000]

أختي حسب السايت مالهم مايسكر الأحد بس يفتح من 10لي 6 المغرب!لو تفتحين السايت مالهم تاخذين فكره أكثر عن المحلات والعروض والبضاعه اليديده!www.bicester village.com

 

[mr000]

آسفه حبيبتي يمكن ماراح يفتح لج السايت هذاك جربي هذاwww.bicestervillage.com

 

[قمربلادي الكويت]

اختي شنو هذا بوكستر فيلج ووين بلندن وشنو يبيع وشلون اسعارة
ههههههه
وحده مضيعه بس قلت اعرف

 

[mr000]

أختي هذا سوق الآوت لت يعني محلات تبيع الماركات بنص السعر وهو مكان حلو للتسوق تروحين له بالقطار من محطة مارليبون تقريبا ساعه وشوي من لندن

 

[بنوتات]

مشكورة يا اخت mrooo وماقصرتي وكنت عارفة اني راح ألقى الجواب عندكم الله لا يحرمني منكم

 

[CuTe G!rL]

رحت له العام
مالقيت شي عدل
صراحه مو ذاك الزود
كان زحممممه ولويث

 

[mr000]

أختي أنتي يمكن رحتيله بالصيف أكيد كل مكان بلندن زحمه والخليجيين اللي يايين لندن وسامعين عنه الكل أيي بيشوفه فيكون زحمه ومافيه شي بس آنا رحت له بشهر 4 المكان روعه وماكو زحمه بس أجانب والمحلات هاديه وفيه شغلات حلوه ماأقولج كل شي بس فيه أشياء فرصه تاخذينها لأن نفسها بمحلات لندن بس السعر دبل!

 

[$$ ام فهد $$]

اختي انا رحتله وايد حلو والاسعار وايد زينة والافضل تروحين يوم الاثنين او الثلاثاء علشان ماكو زحمة والبضاعة اكثر

ياتروحين بالقطار او بالباص وعندج مكاتب السياحة في شارع اجورود يسون رحلات بالباص حق بسترفيليج

 

[الاسطورية]

انا لما رحت ماكو شي يسكر الاحد يفتحون بس فتره بسيطه الصبح

 

[mr000]

السلام آنا رحت له بالقطار أعتقد أحسن مادري آنا ماأدوخ من الباص بالقطار من محطة مارليبون وتوصلين هناك في باصات صغيره تشيل 7 أشخاص بس تاخذكم من المحطه لي السوق المسافه 5 دقايق ولما تخلصين روحي نفس المكان تلاقين الباصات ناطرتكم توديكم محطة القطار حق الرده وهالباصات متوفره على طول لما يسكر السوق! توه واصلني منهم أيميل أن عندهم عروض الخريف بضاعه جديده ومن 26/10 في ساعات دوام غير ياريت تفتحين السايت اللي حطيته فوق وتشوفينه!