خبيرات ماليزيا أرجوكم المساعده

[ودي***أفرح]

السلام عليكم

حبايبي كويتيات أبي مساعدتكم .......ناويه أسافر بالصيف لماليزيا إن شاء الله وسؤالي هو .....

كم تكلف الرحله ( أنا وزوجي وعيالي 3) يعني أبي التكلفه التقريبيه علشان أعمل حسابي

( التذاكر والسكن والمصاريف الاخرى)

 

[@ دهن العود @]

ماليزيا كلفتنى انا وريلى بس من 1500 الى 2000 دينار لمدة اسبوعيين

وكانت سفرتنا بين يوميين صن واى لاجون + 3 ايام لنكاوى + 3 ايام بينانج + 6 ايام كوالمبور

وكانت تتضمن

الطيران الدولى + الطيران الداخلى + التنقلات الداخليه والتكاسى + الفنادق كلها 5 نجوم + المطاعم + تسوق خفيييييييييييييييييييييييييييييييييييف + التمشى

 

[ام عهوده]

تبين تروحين جزر وترى اهي اغلى من الكويت بس بالنسبة لأوربا نص السعر

 

[um 3li]

ياحلات ماليزياااااااااااااااااااااااااااااااااااااا
روحي الله معاج صج راح تستانسين لانها دولة اسلامية نظيفة عائلية وحلوة ...
انا رحت العام مع ريلي وولدي ..
طيران الاتحاد ( انصحج فيه حده عجيييييييييييييييييييييييييييب )
فندق شانجريلا ( جزيرة بينانج ) + برجايا تايمز سكوير ( كوالامبور ) + صن واي بيراميد ( صن واي لاجون )
الفنادق مع التذاكر مع الطيران الداخلي 1100 دينار
ومصرفنا الأكل والتكاسي والرحلات والسوق ( شرينا بالهبل ) تقريبا 1500 مع الجنطه الي شحناها لانها وزن زايد 46 كيلو !!!!!
طبعا ما خليت شي بخاطري ما شريته حقي انا وريلي وولدي هذا غير الصوايغ !!!!!!!!!!!
ولدي شريتله ملابس لي 5 سنين جدام من كثر ما ملابسهم حلوة ؟!!
الديرة امان ونظيفة وحلوة وكافي انها اسلامية والاكل حلال وعيالج راح يستانسون حيل هناك لان رحلاتها حلوة
واخذي نفس الفنادق الي انا خذيتهم لان صج كانوا روعة .. وانا تعبت وانا ادور واختار احسن الفنادق بالنت
وتروحين وترجعين بالسلامه

 

[um 3li]

على فكرة ترا ماليزيا رخيصة واسعارها معقولة مو غالية

بس حجزي من الحين التذاكر تحصلينهم ارخص

 

[brettey]

حسبي تذاكر وفندق 1500 تقريبا على حسب الطيران ومصروفج من مواصلات وسوق ومطاعم 1000 كافي ونصيحه مو كل شي تشترينه اشتري اشياء مو موجوده عندنا عندج ماركه بونيا ورخيصه اسعارها طقه غيس وعندتش غوتش بس اسعارها من 90 وطالع

 

[3e6er alwrd]

الله يونسكم بالعافية صراحة ماليزيا تهبل انا رحت لها عطلت الربيع الي طافت انا وريلي وبنتي , تذاكر وفنادق ( 1100 دينار ) , كوالالمبور وصن وي لاجون بس , و مصرف لمدة 10 ايام تقريبا 1000 دينار , واذا بتروحين روحي بننانج ( فندق شنجريلا) , صن واي لاجون قعدي في ليلتين, كوالالمبور ( فندق ماريوت )

 

[um 3li]

على فكرة نسيت اقولج اني قعدت 20 يوم بالضبط

 

[Tender Heart]

سفرة موفقه باذن الله شوفي انا وريلي كلفتنا 2000 اتوقع انتي مع عيالج تكلفج 3000 وعلى فكره كل واحد له حسبته الخاصه يعني احما حاجزين فندق غالي في لنغاوي يمكن عشان جذي طلعت سفرتنا علينا اغلى من الناس

 

[ابوس ترابج ياكويت]

روحي بس والله اتهبل

ما راح اتخسرين شي


والله وناسه وديره حلوه ورخيصه

 

[مشتطة وبس]

روحي وتوكلي بس لاتشترين اي شي الا اللي موموجود..........ونصيحة لاتكثرين شحاطات وجواتي كله موجودين عندنا.......وهدوم اليهال موكل مكان عاديين بس عندهم ماركة sommer bay baby حلوة تصلح للبنات للعيد شيفونات وتطريز وحلوة تلقينها بكل مكان وخصوصا سوجو....وعندج تسوقي بمجمع اللي مقابل برجايا اسمه تقريبا سوناج يانغ اتاكد واقولج ............وسهالة انشالله

 

[ودي***أفرح]

واي يا حلوكم يا كويتيات .........لا خلا ولا عدم

تسلمون على النصايح الحلوه ..........مشكوريييييييين

 

[مشتطة وبس]

حياج(ودي **افرح) وانشالله ايامج كلها فرح......... ويمكن نلتقي هناك انا بعد مخططة اروح بالصيف اول ماتبدي العطلة اذا الله اراد..:ada:.......انشالله نلتقي.........:bye22: