خبيرات لندن

[الزين كويتي]

3 الاف اتوقع حلوين

 

[دلع الكون]

حبيبتي انا اول مره رحت لها كان مصرف وسكن واكل طبعا بالشقه

ومرتين اللي تعشينا بره وتسوقت بس من غير ماركات الا العطور والمكياج طبعا ماركه كفتنا تقريبا 1500 وكانت امي معطتني 200
دينار للزنئه على قولتهم وبعد صرفتها

ولا كانت بالبال وقعدنا فيها حوالي 8 ايام وال 9 بالكويت

وعقب ماعرفناها لا والله يمكن اللي رحتها من اول تجربه 4 مرات ما اخذ الا الاف ونقعد وايد يعني تقريبا شهرين او ثلاث اشهر


بس كنصيحه اذا على الاكل مو كله بره تاكلين لا وفري نفسي بالمره الاولى وحطي في بالج بروح استانس واذا عرفتي الديره عدل

مره ثانيه تكونين حاسبه حسابج

وفي بنات وايد يمكن يبالغون بالسعر لان اهما يبون ماركات


اذا الجنطه 350 و 400 دينار اكيد ماراح تكفي ال 4 تالاف


بس توكلي على الله وروحي استانسي واخذي شقه اوفر ب 150 دينار

 

[شيخة كويت]

يعني الف تكفي معقوله حق سوق واكل يعني طبعا مره باليوم لأن حاسبين حسابنه ان بناكل با شقه

 

[@الخياله@]

والله لو تجيبين معااااااااج ملايين الدنيا ماتكفي ههههههههههه

لندن تغري >> وخصوصا السووق

وكل شي فيهاا غالي انا فيها من 7

بس الاسعار الحين فرقت عن الصيف ،،

نزلت حيل /


موفقه حبيبتي

 

[شيخة كويت]

اي زين حلو

 

[ظبية الامارات]

والله ماعرف بس لندن مب رخييصه الصرااحه انا يلست فيها 4 ايام وكلفتنا شي محترم ماعرف كم بالضبط بس كلفتنا الصرااحه مابين مواصلات وشوبنق وترفيه

 

[raq6a]

شوفي حبيبتي انا توني رادة من اجازة العيد وصايره وايد غاليه بس ارخص من الصيف طبعا احنا 4 اشخاص خذينه شقه 2 غرفه وصاله 2 حمام بأجور روود خذيناها 700باوند بالاسبوع قعدنا 6 ايام وابصراحه الاكل واااايد غالي مااعتقد 1000 اتكفيج يعني بس حق وناسه واكل يمكن بس تسوق فيها لا يبيلج اكثر

 

[kaboOOOOOOOOsa]

انتي ذا بتقعدين بشقه خلي الريوق بالبيت يعني لا اتصير وناستكم بس مطاعم روحي القهاوي وخري عنة المطاعم الغاليه ومن 1000 لي 2000 لاتنسين ترى لندن اغلى المدن اوربيه

 

[حضاره]

حبيبتي يعتمد على شغلات مهمه مثل مدة السفره00ويعتمد وسيلة المواصلات اللي بستخدمينها شنهي؟؟

والمطاعم اللي بتروحينها بعد!!

خل اقولج اللي عندي 00

اولا:اذا كنتي بتستخدمين التكاسي فراح تاكل الميزانيه أكل!!لانها غاليه00

بس اذا بتستخدمين الاندر جراوند او الباصات ف بتستفيدين وتوفرين حلالج لانه رخيييييييييييييييييييصه وسرييييييييعه وعمليه جدا00

بعدين عندج المطاعم 00في مطاعم بالاجواردرود لبنانيه شي رخيص ومعقول وشي غالي وفي مطاعم رخيصه وحلوه00يعني مورخيصه

وايد بس مثل سعرها بالكويت مثل البيتزا هت00طحنا فيها آخر يومين بالسفره استانسوا عليها العيال يقولون لذيذه!!

وبعدين يجي السوق وميزانيته00 هذا يعتمد عليج 00شنو تبين بالضبط 00وشنوبخاطرج00 حددي من هني شنو تبين بالضبط

عشان اذا رحتي هناك مااتدودهين من اللي بتشوفينه00والله يوفقج يارب ويسهل سفرتج وتستانسين يارب

واي استفسار انا حاضر

 

[شيخة كويت]

بعد عمري انا بقعد اسبوعين طبعا قلت 1500 حق بس سوق ومطاعم حلوه يابنات

 

[فيفالدي]

انا بعد ناويه اسبوع جم يكفيني

ابيكم تفصلون المصرف عن السووووووق


في فرق بين المصرف الي اهو اكل وشرب ومواصلات

وبين التسووووووووق والشوبينق رجاءن فسروا عدل

وماجبتوا طاري التذاكر والسكن جم تقريبا


وماتقصرون كلكم حبيباتي

 

[شيخة كويت]

بس بنات لندن بشهر هذاا اقولون قلة اسعارها واااايد لان مو موسم سفر وفي محلات بلش سيل فيها

 

[قلبي تركواز]

الباوند يعني نص دينار كويتي

 

[ملاك بين البشر]

هلا حبيبتي بس بقولج لاتستخدمين التكاسي الباصات الحمر واااااااااااااايد ارخص وحلوين ومريحين ولندن كلها عرب اي احد تسالينه عن طريقه الباص راح يعلمج عليها دقيقه مايبيلها شي

 

[كريستال]

البنات ماقصروا

التكاسي نهبه ابتعدي عنها قد ماتقدرين

ولندن غاليه نار بس بالشتاء ارخص ويارب تستانسون

 

[shoooshooowa 83]

انا رحت بالصيف قعدت 20 يوم وقطيت 8000 دينار مع كل شيء يعني المصرف والفندق والشوبينغ طبعا هم شويييه بس كل واحد على حسب ميزانيته يعني تقدرين تستانسين بمبلغ اقل و مو لازم تشترين ماركات وفي محل اسمه بريمارك اسعارهم حيل ارخيصه وعندهم اشياء حلوة حق الصوغه ما صوغه وهدايا