خبيرة تجميل مكياجها روعه

[مو اي شي]

(ام وليدي) احنا تقريبا 7 نبي نروح صالون واحد نسوي تسريحه ومكياج عادي تستقبلنا؟

 

[^ دانة الزين^]

مكياجها وايد حلو و نظيف
حدده عجبني انشاءالله بجربها

 

[مو اي شي]

حبيبتي مو اي شي ما عليج امر صالون سندس دشتي اي صوب بمشرف يم شنو اي قطعه؟

 

[nono-ful]

يسلمووو

بنات احد مجربها ؟؟

 

[مو اي شي]

حبيبتي (ام وليدي) ناطرين ردج

 

[om-weldi]

قوه بنااااااااااااااااااااااااااااااااااااااااااات
​

صراحه فقدتكم صارلي فتره قاطعه عن المنتدى لظروف عائليه :eh_s(2):
المهم اللي سألتني اذا تستقبل 7 ولا لا . اكيييييد تستقبل . وحده من رفيجاتي كان عندهم عرس قبل اسبوع بقاعه اليوسيفي انا كنت معزومه . العروس تصير بنت خالتها يوم سألتها عن مكياج العروس انه وايد حلو وسمعتهم قايتكلمون عن مكياجها وشكلها وبدلتها انه كل شي حلو قالتلي مكياج سندس دشتي اهيا يايتلهم القاعه كلهم 6 مع العروس

 

[om-weldi]

صالونها وايد سهل اذا دخلتي مشرف من خط فحيحيل كملي الدوار سيده ثاني لفه على ايدج اليمين

بس اهيا ماتستقبل الا بمواعيد لازم تتصلين

 

[مشتطـه]

اشوفه عادي حيل

 

[om-weldi]

الناس اذواق مثل مايقولون لولا الاذواق لبارت السلع
بس والله الحق ينقال كل اللي جربو مكياجها من معارفي حبو شغلها
واذا فيه احد مجرب خل تعطينه رايها وتفيد البنات

 

[كويتية زقرتيه]

والله أنا أذكر اني قلت ابي اروح والصراحه زين اني ما رحت حق ملجتي رحت حق مناسبه ثانيه والله مكياجي اللي أحطه حق نفسي وايد أحلى وبعدين الفاونديشن كان مو حلو بنص الحفله يسيح وايد تحسفت اني حطيت عندها الصراحه وهذا رايي مع أحترامي للباجي بس ما أبي أهضم حقها البنت كنفسيه عسل ومحترمه بس كشغل ما أعجبتني و ثانكس​

 

[يآلبى ضحكتي:$$]

شغلهآ جدآ عآدي بصرآآآحه ومومرتب حيل ​

 

[Miss Eteket]

ععآ‘ديٌ حسسيته مو مرتتب ..~

 

[Sweet potato]

وحده من اللي حبيت مكياجهم علي سندس دشتي وهيا اللي حجزت عندها حق عرسي انشالله بشهر 7
كل العايله انصحوني احجز عندها لانه وايد عجبهم مكياجها علي
وحطتلي ستايل غير عن الصور اللي شفتهم بالمنتدى وسعت عيني وكثفت لرموش والشدو كان عجيب الوانه وايد متداخله

 

[شهوووود]

شكلة حلو

يعطييج العافيه

 

[_zahra]

ماشالله حلو واكيد تقدر تضبط الخفيف والناعم ,يسلموا او ولدي

 

[أحلى من الخيال]

عادي​

 

[أبلة فاتن]

هالمكياج اعرف فلبينيه تحط لي نفسه وبلاش بعد عموما موفقه

وبعدين واضح هالموضوع دعايه لها ماعجبتني

 

[قلبهـ 86]

اب



اب

 

[جوك احلى جو]

بنات جم تحط؟

 

[Sweet potato]

40 مكياج مع الرموش
صراحه سعرها وايد معقول مو الصالونات الحين الله يسامحهم مبالغين وصلو لي 100 شدعوه!